مشكله في قير بالباترول التماتيك افيدوني

[مولع قنص]

السلام عليكم ورحمة الله وبركاته

اخواني قبل فتره القير كل ما اعشق بالريوس يتاخر شوي حتى يلقم وبعدين يرجع عادي

المهم اني امس كنت ماسك خط وسرعتي فوق 140 ما هي ثابته المهم بعد ما ولت بالسلامه

هديت شوي ودعست مره ثانيه والا امبير الضغط يضرب فل التفت للقير احسبه با N

لقيته بال D استغربت والسرعه اصبحت تحت 40 المهم هديت شوي لين وصلت للبيت

وقفت بعدها وعشقت بالريوس ما رجع نهائي عشق بالD ولا يمشي قدام

المهم عشقت برقم 2 ومشى لكن السياره فيها ثقل مره طفيت السياره مدة ساعه ورجعت شغلت ترجع ريوس وتمشي بال D ولكن السرعه ما فيه سرعه

رحت للصاناعيه قالولي احتمال كبير انه فلتر القير والحقيقه انا مشتري السياره من فترة سنه ونص ما غيرت الفلتر ولما شريتها المعرض قالو لي ان السياره لها اكثر من سنه عندهم واقفه

مدري اذا احد يقدر يفيدني او مر عليه هالموقف ؟

[moog2006]

اخي الكريم مولع قنص قد تكون مشكلتك بسيطه ولعدم الخبره لا استطيع ان افيدك ولكن..... اذكر الله وترى الركاده زينه وابعد عن التسرع في اصلاح مثل هذه الاعطال فنحن بلينا بعماله دكاتره في...(غير...وضب) والمسأله تحتاج لمختص يخاف الله...................................

[مولع قنص]

هلا بك اخوي والله هذي اللي انا خايف منه اخاف اغير وابدل واخرتها الخراب من الفلتر لذلك الصباح بأذن الله ابي اغير الفلتر

وبعدها نشوف وش يصير

بيض الله وجهك على المرور

[القناص المميز]

اتوقع زيت القير ناقص حاول تشيك على الزيت ..

[mds99922]

شيك على دسك الكلتش والصحن والفحمه

[mds99922]

ومن ناحية زيت القير فأنا أشيك عليه كل 40000 أو 35000

[مولع قنص]

انا فعلا شيكت على زيت القير تمام

وابي اتوكل على الله واغير الفلتر والزيت

بس اخاف يكون فيه مشكله بسيطه ويعقدوني اهل الصناعيه

[4*4]

اخي الكريم نصيحه لوجه الله
لاتطب الصنايعه ولا تفكر تصلح عندهم شي كلهم يتعلمون وقير الفتك تقنيه المانيه بتنقرض الصناعيه كلها ماعرفو شلون يشتغل عشان يعرفون يصلحونه
انصحك تشيله على سطحه لبريده عند الخضير او العثمان او الشيبان
والشيبان يمدحونه في القير والثلاثه ماعليهم كلام
نصيحه لاتخربط ثمن تبلش ترا قيره موب كل من فكه عرف له

[stewrd]

اخوي اسعد الله مساك بكل خير انا صار معي نفس اللي صار معك المشكله انه عندك الكلاتشات رايحه يعني يبغاله توضيب والله يكون في عونك واتمنى ان كلامي يطلع غلط

[بترووول]

غير فلتر القير والزيت اذا ضبط كويس
وذا ماضبط غيرت الزيت ورتحت لن عمره الافتراضي انتهاء

[مولع قنص]

الله يعطيكم العافيه اخواني على المرور وكل عام وانتم بخير

وان شاء الله انه يكون الفلتر مالنا غير الانتظار الى يوم السبت

[ابوحميد122]

ما عندي ع ـلم
يفيدونـ ـكـ الشبـابـ
ان شاء الله

[محسن اليامي]

أتوقع من الكتاوتات اللي بالغطى الأسود في المكينه بين فلتر الهوى والرفرف

تأكد منه

[سوبر2005]

مشكلتك بالكتاوت اللي بالكبوت

[مولع قنص]

اخواني / محسن اليامي وسوبر 2005

ياليت تفيدوني وين مكانه الكتاوت بالضبط او صوره

وش عمل الكتاوت بالضبط هل لها علاقه بتنظيم عمل القير

وعلى فكره السياره قبل ست اشهر كان فيه لمبه تولع يوم اشغل مكتوب فيها powr

مدري وش موضوعها

[HAS5SAN]

http://www.mekshat.com/vb/showthread.php?t=352780

[محسن اليامي]

اخواني / محسن اليامي وسوبر 2005

ياليت تفيدوني وين مكانه الكتاوت بالضبط او صوره

وش عمل الكتاوت بالضبط هل لها علاقه بتنظيم عمل القير

وعلى فكره السياره قبل ست اشهر كان فيه لمبه تولع يوم اشغل مكتوب فيها powr

مدري وش موضوعها
مرحبا مليون

شف ياخوك أفتح الكبوت تلقى على يدك اليمين بين الرفرف وفلتر الهوى صندوق أسود صغير مستطيل أفتحه تلقى كتاوتات زرق بدلها وان شاء الله تنحل أنا صار معي مثلك

حاولت أرفعلك صوره لكن والله ماقدرت لكن أكتب في القوقل خانت الصور كتاوتات وراح تكلعلك الصوره واضحه

وآسف على التأخير وان شاء الله اني افتدك

[حامي الديار]

مساك الله بالخير - تقبل الله طاعتك وعيدك مبارك ----قبل ما اقولك الحل انت الحين سويت سويت شي

[حامي الديار]

السموحه ماكملت الكلام ----فية على يمين الكبوت اذا فتحته علبة كتاوت في العلية هذي ثلاث كتاوت زرق وواحد لونة بني
اللي في النص الازرق هذا حق منظم القير اذا كان توبترونك انصحك تغير واللي قدامة على طول حق الدعسة غيرة واظمن لك بعد اللة ان تدعيلي
سعر الكتاوت هذا 128 ريال تقريباً
وارجو انك تطمني اذا مشت الامور

[مولع قنص]

حياكم الله اخواني

وبارك الله فيكم

وانا ان شاء الله راح ارد لكم بكره وش يصير معي بأذن الله

[تشاسا]

عندي نفس المشكله السياره اف جي كروزر 2010 والسياره بالوكاله الله يستر
اذا حصل عندك مستجدات يا ليت تبلغني

[وحداني بعرعر]

بالضبط مثل ماتفضل احد الاخوان .. زيت القير ناااااااااقص وانا شخصيا يتكرر معي هالشي وانصحك تغير الفلتر كل 90الف كيلو