طريقة طبخ الكبسة بسرعة الحقوني

[طفران بس بطران]

سلالم وعليكم انا ماودي اتورط ابغا طريقة طبخ الكبسة اي نوع لحم ابا وانتم تعرفون عاد

[ألأطلسي]

حياك يالغالي الخيمه ماشاء الله مليانه مواضيع فيه كبسات بالماء وفيه كبسات بالبخار
طب وخذ مابدالك يالغالي

[براش]

با ختصار شديد
كشن بصل حتى يسير لونه ذهبي
حط بها راتك واللحمة واحمسها شوي
صب موية ولا تكثرها تنقص ولاتزيد
اضغط من 10الى 15دقيقة
ثم ارمي الرز
اذاشفت الموية قليلة زد موية حارة
حط ملعقة بشكل عامودي اذا يادوب ثبتت
معناها الموية مضبوطة
اضغط عشرة دقايق وادعيلي

[طفران بس بطران]

با ختصار شديد
كشن بصل حتى يسير لونه ذهبي
حط بها راتك واللحمة واحمسها شوي
صب موية ولا تكثرها تنقص ولاتزيد
اضغط من 10الى 15دقيقة
ثم ارمي الرز
اذاشفت الموية قليلة زد موية حارة
حط ملعقة بشكل عامودي اذا يادوب ثبتت
معناها الموية مضبوطة
اضغط عشرة دقايق وادعيلي
بيض الله وجهك حفظتها في المفضلة ابعدي يالذيب

[تميم4]

شب على القدر وحط شوي زيت وكشن البصل شوي وبعدين حط اللحمه وقلبها شوي وبعدين البهارات عشر دقايق وحط الطماط وقصر على النار الين يتعرق يعني يطلع شوي مويه ولا تحط ملح بالبداية وبعدين هات مويه حاره وصبها على الحم وارفع على النار لمدة ساعه كان لحمتك خروف صغير بعد الساعه نقع الرز لمدة عشر دقايق بعدها اشخل الرز وهات علبين فلفل وحبتين هيل وحبتين ليمون اسود وعود دارسين او قرفه وشوي ملح حسب الرغبه حط الرز وخل الماء فوق الرز باثنين الى ثلاثة سنتيمتر وبعدين ارفع على النار لمدة خمس دقايق بعدها حرك الرز وقصر على النار تدريجياً لمدة نصف ساعهبعدها هد الوحش وبالعافية

[ريم البراري]

بالقدر العادي والا الضغط؟

[رعد الصحراء]

الأخ الغالي / طفران بس بطران




تمت الإجابة عن الاستفسار




أتمنى مره ثانيه يكون الاستفسار في مكانه الصحيح وعدم الخروج عن الموضوع بطريقة أخرى !




وقبل كتابة أي موضوع أو استفسار بالإمكان الدخول على باحث قوقل لمكشات الموجود في أعلى الصفحة




تقبل تحيتي