كيف أحمي مخيمي من السرقة

[doom4444]

ياشباب عندى مشكلة وابي شوركم لاهنتم وهي:
في الأعوام السابقة كنت اكشت واخذ معي رواق 1×9 م وحزمة حطب واغراض الكشته وارجعهن معي بالسيارة هالسنة قلت ياولد حط مخيم وكهرب مثل الناس واستانس لاكن الحلو مايكمل والحياة لابد لها من المنغصات وتفاجأة اليوم يوم عرفة ان المخيم سرقت منه عدة اشياء ومنها رواق كبير متعوب عليه ومتعوب على تجهيزه وحفر اعمدته رحت وجبت بخاخ بويه أسود وكتبت على جميع الرواقات الأخرى وعلى الخيام رقم جوالي وغدت من كثر الكتابة سوداء تقول واحد لاعب فيها رغم ان الخيام والرواقات والحمامات والماطور وكل شي جديد وكلفنى الاف لاكن لابد من أخذ الحذر وانا خايف يكررها اللصوص الله لايوفقهم ويلحقون الباقي وابي شوركم في القضاء على السرقة فليس لدي عامل ووصيت عمال مخيمات اخرى لاكن ما جابو خبر اشيل المخيم ولا وش اسوي شوركم الله لايهينكم ...:l:l:f

[جذآآآب]

يا رجال انا خيمتي نسرقت الساعه 12 الظهر تخيل بعز النهار

لازم تحط لك عامل واحرص على الاغراض الثمينه مثل الماطور والتلفاز لاتخليها بالمخيم

[smb916]

حـــط عامل

[حزوبر]

الل يعوض عليك وحسبي الله على الظالم
بس أهم شيء لا تبلغ الشرطه، وتزعج نومهم على موضوع سرقات :D حبيبي من أمن العقوبه ساء الأدب
صدقني لو انك جايبلهم السارق، لتدهش أن السارق يطلع قبلك من القسم ههههههههههه
أنا بعطيك شور:
صلح لك مخيم متعوب عليه، وحط لك حارس، وخلي هالمخيم للأجار اليومي، وفي اليوم إلي مافيه مستأجرين ، انبسط في حلالك
وعائد الأجار سيكون راتب للعامل، وصيانه للمخيم

[رحال الرياض.]

يوجد جهاز عن مرور اي احد من البوابه يصدر صوت
تشغيله اذا مافى المخيم احد ويوضع السماعه اكبر من الموجودة وبذلك العامل او من حوله ينتبه

[علي101]

كلفك المخيم آلاف
ولابد من عامل

[doom4444]

يارجال انا موظف ولا اقدر اجيب عامل على كفالتي واستئجار عامل يكلف الشي الفلاني والمخيم خاص وليس استثماري بعدين العامل ممكن يخيش وينام ويروح اللي يروح ويجي اللي يجي مادرى عن احد الا مايوجد شريحة عن طريق الأقمار والا شي تثبت في الخيمة والا الرواقات لو انسرقت الواحد يقدر ياصلها عن طريق الاحداثيات مثل انظمة السيارات الحديثه والله اني كل اليوم وانا ادعي عليه وكل من عرفت وصيته بالدعاء على من يضر المسلمين ولا يخاف الله وتخيل في يوم عرفة الله لا يوفقه

[بواسامه]

الله المستعان
سرقت بيوت ناهيك عن المخيمات

فيك فيك حارس امين
ومهوب لازم انك تكفله
دورلك من المرتزقه اللي بدون اقامات يبي لقمة عيشه وشغله

[-MOHAMMAD-]

اكثر الحرامية ما يسرقون على عماها اكيد عارفين انه هذا المخيم مافيه حارس...

ومنهو اللي يعرف انه المخيم مافيه حارس؟ ناس يعرفون المنطقة ...

لو تعطي حارس من حراس المخيمات المجاورة فلوس وتقوله الله يعافيك انتبه على هالمخيم

[ابومحيميد]

اذا ماتقدر على العامل

فيه طريقة ان شاء الله تنفع مجربينها عندنا بالمخيم .. ومانسرقت الخيام لها سنة ونصف

بالنسبة للخيمة ثبتها على مرابيع بكل زاوية مربوعه واربطهم ربط زين حتى مايسهل فكهم

واذا شافهم مربوطين صح بيخليهم ..

اما باقي الاغراض مالك الاتشيلهم معاك واذا على الماطور خذ لك ماطور صغير تشيله انت لحالك

او ركب لموترك بطاريتين وخذ لك محول اصلي 2000 وات واشبكه على الموتر وبيشيل لك لمبات واجد

والله يحمينا واياكم من كل شرور..

[ابو خالد 8]

شف اذا المخيم ثابت طوال السنه فالله الله بالعامل ولا يبعد عنه . اقصد العمال اللي بدون كفالة اللي تلقاهم بكل محل
واذا كان بالشتا شف حط لك كلب ( وانتم بالكرامه) والله ياهو يزعج ازعاااااااج
وطول السلسلة ومالك الا طيبت الخاطر

[ابوبدر2000]

اخي الفاضل

اولا الله يعوض عليك

بنسبه لي انا عندي مخيم صار له فوق السنه ونص وفيه عامل والحمد لله لم ننسرق

وبلقرب مني مخيمات الجمعة الي فاتت احترق مخيم والحارس قريب منه والمخيم الي جنبه انسرق منه غنم

وانا في مخيمي غنم وحلال وتلفزونات وغراضي الخاصه

والسبب الي مخليني مرتاح هو انه يوجد في مخيمي كلب بلدي كبير ومعاه كلبين صارلهم فوق الاربع شهورعندنا مدري من وين جو بس انهم تحت اوامره والكلب الكبير صار له عندي تسع شهور لقيته بلمخيم وصرت اطعمه واكرمه وجبت له دكتور بيطري للمخيم وطعمه
والله ياشباب انه مايخلي احد يقرب من المخيم ان كان انسان او حيوان او سياره
وفيه ذكاء وشجاعه حتي اذا جاني احد وحاب يشوف الغنم تلقاه ينصاه ويراقبه
ومره كنت بلمخيم نايم وكانوا شباب مغرزين قرب المخيم من جهة الغنم تصدقون انه حشرهم داخل السياره لين طلعت لهم علي صراخهم

المهم اخوي عليك بلكب اعزك الله اكرمه وطعمه عن الامراض وشف كيف يحرسك
تحياتي لك اخي

[ابو خالد 8]

وازيدك من الشعر بيت
العامل اللي تجيبه يبني لك غرفة له ومطبخ واللي تبي بخشبتين ومربوعه

[عناز الحره]

حط الله يعزك كلب عــــــــــــــــــــــــــــــــــقور واربطه
او اشتر خمس افخاخ ذيابه وادفنهاااا بمكان مضبوط عشان ماتطيح انت فيه خخخخخخخخخ خل الحرامى تنكسر رجله
او حط خمس جراكل مويه وحط عليهااااا بشوت واكوات وشمغ وشغل عندهم راديو على اعلى صوت ههههههه
ممكن تصيب هالافكار

[ابوطيف2]

اذا ماتقدر على العامل

فيه طريقة ان شاء الله تنفع مجربينها عندنا بالمخيم .. ومانسرقت الخيام لها سنة ونصف

بالنسبة للخيمة ثبتها على مرابيع بكل زاوية مربوعه واربطهم ربط زين حتى مايسهل فكهم

واذا شافهم مربوطين صح بيخليهم ..

اما باقي الاغراض مالك الاتشيلهم معاك واذا على الماطور خذ لك ماطور صغير تشيله انت لحالك

او ركب لموترك بطاريتين وخذ لك محول اصلي 2000 وات واشبكه على الموتر وبيشيل لك لمبات واجد

والله يحمينا واياكم من كل شرور..


اخوي والله كلامه صحيح ركب بطاريتين ومحول قوي وارتح وركب اربع مرابيع للخيمة

والماطور حط لك صبة فيها سلاسل قوية مع قفلين قوين

[محمد الظاهري]

انا من خلال تجربتي
ان عامل واحد ما ينفع
حنا عندنا مخيم
وفيها عامل حارس
ويوم من اليام وقت العصر
وإلا يجون 3ينزلزن خيمه
والعامل زابن عنهم خايف لا يروح
ويوم جينا ماندري وش نسوي
والعامل انت تدري يخاف من السعوديين

[doom4444]

فعلا ردود مفيدة وناجعة اما قضية الافخاخ انا اطلع انا وبزراني يالله لو يمسك واحد منهم والا اطيح انا في الفخ ( مزحة ) اما قضية كلاب الحراسة اعزكم الله ففكرة جيدة عطه سور الأكل ويوالفك ولا يروح عنك واوفى من العمال الجبناء بس انا رايح افكر بطريقة الكترونية أو حل تقني لعلي اتوفق ويستفيد منها بعض الأخوان وخاصة اصحاب المخيمات ( راح أطأس وأجيب الخبر ) ولكم مني أجمل واعذب تحية والمرء كثير باخوانه نفع الله بكم وبأرائكم وكل عام وأنتم بخير

[جون الشمالي]

اخوي مالك غير تودعه الله الذي لاتضيع ودائعه

[الوسام 40]

اخوي مالك غير تودعه الله الذي لاتضيع ودائعه


اذا تركت المخيم ورجعت للبيع قل " استودعك الله الذي لا تضيع ودائعه " وتوكل على الله ...

[figo_2776]

وضع كاميرا لانترنت

[tammam]

يارجال انا موظف ولا اقدر اجيب عامل على كفالتي واستئجار عامل يكلف الشي الفلاني والمخيم خاص وليس استثماري بعدين العامل ممكن يخيش وينام ويروح اللي يروح ويجي اللي يجي مادرى عن احد الا مايوجد شريحة عن طريق الأقمار والا شي تثبت في الخيمة والا الرواقات لو انسرقت الواحد يقدر ياصلها عن طريق الاحداثيات مثل انظمة السيارات الحديثه والله اني كل اليوم وانا ادعي عليه وكل من عرفت وصيته بالدعاء على من يضر المسلمين ولا يخاف الله وتخيل في يوم عرفة الله لا يوفقه
في يوم عرفة ! ويش خليت ولا احلى منها على قلب ابليس !
الله يعوض عليك بالدنيا والاخرة وتبي ترجع لك في ساعة انت احوج لها ذاك الوقت اكثر من حاجنك اليوم

[أبو رافع الظاعن]

ما قصر الأخوة في آرائهم ...

لكنني أتضايق كثيراً من إقحام عبارة (أعزكم الله ) أو عبارة(أكرمكم الله)

عندما يذكر الكلب !

وهذا لاقيمة له ولا مجال له ...

فالله تعالى في القرآن قال : "والخيل والبغال والحمير لتركبوها وزينة ..."" ولم يقلْ أكرمكم الله ولا أعزكم الله .

وقال تعالى: "وكلبهم باسطٌ ذراعيه بالوسيط ..."ولم يقل أكرمكم الله ولا أعزكم الله .

وفي الحديث "دخلت بغي الجنة بكلب سقته ..." ولم يقلْ النبي صلى الله عليه وسلم :أكرمكم الله أو أعزكم الله ...

ولم يردْ في أي حديث آخر فيه ذكر الكلب ـ أن يقال عنده هذه العبارة التي لا قيمة لها ...

أرجوا أنْ نتحرر من موروثاتٍ لا مبرر لها .

أسأل الله أن حمينا ويحمي مخيامتنا من شر اللصوص ...

[N-G-D--KSA]

ازين حل العامل

[طفران بس بطران]

كلب واستودعكم الله ولاتفكر

[ابوويوسف]

فيه طريقة حلوة كشفت الحارس حق الخيمة يسويها وناجحة يحط عن باب الخيمة وانتوا بالكرامة شباشب وجزم فلما يجي شخص يشوفها يخاف ويهرب وهذا الحارس يغيب عن الخيمة بالايام

[ابوويوسف]

ما قصر الأخوة في آرائهم ...







لكنني أتضايق كثيراً من إقحام عبارة (أعزكم الله ) أو عبارة(أكرمكم الله)


عندما يذكر الكلب !


وهذا لاقيمة له ولا مجال له ...


فالله تعالى في القرآن قال : "والخيل والبغال والحمير لتركبوها وزينة ..."" ولم يقلْ أكرمكم الله ولا أعزكم الله .


وقال تعالى: "وكلبهم باسطٌ ذراعيه بالوسيط ..."ولم يقل أكرمكم الله ولا أعزكم الله .


وفي الحديث "دخلت بغي الجنة بكلب سقته ..." ولم يقلْ النبي صلى الله عليه وسلم :أكرمكم الله أو أعزكم الله ...


ولم يردْ في أي حديث آخر فيه ذكر الكلب ـ أن يقال عنده هذه العبارة التي لا قيمة لها ...


أرجوا أنْ نتحرر من موروثاتٍ لا مبرر لها .



أسأل الله أن حمينا ويحمي مخيامتنا من شر اللصوص ...


اخي الكريم تقال من باب الادب فهناك عبارات جميلة لم تأتي في الشرع ومقبولة من باب الادب ،يقول الشيخ محمد بن صالح العثيمين رحمة الله تعالى عندما سَئل هل يقال أعزكم الله وأكرمكم الله عند ذكر الكلب والحمار والنجاسات .
ذلك لا بأس به لأنه من العادات المألوفة التي تنم عن تأدب من المتكلم ولكن لوتركها لكان أحسن فيما أرى وذلك لأن السلف الصالح يذكرون مثل هذه الأشياء ولا يقولون للمخاطب أعزك الله وأكرمك الله

[نايف 1996]

حط عامل وماعليك

[BLACK-_-LOVE]

الكلب افضل من العامل لان الكلب موب خايف مثل العامل واذا بتحط عامل جبلك سوداني مايعرف الموت

[ابا الصلابيخ]

اخوي مايجيك سروق من الباب لطاقه الا نادر
السرقان
يأخذون جولات على المخيمات ويدرسون الوضع قبل الأقتحام
لاتقول عامل
والله انا اعرف ناس شرواكم حاطين عامل شقردي
وادخلوا على العامل وامحطوه محط واربطوة
واخذوا احسن الغنم

مثل ماقالوا الاخوان حط كلب عقور وشفلك واحدن يدربه او يعلمك طريقة التدريب

اما سالفة ابروح لشرطة ياهم الالي حتى لو مسكوا السارق
تلقى بيتك زحمة من كثر الطلبات وحب الخشوم

مرت علينا سوالف وانا اخوك تشق الراس
وعواااافي

[سلفاريو]

اخي الكريم تقال من باب الادب فهناك عبارات جميلة لم تأتي في الشرع ومقبولة من باب الادب ،يقول الشيخ محمد بن صالح العثيمين رحمة الله تعالى عندما سَئل هل يقال أعزكم الله وأكرمكم الله عند ذكر الكلب والحمار والنجاسات .


ذلك لا بأس به لأنه من العادات المألوفة التي تنم عن تأدب من المتكلم ولكن لوتركها لكان أحسن فيما أرى وذلك لأن السلف الصالح يذكرون مثل هذه الأشياء ولا يقولون للمخاطب أعزك الله وأكرمك الله

:good2::good2::good2::good2::good2:

[قوافي ( أم نهار )]

:Dاكتب تحذير الارض خطره رمال متحركه ونخلي المسؤليه با لتحذير الشديد

[MjNo0oN]

حط كلب حراسه وانت بكرامه

او لازم انت او واحد من الشباب يرابط في المخيم

[رياض الصمان]

الحارس يبغى راتب والكلب يبغى أكل
أخي العزيز الا ادلك على خير لك من هذا وذاك
أقرأ وطبق ما ترى وبإذن الله عينك ما ترى الا الخير


(( أستودعكم الله الذي لا تضيع ودائعه ))



تقال مرة واحدة على كل شيء يراد حفظه.


من آثارها المجربة النافعة:
حفظ الأموال والأولاد
وغيرهما من السرقة والتعدي.
* عن ابن عمر رضي الله عنه أن رسول الله
صلى الله عليه وسلم - قال: ((إن الله إذا استودع شيئاً حفظه)). رواه الإمام أحمد.


***************
* وعن أبي هريرة رضي الله
عنه أن النبي - صلى الله عليه وسلم - قال:
((من أراد أن يسافر فليقل لمن يخلف: أستودعكم الله الذي لا تضيع ودائعه)). رواه الإمام أحمد.




وهذا الحفظ عام في السفر وغيره,وهو أمان من السرقة والتعدي،
ولوكان المستودع شيئاً يسيراً ففي ذلك إظهار حاجة العبد لربه في كل صغيرة وكبيرة..



ولو قال الإنسان مثلاً:



أستودع الله الذي لا تضيع ودائعه؛ ديني ونفسي وأمانتي وخواتيم
عملي وبيتي وأهلي ومالي وجميع ما أنعم الله به عليَّ؛ لحفِظَ الله له ذلك كله،
ولم يَرَ ما يسوؤُه فيه، ولحفظ من شرور الجن والإنس أجمعين.



لك مني اطيب تحية / أخوك ابوطارق