مواطيركهرباء

[ابوجهاد]

ارجومن الاخوه الكرام
ان منمن يعلم عن مواطيرالكهرباء ان ينصحني اي نوع اشتري

[ابو فص فص]

هلا اخوي ابو جهاد

شف اذا تبي شي خفيف وعملي عليك بالهوندا الكاتم للصوت ( الظاهر يسمونه كذا ) وحجمة صغير ويقولد 650 شمعه وهو على شكل شنطة مكياج .

وفيه انواع منها الهوندا وربن ام 2000 شمعة عمليه جدا ولا فيه فرق في السعر عن السابق الا يمكن 600 ريال او اكثر ( معلوماتي قديمة عن الاسعار )

وفيه نوع صيني صغير ورخيص اسمه تايقر والله مب شين ومنتشر وسعره رخيص من 350 واكثر
وانتظر له عرض في كارفورت يطبح فيه حول 100 ريال ( قبل كم اسبوع مسوين عليه عرض في مركز غرناطه )

هذا اللي اقدر افيدك به يالغالي

[الاصفر]

السلام عليكم
يا الغالي انا اظم صوتي لخوي ابو فص فص بس خل الصيني يولي عنك لاني جربته طلعه وحده ويخترب ولا بعد يمكن يخترب اول ما تشغله وعليك بالماركات العالميه مثل روبن او هوندا لو مستوبيشي

[كشات]

هلا بك اخوي ابو جهاد

كلام الاخ ابو فصفص صحيح
لا تتعدى الهوندا ان كنت تبي شي يعيش معك ولافيه مشاكل

هذا بالنسبه للبنزين
اما مواطير الديزل
بالنسبه لافضل شي اعرفه هو يانمار خصوصا بالاحجام الوسط ( من 5كيلو واط -8كيلو واط)

والشباب ماشاء الله عليهم عندهم خبره واسعه افضل مني

[عاشق المزون]

انا اقول مثل اخواني عليك بالصناعة قبل كل شي اترك الصيني عنك
اذا كنت من سكان الرياض عليك بشارع الريل تره حول الغرابي يعني لو تروح الغرابي وتسال عنة عطوك علم عن الشارع والشارع متخصص في الادوات الكهربائية والمكانيكية مثل مواطير الكهرباء و كل شي شارع يستحق الزيارة وتحصل فية جميع الصناعات اليابنية والامريكية

وشكرا