المساعد الشخصي الرقمي

مشاهدة النسخة كاملة : هل الدهناء محمية ؟؟


تلميذ الصحراء
15/11/2010, 08:04 PM
السلام عليكم ..
هلابكم أخواني وأحبابي أعضاء منتدى مكشات الغالي ..كل عام وأنت بخير ..

أنا لي كم يوم أسمع أخبار من الشباب إن الدهناء محمية !!! حتى من الكشتات :eek:!!

فهل هالكلام صحيح ؟؟ واللي عنده علم لا يبخل علينا الله لايهينكم ..
ولد وايل..
15/11/2010, 08:38 PM
اي والله صحيح مع الاسف...

واحدن من العيال...الخميس اللي فات يبي يدخل وكل ما مشاء له شوي طرده موتر للمجاهدين وعودوا به..
بالأخير وقفوه وطلبوا اثباتاته وعطوه تعهد

المرة الثالثه مصادرة للسيارة...


وكان في ربع له داخلين بس الله يسر لهم ما شافهم احد...

والمحمي عن كل شي الرعي والإحتطاب والصيد وللكشاته ايضا
الوسم2
15/11/2010, 08:44 PM
رحنا فيها يا ولد وين نبي نكشت بهالعيد
أبو الحارث 4
15/11/2010, 08:51 PM
محمية عن الرعاة والاحتطاب، أما الكشاتة فما أظن لأن بعض الناس ذهب قبل أسبوعين وجلسوا أربعة أيام والوضع طبيعي جدا.
نقاء المطوع
15/11/2010, 09:23 PM
يبن الحلال انا كاشت من الاربعاء الي راح لين البارح والله ولله الحمد محد حولنا وزودك من الشعر بيت حاطبين لجلستنا ولا احد جانا واصبحنا ونشوف كم موتر يمر حولنا وقف واحد منهم اثريهم صقارة يمكن 4 مواتر يوم غابت الشمس امرحو غيرهم حولنا يمكن موترين نشوفهم وهم يهدون بعيدن عنا كانك بتطلع اطلع بس خلك بخبه بعيدن عن الشوفه والحمد لله رجعنا والصندوق نصه ارطى بالتوفيق
الصقر المهاجر
15/11/2010, 10:41 PM
في البداية تحياتي لصاحب الموضوع !!!
واذا ممكن احد الاخوان يفيدنا عن حدود الدهناء بالضبط والأماكن اللي زارها لأن والله ما نعرف حدودها ولا وشي الدهناء بالضبط !!!
مثل الاخ نقاء المطوع أو احد الاخوان يمكن يفيدنا !!
جمران
15/11/2010, 10:43 PM
اخي الكريم التنظيم الجديد يمنع طرح سؤال في الخيمة مفردا
ارجو طرح سؤالك ضمن الموضوع المثبت في اعلى الخيمة
هنا,,متابعة أخبار الربيع ونقاشات واستفسارات الرحلات البرية لشهر ذو الحجة لعام 1431هـ (http://www.mekshat.com/vb/showthread.php?t=353028)
لك اعذب تحية