اصحاب الخبرة في سمكرة السيارات

[الأجودي]

بسم الله الرحمن الرحيم

السلام عليكم ورحمة الله وبركاته

كل عام وانتم بخير وتقبل الله منا ومنكم صالح الاعمال

اخواني حصل على سيارة احد زملائي حادث بسيط والحمد لله على كل حال

وهو محتار بين تعديلها بدون بويه او سمكرتها

وماخاب من استشار

هذي صور الصدمة وهل يمكن تعديلها بدون بوية بحيث ينقط على البويه اللي راحت شي بسيط ؟

وهل فيه ورشة ممتازة تنصحوني فيها لان السيارة جديدة

وجزاكم الله كل خير
http://hh7.net/Nov/hh7net_12899281054.jpg
http://hh7.net/Nov/hh7net_12899281053.jpg
http://hh7.net/Nov/hh7net_12899281052.jpg


http://hh7.net/Nov/hh7net_12899281051.jpg

[adil33]

سلمك الله هذه تحتاج معجون بعد الدق بالشاكوش واذا ما يبي يستعمل معجون يشتري باب جديد ( اذا الدقه هذه بالباب )ويعطيه اساس وبعده اللون مباشرة بدون معجون ويدخلها فرن

[الأجودي]

جزاك الله خيرا

[عناز الحره]

والله يالغالى ماعنك وعن المعجون والرش كـــــــــــــــامل والله العالم هل تتطابق البويه مع باقى البودى واللا غير ترش الجمب كـــــــــــــــــامل (((مابى اسكرهااا بوجهك ولاكن صارلى نفس الموضوع)))))

[مخايل البراق]

السلام عليكم وكل عام وانت بخيــــــــر
التعديل بيكون واضح ومشوه
نصيحه وانا اخوك لاتستعجل ودور بالتشاليح احتمال كبير تحصل نفس اللون وركبه
اتمنى لك التوفيق

[ابو نواف المطرفي]

اذا كنت بالرياض .. فيه مصري يسمكر بدون معجون وكل السيارات اللي يشتغلها ضغط عالي وشغله لايعلى عليه
الرياض - الصناعيه القديمة

[ابوحميد122]

ما عندي ع ـلم
يفيدونـ ـكـ الشبـابـ
ان شاء الله

[د.تميمي]

فيه واحد في المزاحمية متخصص في التعديل، حتى بعض اللي في القصيم والزلفي يجون عنده..
أنا ما أعرف موقعه بالضبط وان شاء الله أحد الاخوان يفيدك في الوصف..
وبالنسبة لشغله ممتاز جدا جدا ..

[الأجودي]

الله يجزاكم خير جميعا ويرحم والديكم

اخوي ابو نواف هل تعطيني وصف المصري بالضبط غفر الله لك

اخوي التميمي سلمك الله سمعت عن اللي بالمزاحمية لكن وش اسم الورشة وين وصفها مثلك مدري مثل ماسمعت ايضا عن ابو فهد في عنيزة والمشوار سهل ان شاء الله بس السؤال هل يقدرون يضبطونها ؟

الله يجزاكم خير اللي عنده علم لايبخل

[ولد وايل..]

وانا اخوك الضربه فيها جروح...

يعني يلزمك يلزمك البويه...


لكن في حال انك تبي تعدلها وبس تبي تتعدل بنسبه 90 بالمئة...

فيه محل بالرياض بالناعيه القديمه مصري اخبرر اخونا تناهيت ذكر وصفه..

وفيه ورشه الخبر ايضا بالصناعيه القديمه
وفيه بالمزاحميه هندي لكن يبي يدبل تسبدك بالمواعيد

[ن م ر]

الضربه تتعدل لكن ما ترجع مثل اول 100% لازم تشوهات

واذا تبي تسمكر لازم يعدلونها باللحام ثم معجون ثم اساسا ثم بويه وما تكلف 500 ريال

اما اذا تبي تغير الباب من التشليح او باب جديد فهذ اأفضل لأنه ما يحتاج معجون

[دمنهوري]

اخوي كل عام وانت بخير

قبل لاتتعب نفسك اذا انك بالرياض في محل اسمه تعديل الصدمات بدون بويه في المجمع الي مقابل كوبري الخليج
رح وتاخذ المفيد

[الأجودي]

الله يجزاكم خير جميعا

[الغاااااطي]

ياشيخ هذي أغلبها قبصات
وأتحدى أي ورشة تعدلها لو بنسبة 50%
لأن إذا عدلتها تبي تصير واضحة جدا

[تناهيت]

هلا بك اخوي

والحمد لله على كل حال


ما انصحك تعدلها بدون سمكرة لأن فيها حروف قويه والبويه طالعه

الحل ونا اخوك باب جديد او من التشليح ........>انصحك ما تسمكررونه كان الموتر جديد لأن الصدمه راح تبقى في نفس راعي الموتر وبياثر على استخدامه له

المصري انا مريته وصلحت عنده لاكن الدقشه كانت بدون حروف والبويه ما كانت متأثره رغم انها كانت قويه كضربه وعدلها لي بنسبة 95%

تحياتي

[بواردي الدلم]

تناهيت خذ العلم ولا يهونون باقي الربع

ودها لورشة الوفاء في الصناعيه القديمه

شغل يراهنك عليه راعي الورشه إذا طلعت السمكره او الرش في السيارات اللي عنده

مجربها في باث فايندر واحد من اخوياي متقلب والله ماكن جايه شيء

وفي كامري ولد خالي ماكأن جايتها سمكره ولا رش ابد ولونها فضي نفس لون موترك

رح لهم بس تراهم غويلين شوي والله يوفقك ويرزقك ويعوضك بخير

[أطلال نجد]

وعليكم السلام ورحمة الله وبركاته

أخوي السيارة ما شاء الله جديدة حرام تعدل أو تسمكر وتحط معجون !
أنصحك تغير باب خلفي كامل وترشه فرن , الطقه هذى ما ينفع لها تعديل ولا تنقيط بويه لأنها بتبين وشكلها يضيق الصدر بصراحة
لكن أهم شيء أختيار الورشة وأحرص كل الحرص على الضمان على رش البوية 5 سنوات على الأقل
إذا ما تغيرت البوية بعد سنة أو سنتين بالكثير ما راح تتغير أبد بإذن الله من واقع تجربة
وإذا كنت من أهل الرياض دليتك على ورشة في صناعية حي الشفا شغل زين وأسعارهم مناسبة
وأكثر سيارتهم جيوب لكزس وأنفنتي ومرسيدس من 2005 وطالع ...

موفق خير

[أطلال نجد]

تناهيت خذ العلم ولا يهونون باقي الربع






ودها لورشة الوفاء في الصناعيه القديمه


شغل يراهنك عليه راعي الورشه إذا طلعت السمكره او الرش في السيارات اللي عنده


مجربها في باث فايندر واحد من اخوياي متقلب والله ماكن جايه شيء


وفي كامري ولد خالي ماكأن جايتها سمكره ولا رش ابد ولونها فضي نفس لون موترك


رح لهم بس تراهم غويلين شوي والله يوفقك ويرزقك ويعوضك بخير


ورشة وفاء أسعارهم نااااار وشغلهم أشوف أنه عادي
كذلك إدارتهم تجيب الهم !

[D.luffy]

فيه واحد في المزاحمية متخصص في التعديل، حتى بعض اللي في القصيم والزلفي يجون عنده..
أنا ما أعرف موقعه بالضبط وان شاء الله أحد الاخوان يفيدك في الوصف..
وبالنسبة لشغله ممتاز جدا جدا ..
نفس الكلام الي اعرفه انه يعدل تعديل ممتاز مرررررررررررررررررررررررررررررررررره

[أطلال نجد]

اللي يلجأون لتعديل الضربات البسيطة غالباً سيارتهم قديمة وإذا كانت جديدة فهم يعدلون عشان البيع

لكن واحد سيارته جديدة ويهمه المنظر ويبي يستعمل ما يقبل بالتعديل وشغل البربسه

[MjNo0oN]

اخوي هاذي ممكن تتعدل لاكن بتبين لان بعض البويه رايحه

والي يبي وصف ورشة الفيصليه الي في المزاحميه (مع العلم انهم غيرو ورشتهم القديمه) يعطيني خبر عى الخاص

وتراه شايف نفسه هاليومين ويقصب في السعر وضربتك بيقولك مابين ال(250 لل500 ريال)