ياعيال الطير مايرتفع العمل الله يجزاكم خير

[المغتر الهداد]

السلام عليكم وتقبل الله طاعتكم وعيدكم مبارك ياشباب الموضوع حساس عندي والطير ممكن ابيعه على السالفه هذي فارجوا الافاده منكم الله يجزاكم خير الطير يامصحوبين السلامه فارسي اصلي ماهو تفريخ اصلي اصلي المهم الطير هديتله حمامه بعد ماجرته بالملواح هديتله حمامه منتوفه 5 ب5 وهديته الطير جاها ارتفاعها تقريبا علو البيت بودورين وعلقها واستمريت على هل منوال سبوع حلو وبعدها هديت حمامه سلم ونشيطه ماهي زاجل ولا دحل حمامه عاديه ارتفعت ويوم شافها ارتفعت طررح دعيته وجاني رشيته بماء شوي ماهو واجد وعقب الحمامه طايره شافها وطلب وعطيته وراح يكرب يكرب ووصل الارتفاع الي قلت عنه وطرح
انا ابي اساعدكم بالمعطيات
اولا فحصت الطير كل الفحوصات سليمه بس مافحصت الدم
ثانيا الطير ماهو مملوع ولاهو مشبوط لانه يتعقرب واضن ماهو مشبوط
ثالث الطير كان صنيع وصنعته وقت الهدد 1000 بس الطير يهد على صنعه وتعرفون الجو بارد فلابد من الصنعه والطير مايركد على التكايه لين اصنعه
رابعا الطير حار على علفه فماطوفته ذاك اليوم
ارجو من الخوان التفاعل مع الموضوع لانه طير طبوعه حلو بس عذروبه الارتفاع والله يجزاكم خير وعيدكم مبارك

[ربع خالي]

وعليك السلام ورحمة الله وبركاته

عدم إرتفاع الطير مع الحمامه ماهو قياس ياخوي
وإحفظ طيرك ولاتبيعه ان كان هذي طبوعه
اليوم اللي بيطلب الحباري وبيروّح معها وعند إرتفاعها بيخليها ذيك الساع
أقرب شراي على يمينك بيعله الطير وهو عنده علوم الطير
الحل
إدرج الطير أسبوع كامل الين اللياقه تطلع من عيونه ويكون عديد
واليوم اللي بتنوي فيه تهدله حمامه عده عن عشاه ليلتين
والليله الثانيه وقبل غطوط الشمس بعشر دقايق هد الحمامه وخلها تبعد شوي
ولاتهده والحمامه فوق راسه
وبحيل الله ينومسك بإرتفاعه
انت لاتهتم بصيده للحمامه, المهم انك تعرف طيرك ان كان يرتفع أو لا ,,,

وان مافاد ذا الحل
علمه على الطياره وان شاءالله تقوى عزومه

تحياتي

[المغتر الهداد]

بيض الله وجهك

[falconry_q8]

يعطيك العافيه اخوي...

اجرد الطير على ملواح واصنعه

وغط عين الحمام بتيب او لزاق وخلها ما تشوف اله فوق وهدها خلها ترتفع
وهد عليها الطير من بعيد ونطحه الهوى

واذا ما ارتفع....

لوح فوق تل او جبل او ضلع

ويهدولك الطير من تحت

[راشد الخلاوي]

اخوي ما هو عذروب انه ما يرتفع اذا كان صايد الحباري وطياره زين

لاكن واحد من الشباب عنده طيارة للدعو وعلى كيفك يربط فيها الحمامه ويطيرها ويهد من بعيد شوي وكل ما خذا الطير مستوى الحمامه وهو يرقى زود الخيط شوي الين والله انه يرفعة ارتفاع خيالي وخاصة للشاهين واتوقع انه بيتعلم الطلوع والأرتفاع

اخوك الخلاوي

[غضبان]

اذا تبغا الطيري يرتفع امسك حمام ولع من الابيار حط على عيون الحمامه شطرطون خل الشطرطون مفتوح من فوق تشوف فوق بس وحط في رجلين الحمامه شلو وفكح الى ترتفع فوق وهد وان طرحت خله تاكل الثنادي الثنتين من دون عظام والله يوفق.......

[هاوي خنيزير]

وعليكم السلام ورحمة الله وبركاته

اخي استخدم الطائره الورقيه علق التلواح على ارتفاع 25متر وستمر في كل يوم 25 متر
وستمر في كل يوم حتى ارتفاع 300 متر
ونطلب من الله التوفيق لك ولطيرك

[بندر99]

اذا تبغا الطيري يرتفع امسك حمام ولع من الابيار حط على عيون الحمامه شطرطون خل الشطرطون مفتوح من فوق تشوف فوق بس وحط في رجلين الحمامه شلو وفكح الى ترتفع فوق وهد وان طرحت خله تاكل الثنادي الثنتين من دون عظام والله يوفق.......

:good2::good2::good2:

[قرناس شاهين]

فكله ساحره

[alwssam6]

يفيدونك الاخوان

[ابن الاصيل]

اذا طيرك لياقته كامله العيب بالمدهنه دقها وان شالله تزين علومه

[قرناس شماالي]

وعليك السلام ورحمة الله وبركاته



عدم إرتفاع الطير مع الحمامه ماهو قياس ياخوي
وإحفظ طيرك ولاتبيعه ان كان هذي طبوعه
اليوم اللي بيطلب الحباري وبيروّح معها وعند إرتفاعها بيخليها ذيك الساع
أقرب شراي على يمينك بيعله الطير وهو عنده علوم الطير
الحل
إدرج الطير أسبوع كامل الين اللياقه تطلع من عيونه ويكون عديد
واليوم اللي بتنوي فيه تهدله حمامه عده عن عشاه ليلتين
والليله الثانيه وقبل غطوط الشمس بعشر دقايق هد الحمامه وخلها تبعد شوي
ولاتهده والحمامه فوق راسه
وبحيل الله ينومسك بإرتفاعه
انت لاتهتم بصيده للحمامه, المهم انك تعرف طيرك ان كان يرتفع أو لا ,,,


وان مافاد ذا الحل
علمه على الطياره وان شاءالله تقوى عزومه


تحياتي



:good2::good2::good2:

[yasser1389]

يالحبيب اذا كان عطيت الطير الكورس للحبوب حقت دودة الكبد ودودة الرئه وما به اخلاف نزل صنعته ونقزه ليلتين وقطب له حمامه وفكه عليها وشوف وش يسوي والله لو تروح المريخ بيلحقها مو بكيفه ههههه