المساعد الشخصي الرقمي

مشاهدة النسخة كاملة : وش اخباركم بعد الذبح!!!!


أميرالمحبين
16/11/2010, 11:55 AM
السلام عليكم ورحمة الله وبركاته

وكل عام وانتم بخير وصحه وسلامه
واعاده الله على الامه العربيه والاسلاميه باليمن والبركات
خطر في بالي موضوع وان شاء الله تعم الفائده لتلافي الاخطاء في المستقبل
الكثير منا ذبح الاضحيه او شارك بذبحها او سلخها
ماهي العيوب والاخطاء والمميزات التي ارتكبناها
انا عن نفسي جرحت ابهامي الايسر بسكين ام طير الشهيره
والسبب!! اني لم امسح يدي مضبوط بعد كل فتره وزلقت السكين ولم استخدم خيط الصوف للفه على السكين
والفائده انصح بسكين ام طير السويسريه الاصليه ماشاء الله تبيض الوجه في الذبح والسلخ وانصح بالساطوره البرازيليه رخيصه وحاده وتنسن بسهوله

هاتوا ماعندكم

وتقبل الله منا ومنكم

وكل عام وانتم بخير
صحن قلابة
16/11/2010, 12:44 PM
السكين السويسرية سكين ممتازة , لكن غويلية شوي
انا شريت سكين تركية من برق الحيا , ممتازة وحده وسط وحدة صغيرة وشريت ساطورة برازيلية بـ 34 ريال
عز الله انها ساطورة ,,
اكير خطأ سويته ودايم أكرره : أجلس في الذنبه يمكن ربع ساعة وأخر شي مايبونها أهلي هههههههههه
دواهم السنة الجاية
ابو سفيان 09
16/11/2010, 01:04 PM
كل عام وانتم بخير.
العيوب والأخطاء واجد عندي اول ضحيه اقطع اصبعي والثانيه اصابع اللي يساعدني
غشيم كل سنه على هالحال
WRWRWR
16/11/2010, 01:21 PM
كل عام وانتم بخير اما انا عندي سكاكين سويسريه مقضبها بلاستيك لونه اصفر غير ام طير شاريها من الرمايه يمكن لها عندي وللاه الحمد 8 سنين ومعها مسن الرمايه الشهير وبثلاثين ريال وله 8 سنين شاريه مع السكاكين شكلكم بتقولون بخيل
انا الي يرفع ضغطي في الذبايح لاقالو تعال شلها بنعلقها والله يجيني الهم لاني عارف الا شلتاه الاقي نفسي في الاخير متحضنها وتمتلي ملابسي دمان ذا السنه خربتها عندي في الورشه فور كلفت صغير طن ونص طرت علي الفسقه وجبته مع السكاكين وقاعد احلف عليهم محد يرفع الضحايا بس انقهرت خلصت الضحايا بسرعه لولا الحياء رحت اشيل ضحايا الجيران والله يبرد الخاطر كل سنه بجيبه
جبل خزة
16/11/2010, 02:08 PM
كل عام وانتم بخير

الحمد لله تم العيد وذبحنا الضحايا أنا وأخواني وعمي وعياله ، بس اللي نكد علينا شوي السكاكين ما كانت مضبوطة بالحيل والسبب اننا ما استعدينا زين بسكاكين زينة وانا اشوف سكين السيف الخشبية من أحسن السكاكين وخصوصا في الصلخ وتقطيع اللحم .
أبوصقر
16/11/2010, 02:41 PM
سلمني على سكاكين الأوبينال..لعبت في الحم..لعب..
يا سلام سلم
16/11/2010, 11:31 PM
كل عام وانتم بخير ،،،

وتقبل الله منا ومنكم صالح الاعمال ،،

بصراحة العيد هذا كان له طعم غير ،،

لاني كنت حاج العام الماضي ،،، ولا عيدت مع اهلي ،،

المميزات اني كل سنة اتحسن هن اللي قبلها ،،

واللحين تقريبا صرت اصلخ واقطع كامل الذبيحة ،،،

اصعب ما عند الناس هو اسهل ما عندي وهي سلخ الذنبة ،،،

طلعت مبدع فيها لان اخواني الكبار كانو يتحاشونها عشان ما ينحرجون مع الوالد ،،

وكنت اتصدى لها لان الحلم الاكبر لي اني امسك سكين واسلخ ،،

اليوم وبعد مرور السنين اخوي الكبير يجيب الطعات وانا بفضل الله اعدلها ،،



ناقص على اتعلم الذبح او الذكاة ويصير كل شي تمام ،،

طبعا العدة المستخدمة :
السكاكين عد واخلط عندي كرتون سكاكين كل وحدة اردى من الثانية لكن مسن الرماية والمسن الكهربائي ماشي سوقها ،،

@ اما الساطور فهو ( عكس لوري ) معدل على شكل ساطور ومساكته منه وفيه ثقيل الوزن لكن عظيم الفعل ،، شاريه اخوي من الحراج ،، واتوقع انه شريه مباركة ،،

ما شاء الله اضرب رقبة النجدي واقصها والضربة توسم على القطاعة ،،

،، العيوب ما فيه عيوب لكن الاخوان كلن يقول الزين عندي ،،،

تقبل المرور ،،،،
abo_hoor
16/11/2010, 11:43 PM
وعليكم السلام ورحمة الله وبركاتة
كل عام وانتم بخير ،،،

وتقبل الله منا ومنكم صالح الاعمال ،،

الحمد لله والشكرله
((ابوملاك))
17/11/2010, 03:12 AM
اول شئ كنت ماسكن للوالد والله يهديه ماشاف يدي وظربت السكين يدي من عند العروق بس تفداه الحمدلله ماجاء الا شئ بسيط

ثاني شئ انهد حيلي ^_^
مقلع الرمث
17/11/2010, 11:50 AM
والله هالسنه رصيت استرات جبنا عمال وجلست اشرف عليهم

لكن يوم جيت الذبيحه الثانيه عجزت اصبر جيت وطمرت وجبت

سكاكيني سويسري صراحه احلى سكاكين جربتها خاصه بالصلخ

مايحتاج تتعبك ولا شي

والله من قبل ان ايدي انواع الوجع لاني اضغط على السكين للصلخ

اما السويسري بس وانت امنزل ايدك كل شي يجي معاك تمام

اخوي امير الحبين وين احصل خيط الصوف

مشكور على الموضوع
المهاجر انا
17/11/2010, 01:14 PM
انا جرحت اصبعي وبغيت افلش راس اخوي الكبير بالفاس بس الله سلم والسكاكين مش حالك وبمناسبة السككين مش حالك وش السككين اللي عليها الكلام يأخوان
حزوبر
17/11/2010, 01:23 PM
السلام عليكم ورحة الله
لا شك أن السكين السويسرية سكين طيبة، وتنافسها الكثير من السكاكين، والسيف من السكاكسين الزينه
الضرب على المسن الجين/ مسن الرماية ممتاز، لك مشكلته يباع عند الرماية ب 30 ريال، وعند محلات المواعين ب 10 ريال، نفس الشيء ، والفرق هذا مكتوب عليه الرماية والأخر غير مكتوب عليه:D
ملقاط بن جمر
17/11/2010, 01:30 PM
الحمد لله كل شيء تمام ..

بالنسبة للسكاكين .. استخدمنا سكاكين مع الوالد لها أكثر من 20 سنة وربي ..

لكن إذا قلت سكين فهي سكين فعلا .. بالإضافة إلى ساطورها و مسنها ..

ما نستخدم هالمجموعة من السكاكين إلا في عيد الإضحية فقط .. وباقي أيام السمة محفوظة في خيشة ومن فوقها كيس بلاستيك ومربوطة و محكمة الإغلاق ..
دل البحار
17/11/2010, 01:36 PM
أولا كل عام وأنتم بخير أحبتي مكشات
الحمد لله ذبحت الاضحيه في مسلخ الحاره وكان الذباح غير احترافي طول بالذبح وألا ذبحه طيب
المهم الخروف الحمد لله كبير ما قدر يرفعه الا 3 اشخاص
وما شاء الله كان زين
جينا للعده حقت التقطيع
ساطور مالك فيه
سكاكين صيني ماتنفع لا تقطع وكل شويه تنكسر سكين -الي يشتري اي منتج صيني والله ماله الا الخساره لعن ابو ذا الصينيين في كل كتاب عد د شعبهم فوق المليار وصناعتهم أردى صناعه سبحان الله ما يخجلون على انفسهم، كرهتهم بعد امس في كل شيء
المهم تكسرت السكاكين وما صدقت على الله الخلاص من التقطيع والفرزنه
تم بعد ذلك الطبخ والنفخ والوناسه والحمد لله
goldwater
17/11/2010, 03:29 PM
كل عام وانتم بخير.
العيوب والأخطاء واجد عندي اول ضحيه اقطع اصبعي والثانيه اصابع اللي يساعدني
غشيم كل سنه على هالحال

خخخخخخخخخخخخخخخخخخخخخخخخخ
goldwater
17/11/2010, 03:31 PM
كل عام وانتم بخير اما انا عندي سكاكين سويسريه مقضبها بلاستيك لونه اصفر غير ام طير شاريها من الرمايه يمكن لها عندي وللاه الحمد 8 سنين ومعها مسن الرمايه الشهير وبثلاثين ريال وله 8 سنين شاريه مع السكاكين شكلكم بتقولون بخيل
انا الي يرفع ضغطي في الذبايح لاقالو تعال شلها بنعلقها والله يجيني الهم لاني عارف الا شلتاه الاقي نفسي في الاخير متحضنها وتمتلي ملابسي دمان ذا السنه خربتها عندي في الورشه فور كلفت صغير طن ونص طرت علي الفسقه وجبته مع السكاكين وقاعد احلف عليهم محد يرفع الضحايا بس انقهرت خلصت الضحايا بسرعه لولا الحياء رحت اشيل ضحايا الجيران والله يبرد الخاطر كل سنه بجيبه

ههههههههههههههههههههههههههههه
goldwater
17/11/2010, 03:33 PM
اول شئ كنت ماسكن للوالد والله يهديه ماشاف يدي وظربت السكين يدي من عند العروق بس تفداه الحمدلله ماجاء الا شئ بسيط

ثاني شئ انهد حيلي ^_^

خخخخخخخخخخخخخخخخخخخخخخخخ
ولد......مكة
17/11/2010, 03:36 PM
كويسين الحمد لله الجد فنان في الذبح
اما انا دجاج ماارعف اذبح
سليمان 10
17/11/2010, 03:38 PM
كل شي يوجعني 0لكن يحل محله الاطمئنان والرضى والتفاؤل بالقبول 0الله يتقبل منا ومنكم 000
وحيد بزماني
17/11/2010, 09:01 PM
كل عام وانتم الى الله أقرب ... استخدمت للذبح سكين للذبح باموسى وللسلخ سكينة السيف السوداء
وذبحت تيسين تمام التمام الحمدلله
-ظل الجزيرة-
17/11/2010, 10:16 PM
انا عني قامت الذبيحه ترافس على اللارض وتمشخت يدي
ابو سمر
17/11/2010, 10:40 PM
الله يتقبل من الجميع صالح الأعمال ..

أنا خليت الولد يذكي الذبيحة والسلخ على السباكين اللي جبناهم .

والحمد لله على كل حال ..
سديراوي نت
17/11/2010, 10:50 PM
الحمدلله ثمان ذبايح قلنا بها مرة وحدة.. ما جت الساعة 10 الصبح الا وحنا مخلصين وهذا من توفيق الله وتعاون الأخوان الله يبارك فيهم.. نسأل الله القبووووول.
ماكس سالم
18/11/2010, 01:08 AM
السكاكين اتعبتنا
سرطوقا
18/11/2010, 01:17 AM
احس من بعض الاخوان مصآرعه مع الذبيحه ،

على فكره الذبيحه تبغالها واحد مروق ماهو مستعجل
((ابوملاك))
18/11/2010, 07:08 PM
^^^

مهو عاد والله ياني تصافقت معها وانا بنزلها :mad:

ماسكيني عمامي وقعدت اتفلت عليها ياحيوااااااانه :mad:

وانا بنزله لعنبو داره لونه اسود شيطاني مريد

ونمت الساعه 12 بالظهر ماقمت الا وحده بالليل

والنتيجه 1 - 0 لي :D
لايت
19/11/2010, 11:21 AM
كل عام وانتم بخير
الحمد لله الأمور طيبة
واللي معاه مثل هالعدة لا يشيل همّ
http://im1.gulfup.com/2010-11/12901543211.jpg


http://im1.gulfup.com/2010-11/12901543212.jpg


وطقم ملكة السكاكين بدون منازع
السويسرية أم طير VICTORINOX
( ولا تهون الأوبينيل )
وبصراحة اللي ماعنده من هالسكاكين وضعه صعب بالحيل
http://im1.gulfup.com/2010-11/12901546181.jpg


باقي الساطور ومسن الرماية سقطا سهواً من التصوير
تحيتي للجميع
وكل وانتم بخير مرة أخرى