اليوكن ذبحني.....؟

[za3d]

السلام عليكم منتدي مكشات

عندي كذا مشكله مع اليوكن ....؟

1-طبلون السيارة رايح فيها متقشر فيه محل يصلحه لي او يصبغه في الرياض.

2-ابي ورشه يكون سعرها معقول يصلحون الارضيات عندي الركب والاذرعة .

3-القفل الخلفي اقصد الباب القزاز ما ينفتح عندي هل يحتاج اشتري مكينه جديده اويتصلح وكم سعر المكينه .

[patrol vtc]

طبلون السيارة : فيه الله يسلمك محلات بالغرابي يصبغونها لك ..لكن ما اعررف محل معين رح هناك واسئلهم يفيدونك لكن شغلهم جميل ..

اتمنى لك التوفيق وتزيين سيارتك :)ے
..

[أبونايف MSD]

كل عام ونت بخير ومن العايدين

وبنسبة للباب الخلفي انا عندي يوكن وكان فية نفس المشكلة الباب القزاز مايفتح ورحت لأكثر من كهربائي ومثلك عارف ماودهم يتعبون نفسهم كلهم قالو غير جديد شافوني سعودي والظاهر أنهم تخيلوني مكينة صراف الا واحد قالي يتصلح وفعلا صلحه وكلفني 150 ريال بس مع الاسف الورشة بشرقية ونت برياض وأنشاء الله الشباب مايقصرون معك ويدلونك على كهربائي جيد

الزبدة لاتصدق الورش أذا قالو مايتصلح غير جديد أتعب شوي وبتلاقي كهربائي يصلحه .

هذا والله أعلم اتمنى لك التوفيق

[سيف العلا]

بيعه ه99999999

[أبو بسام]

الأخ الفاضل والقدير
za3d
حفظك الله ورعاك
السلام عليكم ورحمة الله وبركاته
على قول أخي الكريم لا تصدق الورش ان قالوا ما يتصلح لا تستعجل أسأل
قبل شهر صار الباب الخلفي بسيارتي التي هي بالطبع ليست مثل سيارتك
ولكن لكي تعتبر أصبح الباب لا يفتح مع البيبان الأخرى إلا بالمفتاح ولا ينقفل
إلا بالمفتاح على طول تناولت عدتي وفكيت مجموعة القفل داخل الباب وأخرجت
الجهاز الخاص بفتح الباب وفرقعته ساعتها لقيت قطعه بلاستيك موصله بطريقه
خاصه لكي تحرك العامود إلي بدوره يفتح القفل ويسكره هذه القعه البلاستيك
مشروخه مع الجنب في مكان تثبيتها بالعمود فأصبحت تدور بوش بدون فائده
حطيتلها غراء زجاج ماغيره وتصلبت مكانها ولله الحمد صار زي الحلاوه من يومه
عاد ونا أخوك لوني رايح للكهربائيه كان قالوا لي جيب واحد جديد ولا فيهم إلي
بيطريله يفكه ثم عاد شوف كم تطلع قيمته وأنت عارف أسعار القطع الكهربائيه
لذلك أخي الكريم كثير من الأشياء عطلها بسبة شيء بسيط
هذا والله يوفقك لما فيه كل خير
أخوك ومحبك في الله
أبو بسام

[ابوحميد122]

ما عندي ع ـلم
يفيدونـ ـكـ الشبـابـ
ان شاء الله

[za3d]

يعطيكم العافيه شباب مكشات

وكل عام وانتم بخير

اللي يقدر يفيدني في الورش لا يبخل