النصيحه يا اخوان

[عاشق الموج]

السلام عليكم

كل عام وانتم بخير

يا اخوان ودي في طلعت حداق وش تنصحون فيه اي مكان في الشرقية

مثلا بوقميص او العقير او الجبيل او او او

ياليت من اخواني الافاده في افضل مكان في الوقت الحاضر واكون شاكر ومقدر لكم :)

[نمط]

عليكم السلام ورحمة الله وبركاته


كل عام وانت بخير

انا هالشهر هذا رحت عدة أماكن
في الجبيل

ورحت النقورية لأول مرة
ورحت عمودة لأول مرة
ورحت تناجيب لأول مرة

ولكهم من جهة الشمال

في النقورية ما حالفنا صيد كثير
بس المنطقة جداً جميلة وبحرها جميل شواطئها شواطئ صيد

تناجيب ماحالفنا فيها صيد ولا حدقنا كثير
وشواطئها ما تسوى
مثلها مثل شواطئنا القريبة
يعني وانت بكرامة بحرها كله نفايات

عمودة منطقة انا ارتحت فيها وشواطئها جداُ نظيفة
وصيدنا فيها كان كله شعري وحبة بالول

[عاشق الموج]

عليكم السلام ورحمة الله وبركاته


كل عام وانت بخير

انا هالشهر هذا رحت عدة أماكن
في الجبيل

ورحت النقورية لأول مرة
ورحت عمودة لأول مرة
ورحت تناجيب لأول مرة

ولكهم من جهة الشمال

في النقورية ما حالفنا صيد كثير
بس المنطقة جداً جميلة وبحرها جميل شواطئها شواطئ صيد

تناجيب ماحالفنا فيها صيد ولا حدقنا كثير
وشواطئها ما تسوى
مثلها مثل شواطئنا القريبة
يعني وانت بكرامة بحرها كله نفايات

عمودة منطقة انا ارتحت فيها وشواطئها جداُ نظيفة
وصيدنا فيها كان كله شعري وحبة بالول

يا هلا اخوي نمط العيد عليك مبارك وتسلم على معلوماتك

اذا ممكن احداثية او وصف حق عمودة وهل الدخول لها يلزم تصريح

ما عليش راح اتعبك شوي يا الطيب

كل التقدير

[نمط]

كل عام وانت بخير
لا تعب ولا شيء . بالعكس كلنا هنا نفيد ونستفيد

ماعندي احداثيات , لاني انا رحت عن طريق احداثيات وكانت غلط ولاحداثيات ودتني الخفجي

ولمن رجعت من الخفجي لقيت عمودة

بوصف لك الطريق وان شاء الله يكون سهل

امسك خط ابو حدرية وانت رايح لجهة الشمال
بتجيك الخرسانية وبتجيك منيفة وبعد منيفة بتجيك تناجيب
كمل سيدا , بتجيك السفانية وكمل .. بتجي لوحة "راس مشعاب"
بعد اللوحة بتلقى محطة .. ادخلها واطلع من الخلف على شارع ابو حدرية القديم
اللي هو طريق واحد "رايح جاي"
وامشي سيدا بيعطيك لوحات كم متبقي على الخفجي

اذا بقى تقريباً 20 كيلو على الخفجي بتكون عمودة على يمينك
في لوحة لمركز سلاح الحدود بس ما راح تشوفها وانت رايح لانها معكوسة عالشارع الثاني
يعني اللوحة بتلقاها وانت جاي من الخفجي بتبان معك

المدخل من جهة اليمين للمركز , بتمشي عالطريق لين بتلقى مركز عمودة
تصرح من هناك , والتصريح سهالات مثله مثل منيفة وباقي الأماكن المسموحة

اذا ما وضح الشرح رد علي
وعندك الاخ ابو بدر , عنده معلومات كافية عن منطقة عمودة , وانا استفسرت منه باشياء كثيرة عن عمودة ونفعني
واعتقد عنده احداثياتها

انا كان الليلة لي روحة لها بس انشغلت وان شاء الله هالاسبوع لنا لها روحة

وبالتوفيق لك

[accentkool]

انصحك تجرب بوقميص تراها فلة

[خوي تهاويل]

ياحي ذيك الدياااااار وحي طاريها

[عاشق الموج]

كل عام وانت بخير
لا تعب ولا شيء . بالعكس كلنا هنا نفيد ونستفيد

ماعندي احداثيات , لاني انا رحت عن طريق احداثيات وكانت غلط ولاحداثيات ودتني الخفجي

ولمن رجعت من الخفجي لقيت عمودة

بوصف لك الطريق وان شاء الله يكون سهل

امسك خط ابو حدرية وانت رايح لجهة الشمال
بتجيك الخرسانية وبتجيك منيفة وبعد منيفة بتجيك تناجيب
كمل سيدا , بتجيك السفانية وكمل .. بتجي لوحة "راس مشعاب"
بعد اللوحة بتلقى محطة .. ادخلها واطلع من الخلف على شارع ابو حدرية القديم
اللي هو طريق واحد "رايح جاي"
وامشي سيدا بيعطيك لوحات كم متبقي على الخفجي

اذا بقى تقريباً 20 كيلو على الخفجي بتكون عمودة على يمينك
في لوحة لمركز سلاح الحدود بس ما راح تشوفها وانت رايح لانها معكوسة عالشارع الثاني
يعني اللوحة بتلقاها وانت جاي من الخفجي بتبان معك

المدخل من جهة اليمين للمركز , بتمشي عالطريق لين بتلقى مركز عمودة
تصرح من هناك , والتصريح سهالات مثله مثل منيفة وباقي الأماكن المسموحة

اذا ما وضح الشرح رد علي
وعندك الاخ ابو بدر , عنده معلومات كافية عن منطقة عمودة , وانا استفسرت منه باشياء كثيرة عن عمودة ونفعني
واعتقد عنده احداثياتها

انا كان الليلة لي روحة لها بس انشغلت وان شاء الله هالاسبوع لنا لها روحة

وبالتوفيق لك


تسلم عزيزي نمط ما منك قصور يا الغالي وصفك ممتاز لا خلا ولا عدم

ان شاءالله لنا طلعه لعمودة

لك تقديري

[عاشق الموج]

انصحك تجرب بوقميص تراها فلة


رايك يعني في هالوقت بوقميص حق حداق ؟؟

لانه ما شفت احد تكلم عنه في الوقت الحالي ما ودنا نروح له ونرجع مثل ما رحنا

تسلم عزيزي accentkool على النصيحه

[عاشق الموج]

ياحي ذيك الدياااااار وحي طاريها


حياك الله خوي تهاويل

[ملك السيييف]

انصحك تجرب بوقميص تراها فلة


نصيحة لوجه الله لا تروح بوقميص

أنا أعرف المنطقة زين

ذا الوقت ما فيها شيء وكل الأخبار تجي من عندها ما فيها شيء

بوقميص وقت صيدها من نهاية شهر 4 عربي إلى نهاية شهر 6 عربي