فزعتكم الباترول جنني

[سوبر2005]

السلام عليكم,,,
ما ابي اطول عليكم بس انا مشكلتي الباترول مديل 2005 اذا دعست يمشي الموتر بس احس انه ماسك او كاتم وقبل يعشق للنمره الثانيه يفلت ويقوى عزمه وبعدين يغير للنمره الثانيه ونفس الحكايه بالنمره الثانيه احس انه كاتم وقبل يعشق كانه يزود عزمه وبعدين يغير للي بعدها واذا صرت على طلعه ورجع نمره قبلها يبداء يقطع تقطيع خفيف والسرعه تنقص الين ارفع رجلي عن الدواسه ويعشق للي بعدها ويريح الموتر ومادري وش حلها .
فيه ناس قالو لي البلوف بعد الحراره (لان السياره جتها حراره قبل) تتمغط وتسوي كذا بس مادري وش دخل البلوف بالحراره وناس قالو لي حساس الهواء يمكن مقطوع شيكت عليه وكلش تمام .
بس ياناس انا حاس ان المشكله بسيطه بس ياربي وين الفاهم ياليت اللي مرت عليه المشكله يعلمني والا ناس فاهمين علشان اقدر اوصل لحل الله يجزاكم خير

[بترووول]

والله اني بنصحك نصيحه اخو المشاكل اللي نفس ذي تدوخ الوكاله براسها
نصيحتي افحصه سكنر عند ورشت الحوت عند المعارض فني ممتاز يفحصه
150 ويعلمك المشكله وذا ماعلمك يرد الفلوس ويقولك تبي تصلح
ويعلمك السعر المهم يصحها لو ويش وهاذي نصيحتي لك
لاتمسك الموتر اي احد موتر ماشالله جديد

[العنيد952]

شيك على الكتاوتات اللي بالكبوت بالرف الايسر بدل بينها اغلب العطل منها

[باب هداج]

فحص كمبيوتر

[أبوياسر1]

شف علبة الكتاوت الي يمين المكينة..
فكه وبدل بين كتاوت الريوس وكتاوت القير وشف..
أنا كان قير الجيب يطق طقه تعور القلب ويوم بدلت الكتاوت ضبط :)

[محسن اليامي]

كتاوت ....................

[سوبر2005]

بدلت جميع الكتاوتات الزرق كلها مافيه فايده

[مرهب الخيل]

اخوي سوبر
تأكد من البواجي وأسلاك البواجي
يمكن أحد الأسلاك مجروح يخلي العزم يضعف
واتمنى يفيدونك الاخوان

[ابراهيم الضيو]

ياخوي منضم الهواء المكينه مكتومه والدليل الي ماذكرته صرف البنزين والريحه الي تطلع والسلام

[سوبر2005]

اخوي سوبر
تأكد من البواجي وأسلاك البواجي
يمكن أحد الأسلاك مجروح يخلي العزم يضعف
واتمنى يفيدونك الاخوان

هلابك اخوي بس الظاهر مافيه اسلاك بواجي اما من ناحية البواجي مغيرها وكاله البوجي الواحد بـ60 ريال

[سوبر2005]

ياخوي منضم الهواء المكينه مكتومه والدليل الي ماذكرته صرف البنزين والريحه الي تطلع والسلام

حياك اخوي ابراهيم والله كلامك يمكن مقنع بس وشو منضم هواء المكينه وين احصله واما من ناحية الريحه فعلاً فيه ريحه بس اول ما اعبي بنزين تجلس لها نص يوم وتروح هل لها علاقه وصرفية البنزين والله ياخوك مادري بس احس انه عادي يعني التانكي الاساسي يمشيني 320 كلم بالصيف مع المكيفات كلها . ياليت بس لو تعلمني عن هذا اللي تقول عنه منضم الهواء وشو ترى اخوك عليمي شوي وخايف يلعبون علي هالبنقال . اشكر جميع من مر على موضوعي تحياتي,,,

[ذيب العيص]

عسى الله ييسر امرك ....الظاهر المشكله بسيطه ان من رايي افحص كمبيوتر شوف اش يبين معك ..
ويمرون المشرفين ويفيدوك ان شاء الله ولا يهون باقي الاخوان....

[سوبر2005]

عسى الله ييسر امرك ....الظاهر المشكله بسيطه ان من رايي افحص كمبيوتر شوف اش يبين معك ..
ويمرون المشرفين ويفيدوك ان شاء الله ولا يهون باقي الاخوان....

جزاك الله خير
بس على قولتك وين المشرفين يفتون لنا الله يستر على الجميع

[شامان]

اخوي سوبر2005 الله اعلم ان المشكلة الي عندك من اطرمبة البنزين فيها ضعف بالدفع يعني بداية خراب
قم بفحصها عند الورش

[سوبر2005]

اخوي سوبر2005 الله اعلم ان المشكلة الي عندك من اطرمبة البنزين فيها ضعف بالدفع يعني بداية خراب
قم بفحصها عند الورش

اخوي شامان حياك ربي
ان شاء الله بروح للورشة وافحص الطرمبه يمكن منها
اسعدني مرورك

[سوبر2005]

للرفع

للرفع

[باترول4800]

شيك على الدبات اللي في القزوز اتوقع فيها بدايه انسداد

[سوبر2005]

شيك على الدبات اللي في القزوز اتوقع فيها بدايه انسداد

ما اعتقد من الدبات بس ان شاء الله بكرى بشيك عليها
انا مشكلتي كهرباء بس وين الاقيه

[سوبر2005]

وينك سوبر فتك واصيل حجازي افيدونا الله يجزاكم خير