المساعد الشخصي الرقمي

مشاهدة النسخة كاملة : مساعدة اخواني لمبه الايرباق جيب 2001 gxr مو راضيه تطفي


ناصر
20/11/2010, 02:01 AM
السلام عليكم
اخواني اتمنى المساعده
عندي الجيب تايوتا 2001 جي اكس ار
المبه الخاصه بالايرباق (الكيس الهوائي ) والعه اللمبه حمراء داخل الطبلون
من اليوم فقط ..
وش تتوقعون المشكله؟ وليه ولعت ؟
انا بالرياض وش تنصحوني اروح لأي ورشه ؟

تقبلو احترامي وياليت مساعده
عبدالله المطيري
20/11/2010, 02:07 AM
حياك الله أخوي

هذي صارت معي بجكسار 2002


خربت حاجة ورا الدركسيون


والله اني نسيت اسمها المهم انها مسؤولة عن البوري والايرباق


اشتريت القطعه من الوكالة بــ 480 ريال

وركبتها بــ 40 ريال


أغلب الكهربائيين يعرفونها


وعندك التركي الكهربائي على شارع المية بصتاعية النسيم على الشارع العام بعد قطع الغيار الجمعان والنهدي تحصله بعدهم على اليمين




تحياتي
ناصر
20/11/2010, 02:13 AM
مشكور اخوي A1B22
مع العلم ماسويت شي بالسياره ولا صار لها صيانه فقط جاي من مشوار طويل
يعني اروح للكهربائي وهو يعرف المشكله
عبدالله المطيري
20/11/2010, 02:17 AM
انا صارت معي فجأة بعد

وانا مسافر يوم اقبلت على الرياض

ولعت

رح للكهربائي اللي قلتلك عليه


تخصص جيوب لاندكروزر ولكزس


وابد مافيه سبب ثاني اذا ماولعت من حادث

ابد غير هذي القطعه وان شاء الله تساهيل
ناصر
20/11/2010, 02:26 AM
اخوي A1B22 فعلا ماطلعت معاي المشكله
الا بعد مشوار الرياض الطائف لاصار قبلها لافك ولا صيانه
لكن اخي ممكن اسم الورشه لو تتذكره او اكتفي بالوصف ؟
عموما بكره ان شاء الله آصلة
والله يعين على سعر القطعه :D تحسها غاليه
بارك الله فيك
رااعي الابل
20/11/2010, 01:37 PM
مر على الضحيان الي في النسيم
ناصر
20/11/2010, 07:35 PM
مر على الضحيان الي في النسيم
مشكور اخي ماقصرت

الصراحه
:)
شغلت سيارتي الساعه 12 الظهر
وبدون سابق انذار انطفت اللمبه واختفت المشكله
وقلت الحمد لله على السلامه
كيف انطفت؟ وليه اشتغلت اول ليس لدي اسباب ؟
شي مفرح ان تنتهي المشكله
لكن تتوقعون اخواني وش السبب؟
وهل راح تشتغل ثاني يعني نشيك ولا خلااااص
تقبلو احترامي
محب الرمنغتون
21/11/2010, 02:19 AM
بما ان اللمبة اشتغلت عليك في السابق وانطفت الآن , فبعد فترة من الزمن ستعود عندك المشكلة من جديد وبمجرد رجوع المشكلة بادر الى أقرب وكيل للسيارة
وسلامتك ,,,