عدة الكشتة صارت مثل ؟؟؟؟؟؟؟؟

[مخطط 2008]

بسم الله اارحمن الرحيم

الحمد لله وحدة وبعد :

كل عام وانت بخير وتقبل الله منا ومنكم صالح الاعمال


حبيت اطرح موضوع يكون فية مشاركات من الاعضاء على قضية عدت الكشتة صارت موضة كل سنة يطلع موديل جديد واشوف بعض المكشاتية عندة مخزن بالبيت مليان من عدة الكشة شي متكسر وجديد مااستعمل الا ايام ومشاء الله اصاحب المحلات المكشتية يدورون علىالموضات الجديدةوهي تعديلات بسيطة واعتقد ان العدة وسيلة وليست غاية
واعرف واحد من الاخوان عندة عزبة عمرها 30 سنة والى الان يستخدمها فقط غير الفناجيل والبيلات لنها استهلاكية

[راعي عدلى]

صارت كشخه مب كشته

[فيصل التميمي]

يارجال محلات الرحلات يلعبون على المستهلك كل يوم شكل ولاترى عزبت البر ماتتغير ابد صندوق للغراض وقدر وابريق

[ابوعبدالله البدراني]

المسأله مسألة هوايه وعشق للبعض فلا يلامون على أقتناءهم كل ماهو جديد

[رشيد22]

العزبه هي اسمه عزبه وللبر يعني معرضه للوسخ والغبار والطين ولا يضرها شي اهم شي انها تحفظ اللي بداخلها وهو اللي يتغير معدا البريق لا تغيره كل ماابطى طاب شاهيه وكل عام وانت بخير

اخوك/رشيد22

[النوبل]

السلام عليكم ورحمة الله وبركاته

كل عام وأنت بخير والله يتقبل منا ومنكم صالح الأعمال

مثل ماتفضلت أخوي مخطط 2008

هي وسيله وليست غايه

أرى بعض الأخوان يبحث عن كل ماهو جديد وعزبته في كل طلعه متغيره

نسى أنه يحتاج فقط لما يفي بالغرض في الرحله وليس الجديد

ولو ترجع لعزبته لقيت من كل نوع مالايقل عن خمس قطع وأغلبها لايستخدم

وللعلم كل ماطولت عزبتك معك زاد غلاها ولاتقدر تطلع للبر الا بها

أحد الزملاء عزبته ماتغير منها الا مايستهلك من 15 سنه

والحمد لله أنا على منهجه أغلب القطع عندي من 12 سنه


وكل نفس وماتهوى

[العتيبي111]

كلامك اخي العزيز في الصميم ... لكن كلِ حسب هواه وقدرته الشرائية وحبه للتجديد والتطوير .. ومتابعة الجديد في كل شئ ... لكن عن نفسي مع كل مايتفق مع انها وسيلة وليست غاية ... تحياتي للجميع

[خيال العشواء]

الله يرزقك الذرية الصالحه

[مجرد وسم]

والله ياخوي من امس وانا اهوجس بنفس كلامك


امس على سبيل المثال مريت السنيدي اول مرة بحياتي اطبه مع انه حول بيتنا ولا 3 دقايق اللى بالدائري الشرقي


الوكاد دخلت المحل وتهولت اول شئ اسعاره مبالغ فيها لدرجة لقيت لى رواق تنزاني 380 ريال وفيه حاجات مالهن والله سنع ماغير تفصيل شراع على كل شئ يلقاه لدرجة انى لقيته حقات طوابق البهارات لهن شنطه


وبعض الناس مايغير يمشي ويشتري والمشكلة تحصله ماطلع بها الا مرة او مرتين بالسنة



ولا لك على حلفان ماهنا شئ جديد بعزبتي ماغير الملقاط وابريق الشاهي واما الباقى مثل حافظة الفناجيل من ايام الوالد الله يرحمه ويغفر له وكانت بعزبته وله فوق 30 سنه وكذلك الدلة



وكانت عندي شنطة حديد قديمة مثل هذى

http://members.abunawaf.com/g/2008/03/12/83aho2yj6tvqle1rv8zx.jpg



ملبسها من داخل بقماش وخدمتن 9 سنين بس راحت الله يذكرها بالخير


وعلى فكرة ترا العليان اللى بطريق خريص ارحم من السنيدي بفرق واجد


لانى ماتردد الا على شان دوافير وراس القز حق الدافورض

[الطرس ممدوح]

:good2::good2:

المسأله مسألة هوايه وعشق للبعض فلا يلامون على أقتناءهم كل ماهو جديد

:good2::good2::good2:

[ابوصالح77]

المسألة هوى وكيف ، وليس مجرد عزبة
ويختلف الهوى فبعض الناس يبحث عن النادر(كالدبات والدلال) وبعضهم يبحث عن الصحي ( كالستيل)
وكذلك على ربعك بعضهم راعي ...... ما يتقهوى إلا بفنجال صيني وبيالة بادريق الفرنسية ، وبعض الربع ما يهمه شيء لو تطبخ له بـ زير وتقهويه بقوطي ببسي أهم شي ينبسط .
والحقيقة إن عندنا خلال عند تجهيز العزبة :
1- تجهيزنا لحاجة الغير وليس حاجتنا الفعلية .
2- عدم شراء الأدوات الأصلية والصحية .
3- تجهيزنا على حسب السيارة ( وهذا مكرهاً اخاك لا بطل )
4- الدعدعة الزايدة عن المعقول .
واللي يعزينا في هذا الإسراف إنه ما يضيع .
تقبل مروري

[عريدان]

كلامك صحيح ومفيد وياليت يكون فيه وعي وإدراك..

[درب الصحراء]

كلامك صحيح

والسبب في اعتقادي انه بعض الناس عنده مرض اسمة التسوق

يعني اي شي يعجبة يشترية حتى لوكان ما يحتاجة

وبعضهم يحب يكون كل جديد عنده

وفيه سبب ان هذي المحلات تتفنن في العرض

اي عرض السلع وتخلي بعض الناس ما تقاوم وتشتري

[مخطط 2008]

والله ياخوي من امس وانا اهوجس بنفس كلامك


امس على سبيل المثال مريت السنيدي اول مرة بحياتي اطبه مع انه حول بيتنا ولا 3 دقايق اللى بالدائري الشرقي


الوكاد دخلت المحل وتهولت اول شئ اسعاره مبالغ فيها لدرجة لقيت لى رواق تنزاني 380 ريال وفيه حاجات مالهن والله سنع ماغير تفصيل شراع على كل شئ يلقاه لدرجة انى لقيته حقات طوابق البهارات لهن شنطه


وبعض الناس مايغير يمشي ويشتري والمشكلة تحصله ماطلع بها الا مرة او مرتين بالسنة



ولا لك على حلفان ماهنا شئ جديد بعزبتي ماغير الملقاط وابريق الشاهي واما الباقى مثل حافظة الفناجيل من ايام الوالد الله يرحمه ويغفر له وكانت بعزبته وله فوق 30 سنه وكذلك الدلة



وكانت عندي شنطة حديد قديمة مثل هذى

http://members.abunawaf.com/g/2008/03/12/83aho2yj6tvqle1rv8zx.jpg



ملبسها من داخل بقماش وخدمتن 9 سنين بس راحت الله يذكرها بالخير


وعلى فكرة ترا العليان اللى بطريق خريص ارحم من السنيدي بفرق واجد


لانى ماتردد الا على شان دوافير وراس القز حق الدافورض
مشاء الله عليك ويعطيك الف عافية

[مخطط 2008]

الله يرزقك الذرية الصالحه
جزاك الله خير والذرية موجودة لكن الله يصلحهم

[مخطط 2008]

السلام عليكم ورحمة الله وبركاته



كل عام وأنت بخير والله يتقبل منا ومنكم صالح الأعمال


مثل ماتفضلت أخوي مخطط 2008


هي وسيله وليست غايه


أرى بعض الأخوان يبحث عن كل ماهو جديد وعزبته في كل طلعه متغيره


نسى أنه يحتاج فقط لما يفي بالغرض في الرحله وليس الجديد


ولو ترجع لعزبته لقيت من كل نوع مالايقل عن خمس قطع وأغلبها لايستخدم


وللعلم كل ماطولت عزبتك معك زاد غلاها ولاتقدر تطلع للبر الا بها


أحد الزملاء عزبته ماتغير منها الا مايستهلك من 15 سنه


والحمد لله أنا على منهجه أغلب القطع عندي من 12 سنه



وكل نفس وماتهوى



اخوي النوبل كلام صحيح الشي لا صار قديم عندك يزيد غلاة والي مالة اول مالة تالي

[الوسام 40]

كلامك في محله ..

[طفران بس بطران]

ارى ان يبحث المكشاتي والجيد
ويترك اخذها للمفاخرة والتكشخ
تلقاه مايكشت

[مخطط 2008]

ارى ان يبحث المكشاتي والجيد
ويترك اخذها للمفاخرة والتكشخ
تلقاه مايكشت
والله انك جبتة

[salmansa]

البساطه زينه وهي حلاة الكشته

[مخطط 2008]

البساطه زينه وهي حلاة الكشته
البسااطة في كل شي زينة

[مخطط 2008]

والله ياخوي من امس وانا اهوجس بنفس كلامك


امس على سبيل المثال مريت السنيدي اول مرة بحياتي اطبه مع انه حول بيتنا ولا 3 دقايق اللى بالدائري الشرقي


الوكاد دخلت المحل وتهولت اول شئ اسعاره مبالغ فيها لدرجة لقيت لى رواق تنزاني 380 ريال وفيه حاجات مالهن والله سنع ماغير تفصيل شراع على كل شئ يلقاه لدرجة انى لقيته حقات طوابق البهارات لهن شنطه


وبعض الناس مايغير يمشي ويشتري والمشكلة تحصله ماطلع بها الا مرة او مرتين بالسنة



ولا لك على حلفان ماهنا شئ جديد بعزبتي ماغير الملقاط وابريق الشاهي واما الباقى مثل حافظة الفناجيل من ايام الوالد الله يرحمه ويغفر له وكانت بعزبته وله فوق 30 سنه وكذلك الدلة



وكانت عندي شنطة حديد قديمة مثل هذى

http://members.abunawaf.com/g/2008/03/12/83aho2yj6tvqle1rv8zx.jpg



ملبسها من داخل بقماش وخدمتن 9 سنين بس راحت الله يذكرها بالخير


وعلى فكرة ترا العليان اللى بطريق خريص ارحم من السنيدي بفرق واجد


لانى ماتردد الا على شان دوافير وراس القز حق الدافورض
كلام صح ولاتشرح

[خوي السفر]

والله الكثير يحب التغيير واحب اضيفلك حاجة الناس صارت تتابع المحلات اللي ينزلون حاجات جديده وانا اعرف واحد عنده اكثر من عزبه لكن مافيه يوم اخذها معه لإن الربع كل واحد معه عزبته وعلى قولتك موضه الموضه لحقت المكشاتية هههههههههه

[بوخليفه77]

صدقت ياخوي صارت موضه
بس عند مين مش الكل يفكر بكذه انا اشوف اذا عندي عده من اجود الانوع
ومافيها اي شي وكامله بكل معنا الكلمه من الكبريت الى ...الخ مش في حاجه اني ابدلها
وصارت المحلات ادوات الرحلات تستقل الفأه من الشباب الي يحب الكشخه :good2: وكل يوم منزلين شي وهات مايقصرون اهل المضاهر
تحياتي

[الصمان 2]

كلامك صحيح

والسبب في اعتقادي انه بعض الناس عنده مرض اسمة التسوق

يعني اي شي يعجبة يشترية حتى لوكان ما يحتاجة

وبعضهم يحب يكون كل جديد عنده

وفيه سبب ان هذي المحلات تتفنن في العرض

اي عرض السلع وتخلي بعض الناس ما تقاوم وتشتري




عطاك العلم .






.

[kASER-999]

كلامك سليم اخذينها طيشه وفضاوه
الي حيرني في بعض الموضيع حتى فرامة بصل و طحانه ومدري ايش شيلها معاه البر هههههههه
الطلعه حلوتها بالبساطه مو التكشخ بالعزبه
وبعضهم اشوف اعزبهم اقول لو يحطها في حوش بيته ويلغي مطبخ البيت احسله هههههههه
يازين الصندوق البني الحديد القديم وفيه قدر وعلبة ابزرات وصحنين و ملعقه وسكين وعدة القهوه كذا اشوف ان العزبه اكتملة

[مخطط 2008]

كلامك سليم اخذينها طيشه وفضاوه

الي حيرني في بعض الموضيع حتى فرامة بصل و طحانه ومدري ايش شيلها معاه البر هههههههه
الطلعه حلوتها بالبساطه مو التكشخ بالعزبه
وبعضهم اشوف اعزبهم اقول لو يحطها في حوش بيته ويلغي مطبخ البيت احسله هههههههه
يازين الصندوق البني الحديد القديم وفيه قدر وعلبة ابزرات وصحنين و ملعقه وسكين وعدة القهوه كذا اشوف ان العزبه اكتملة

يازين لاصار القدر اسود من الطبخ ومتعوج وصحن متقشع والعزبة كاملة كل شي فيها من ملاعقة وسكين وقدر ضغط واللخ اني اذكر ان العزبة كرتون تفاح وفية كل ماتحتاج وطلعة البر ماودك ترج للديرة واذا طلعت تصيد شبعت وعزمت جيرانك وخزنت بالثلاجة
اذكر مرة نسينا القدر طبخنا بقواطي نيدو

[مخطط 2008]

اللهم لا تجعل بيننا وبينك في رزقنا أحداً سواك ، واجعلنا أغنى خلقك بك ، وأفقر عبادك إليك ، وهب لنا غنىً لا يطغينا ، وصحة لا تلهينا ، وأغننا عمن أغنيته عنا ، واجعل آخر كلامنا شهادة أن لا إله إلا الله وأن محمداً رسول الله ، وتوفنا وأنت راضٍ عنا غير غضبان ، واجعلنا في موقف القيامة من الذين لا خوف عليهم ولا هم يحزنون برحمتك يا أرحم الرحمين .

[قمرا]

مرات يطري عليهم المكِشات من شوفت المحل :D
فيشترون ويكشتون :D
بس لو يحطون متحف أو سوق العتيق بكل منطقة واللي مايبي أغراضة
يحطها عندهم بدال لاإتغبر وإتكـ سر :good2:
سوا ءء أغراض كشتة أو سدو :f
أو فوانيس عند سوق الإبل أو سوق الحلال
انا من عشاق التراثيات بس حاليا تنباع بأسعار خيالية
مثل زوالي السدو وين أحصلها ؟؟
موضوعكـــ مهم الصراحة
ويستاهل التقييم
كل الشكر الله يحفظكــ

[شايب السبيت]

انا ما يرفع ظغطي الا بعض الضعوف الي مضحوك عليهم
يجيك يقول ابي دبة غاز بريموس .......... بس انتبة لازم سويدية
ههههههههههه استغفر الله العظيم
حتى هندية ما هو رضي بها
وهذا من تاثير بعض الاعضا عليه
خلاص انغسل مخه


عندي دبة غاز ايطاليه الزرقا كانت مع الوالد
جلست معه حوالي 18 سنه
ولها معي الان حوالي 7 سنوات
يعني عمرها الان 25 سنه ولا فيها الا العافيه :good2:


يا اخوان دبة الغاز عباره عن عن حديده ملحومه من الجهتين
لا فيها اجزاء متحركه ولا يحزنون يعني بدال ما تدفع 300 ريال في دبة بريموس سويدية :p
وفر على نفسك 200 ريال واشتر ايطاليه :good:


مشكلتنا سياسية المشى وراء القطيع


والعذر والسموحه من عشاق بريموس

[عبدالله27]

العزبه بما معناها عزبه اهم شيء تكون كامله والكامل وجه الله سبحانه وتعالى وكل ماصارت العزبه قديمه صارت اغلى بعين صاحبها

[مخطط 2008]

انا ما يرفع ظغطي الا بعض الضعوف الي مضحوك عليهم

يجيك يقول ابي دبة غاز بريموس .......... بس انتبة لازم سويدية
ههههههههههه استغفر الله العظيم
حتى هندية ما هو رضي بها
وهذا من تاثير بعض الاعضا عليه
خلاص انغسل مخه


عندي دبة غاز ايطاليه الزرقا كانت مع الوالد
جلست معه حوالي 18 سنه
ولها معي الان حوالي 7 سنوات
يعني عمرها الان 25 سنه ولا فيها الا العافيه :good2:


يا اخوان دبة الغاز عباره عن عن حديده ملحومه من الجهتين
لا فيها اجزاء متحركه ولا يحزنون يعني بدال ما تدفع 300 ريال في دبة بريموس سويدية :p
وفر على نفسك 200 ريال واشتر ايطاليه :good:


مشكلتنا سياسية المشى وراء القطيع




والعذر والسموحه من عشاق بريموس

مشاء الله كلامك عين العقل لكن وين الي ياخذ فية

[كحيلان تميم]

مادامه مبسوط خله يسوي الي يبي ويشتري براحته .. وخله يكشخ وين المشكلة الرجل ماسوا شىء حرام ولا شىء .. اتركوا عنكم المواضيع التافهه ..

[ساقان]

السبب هو محاولات وتجارب حتى الوصول للأفضل
أنا على مدى 17 سنه اشتريت اشكال شناط العزبه حتى استقريت مؤخراً على صندوقين المونيوم الرمايه ولاعاد فيه تغيير .. والاباريق كوفيا .. والدوافير من البريه وسلام عليكم.

[كن متفائلا]

السلام عليكم

أنت تقول عدة العزبة وسيلة وليست غاية وهذا الصحيح

الآن طلعت فئة ... العزبة عندهم هياط يصور بيالاته ودلته والفناجيل وصحن الرز ويستعرض

[مخطط 2008]

التغيير زين بس بالمعقول

[الحربي حاتم]

عز الله صدقت صارت الشغلة موضه . والسنيدي صار حلاب جيوب كل شي مسوي له جراب وشراع وأسعار غالية 20 ضعف وبصاعته رديئة وصينية ولا تخدم أكثر من مره . الله لايسامحه .

[الشبارم]

العزبة و ما ادراك ما العزبة

موضوع في محله من كثر ما تسمع عن العزب و جديدها ودك تشتري كلش

فيه بعض الاخوان الله يهديهم و يعطيهم الصحه و يمتعهم اذا فل عزبته ما عرف يرجعها من كثرها و الدعوا صارت مغير شف وش شريت وشف وش خذت علب للتمر و كم مقلات و كم نوع زيت و كم وكم وكم و في الاخير ما يعرف يطبخ واذا سئلته وشوله جايب العزبه محتاجين المحل رد عليك عن سبحان الله و في موتري ما ضيقت على احد

انا اتفق مع معضم الاخوان العزبة كا ما قدمت كل ما زاد غلها

عزبتي لها اكثر من 30 سنه ما تغير فيها الا القليل الاكيد ما بعد غيرت اباريقي و دلتي

الله يرحم ايام كرتون التايد كان احسن صندوق عزبة

ولكم كل تقدير وكل بعقله راضي والله يرحمنا برحمته

[خيال الغلبا]

طيب يااخوان مارايكم في تكوين عزبه يتم اقتراحها

مااحسن موقد
احسن قدر
احسن دله
احسن ابريق شاهي
احسن ابريق تفويح
احسن بيالات واحسن فناجيل
احسن شنطة عده

[faisal 506]

كلامك صحيح
والناس قناعات
بعضهم يحب يغير بعزبته كل شوي
والبعض الاخر مثلي مايغير الابالسنه حسنه هههه
فيه اشياء ضروريه مثل الدافور وقدر الطبخ وبريق الشاي وعده القهوه والشاي
هذي عندي من 6 سنين ماتغيرت ابد
لاكن احياننا اضيف اشاء مبتكره وتكون جميله وعن اقتناع
مع ان صديق لي بيته مليان من اغراض الكشتات وكل شهر معه شي جديد
وهي عنده هوايه وحب للتغيير بس مع الاسف هو انسان ملول
يعني يمل من الشي بسرعه وينطله ببيته ولا يبيعه خخخخخ
والمساله بالاخير اذواق ومزاج

[بربنجي]

الدعوه فن في العده وغيرها

شف انت وش تحتاج بالكشته
1
2
3
4

الفن اني اخذ الي محتاجه فعلا بحيث ما ياخذ مساحه ويكون سهل الحمل
ومثلا انا اهتم في الابريق والدله والمفواح يعني عده القهوه والشاي كامله سكر قهوه هيل ... الخ
عده الطبخ 1 2 3
عده البنشر 1 2 3

اما الاستعراض بالعزبه هههههههههههههه
على ايش تستعرض على بلاستيكه حقت سكر ولا كاسات بخمسين ريال بالكثير حقها
ولا مطحنه هههههههههههههه
ما عليش يا اخوان لا اقصد شي معين او االاساءه لا والله
الي يبي يهتم العزبه ويشتري وعنده فلوس يشتري حاجات مهمه ما تتحسف على الفلوس فيها مثل ابريق دله منفاخ هواء ما يخرب باذن الله
قارمن تدلك على الطريق باذن الله
عنده بنشر جيده

اما شريت فنجال شريت كاسه شريت ما ادري ايش ما منها فايده


طبعا رايي الشخصي الي ذكرته ولا اقصد اي شخص

[اورنس الشمري]

يبن الحلال العمر فاني ، لا تخلي شيء بالنفس