كل عام وانتم بخير اخواني سوال بخصوص العقير

[هاوي صيد]

السلام عليكم ورحمة الله
كل عام وانتم بصحة وسلامة سوال انا ناوي اروح للعقير صيد من السيف غزل وسنارات وارساليات هل تنصحوني بالعقير والى الجبيل وخصوصن للكنعد انا جربت الجبيل بس العقير ما عمري جيتة وانا بجي من الرياض وش اقرب خط للعقير ارجو الافادة ودمتم
بخير وصحة وسلامة:f والى بخويني يهلابة

[برق شرق]

و عليكم السلام و رحمة الله و بركاته ..


كل عام و انت بصحة و سلامة ..


شوف طال عمرك .. اللي انا بقوله لك هذا رأيي و من تجربة ..;)


" العقير " اذا بتحط فيها غزول بتعين خير ان شاء الله .. شعم و بدح و قرقفان و احيانا صافي و بتعبي حواقيل :D ..

و اذا خيوط مدّ بتحصل سبيطية ان شاء الله ..:good2:

و اذا حاط في بالك كنعد فأتوقع انها صعبة شوي اذا مو مستحيلة .. و خصوصا اذا بدون طراد ..:(


اما " الجبيل " اللي يجربها ما يفكر بغيرها :good: .. من ناحية الصيد و خصوصا الكنعد ..

الأمر راجع لك اخوي " هاوي صيد " ..

لكن نصيحتي لك اذا انت ناوي على كنعد تشيل " العقير " من الاختيارات ..


هذا ما لدي .. و ان شاء الله بقية الاخوة المكشاتية يفيدونك ..
:)


.. دمت في أمان الله ..

[هاوي صيد]

هلابك اخوي برق شرق ويسعدني مرورك ومشكور على المعلومات بس السوال بنسبة للغزل ما يضيقونك خفر السواحل

[برق شرق]

هو على حسب المزاج ..

لكن ان شاء الله ما فيه خلاف .. :)


هو اذا نزل البحر انتهت القضية .. المشكلة في وقت ما تنزله و تنشره ..

و لو - لا سمح الله - شافوك و انت تحطه بس بيقول لك ممنوع و من هالكلام ..

يعني تشيله بس .. ما فيها مصادرة و كذا >> مخدرات هذا مو غزل :D .. ههههههههههههههه


و تقدر ترجعه اذا راح عنك ;) ..


اتذكر مرة من المرات كان فيه واحد حاط غزل في " العقير " طوله ما شاء الله اكثر من 100 متر تقريبا ..

و مر عليه حرس الحدود مرتين ولا كلّمه ..



فالك السمكة اللي في بالك ;) ..


موفق يا " هاوي صيد " :) ..

[accentkool]

صحيح العقير حق الغزول ممتازة والمد بعد فيها تمام بالريف
سنارات ضعيفة