قدر الكاتم >> ابي رأي الجميع لاهنتم

[Khalid AlGhamdi]

السلام عليكم ورحمة الله وبركاته
اول شي احب اعترف لكم اني ماعرف اطبخ بقدر الكاتم واهج عن اللي يطبخون بقدر الكاتم لاني احس انه بينفجر باي لحظه :D

ولكن وبعد تفكير عميق وخصوصا لتوفير الوقت قررت اني اتهور واشتري قدر كاتم

وش رااااايكم ؟ وش النوع المناسب وكم سعره ؟

وياليت لو لمحة سريعة عن الطبخ بالكاتم وكيف اعرف وشلون اللحم استوى ولا ماستوى !!
والرز صار نثري ولا مخبوص !!
وكيف اعرف وهذا الاهم ان الضغط زاد عليه وبينفجر علشان اهج !!
وهل الكاتم لو انفجر يطلع منه شظايا :confused:

اذكر ان كان فيه موضوع عن انواع الكاتم واسعاره ولكن للأسف مالقيته :confused:

وجزاكم الله خيرا

[الحسكولي]

ابو معاذ السلام عليكم ..
كان ودي افيدك ولاكني مثللك بالضبط بقلة الخبره في القدر الكاتم وابنتظر معك ردود الاخوان النشاما في المنتدى .
ويعطيك العافيه على الموضوع الجيد.

[خيال الغلبا]

والله انا مثلك
لكن الفرق بيني وبينك
اني تهورت قبل سنه كاملة
ورحت شريت ساب الفرنسي بــ290 ريال وكان معه هديه مجانيه عبارة عن فرامة ثوم كهربائيه

والى يومك مافتحت الكرتون حقه لأني مااعرف استخدمه
واخاف اني مااضبط ميزانيته وينفجر في وجهي

[أبوأحمد98]

مبداياً لا تتعد الصيني (السيف)رخيص وكويس وهو المنتشر مع العالم ..وفيه بلف امان ..
بالنسبه لطريقة الطبخ بالكاتم ..فيه مواضيع ..بخيمة الطبخ اسهبت بالحديث وطرق الطبخ بالكاتم

[Khalid AlGhamdi]

جزاك الله خير يابو احمد لكن كم سعره وكم سعته ؟

[أبوأحمد98]

والله بالنسبه للاسعار تختلف على حسب الحجم ..فيه 9 لتر وفيه 7وفيه11 ...الخ

واسعارها من 40ريال الى 100حسب الحجم

[أبو يوسف]

الصيني حق السيف زين
بس نصيحة لا تحطه بالعزبة
واذا حطيته بالعزبة لا تحط فوقه شي الا اذا غطيته وشديته
أنا كان عندي واحد
وحطيته بالعزبه
المهم مشكبياته اللي تمسك الغطا انعفطت بشكل بسيط وصار ينسم

لكن الصيني ميزته البلف حقه رخيص وتلقاه بكل محلات ادوات الرحلات

اتمنى اني اكون افدتك


مع التحية

[ابو فص فص]

السيف تراه زين

وبعدين رخيص ولا يفرق سوى خمس ريالات عن الصيني من الماركات الاخرى وبعدين سماكته فوق 28

ولا ازيد على الاخوان بشيء وفو وكفو .... او العكس

[الجندي2005]

السلام عليكم
انا جربت الساب الفرنسي (( 250 ريال )) قطعه غالية مرة بغيت اغير الغطاء لاني طاح مني علي صبه وانطعج لقيت الغطاء بس لحاله (( 90 ريال )) بعدها قررت اشتري صيني وفعلا لقيته روعه اللي اعرفه نوعين (( بادريق )) (( السيف ))
ويجي منه (( 50 ليتر )) تقريبا (( 350 ريال )) يعني انت وحارتكم بيكفيكم اسف للاطاله

[خيال الغلبا]

عليك بالأصلي وانا اخوك ولو كان غالي
ولايحوشك التقليد
ساب وبس
اشوف اللي جربوه مابدلوه بغيره

[ابو فص فص]

بسم الله الرحمن الرحيم

شوف اخوي خيال الغلبا

الاصلي سب ما فيه كلام بس ترى سعره مبالغ فيه ولا تقولي قيمتة فيه

فرضا شريت سب 9 لتر بـ 280 ريال وجلس معي سنة وضاع او طاح وانكسر مثل خوينا
يعني خسران ولو انك شريته وصار صغير ما يكفيكم

صدقني الصيني ليس بالسئ الذي تتوقعون ابد وخاصة وارد السيف فليس كل صيني تجاري

سعر مناسب ولا فيه احد قد سبه ابد
انا استخدم الصيني مقاس 7 لتر و4 لتر وارد الظاهر بادريق له عندي اكثر من خمس سنوات والحمد لله ما شي الحال ....... لو اذبه واشتري غيرهم انا رابح لان واحد بـ 50 ريال والثاني 65 ريال

هذا ما حبيت ان ايف في هذا الموضوع

تحياتي للجميع

[nahham]

الصحيح السيف الصيني 9 لتر قمة ورائع

والاهم انه رخيص وكويس

[الصمان]

[ السلام عليكم ورحمة الله وبركاته

حياك الله يا AbuMu3ath شوف الرابط هذا ممكن يفيدك http://www.mekshat.com/vb/showthread.php?t=8667

[Khalid AlGhamdi]

جزاكم الله خير جميعا وماقصرتم

اجل بشري الصيني وارد بادريق واسوي تجاربي واوافيكم بالنتائج ان شاء الله :)

[Khalid AlGhamdi]

ياجماعة وارد الصيف الصيني طلع المنيوم ماهو ستيل !!

[محمد حمد]

افضل شي للطعم وللكرف في اي مكان على حطب ولا على غاز يتحمل هو الصيني وعملي جدا ً . مره شرينا كاتم الماني من نوع تربو بقيمة 490 ريال حجم 6 لتر وتحسفنا . وبعد فترة شرينا الصيني 11 لتر ممتاز جدا ً . والحين طايحه صواميله وطايح الرمان
الغطاء ونطبخ عليه نشده ونفك العروه السوداء الي فوق لأنها ماتثبت مافيها مسامير له سنتين تحت الخدمه .... سلملي على الصيني
بس اهم شي ينتبه اذا جيت تكتم الكاتم اي تسكره لا تشده لأخر شي من اول مايشد اول مره وسويها ثانية وخلاص !!
لأن مع كثر الشد والحرارة ترتخي العراوي الي تمسك الغطاء وهذا الي يسبب الانفجار انتبه !!

[Khalid AlGhamdi]

على عيني وراسي لكن ابي ستيل ، مايجي الصيني ستيل ؟؟

[الكشات]

الاخ/ AbuMu3ath
السلام عليكم ورحمة الله وبركاته
التيربو والسب مابعده بس حقت بيوت وحرام على البر :confused: و الصيني ممتاز ورخيص وعملي وابشرك الان متوفر منه استيل وهو كفو الكشتات :p

[عبدالهادي]

اطبخ فية مرة مرتين ومن عندي راح تصير خبير


لكن من بتجرب فية هنا السوااااااااااااال؟؟؟


حاول تجرب في البيت قبل



تحياتي

[عاشق هدوء]

الاخ ابو معاذ
السلام عليكم ورحمة الله
قرات الموضوع وحبيت اشارك ولو ان المشارك جأت متأخرة قليلاً ولكن للافأدة
بالنسبه لقدر الضغط الزين غالي على مايقولون ولكن انا جربت قدر ضغط اسباني نوعيه ممتازة وسعر معقول وقطع غيارة متوفرة وأعتقد ان سعرة في حدود 160 ريال 9لتر على خبري واسمه ديكور و بالنسبه للصيني ما انصحك به البته وشكرا!
اخوك عاشق هدوء

[Khalid AlGhamdi]

وعليكم السلام ورحمة الله وبركاته
اخوي عبدالهادي انت خلنا نلقى الكاتم وبعدين نشوف لنا احد نجرب فيه :)

اخوي عاشق هدوء لامتأخره ولا شي لاني مابعد لقيت شي مناسب لان اللي لقيته الصيني ماهو ستيل

وانا ودي الا شريت كاتم اما اخذ ستيل ولا خلني على مواعيني :)

وجزاك الله خير

[بواسامه]

لا تتعدى الصيني :good:

جربت الفرنسي سب

نفس الشي
والقيمة عشر اضعاف الصيني

[الطله]

مش فارقههههههههههههههههههههههههههههههه

[عاشق هدوء]

ابو معاذ بالنسبه للاسباني ستيل انا اقول انك تشوفه يمكن يجوزلك وبالتوفيق

[منصور ع]

خلك في الصيني وارد السيف ولايهمك سب سعره ضو ويؤدي نفس الدور اللي يؤديه الصيني وقطعه رخيصه ومتوفرة وابعد عن الأستيل تراه يحرق الاكل وخلك في الألمنيوم .... خذها مني نصيحة مجرب واذا ماجازلك الصيني تعال اعوضك عنه

[رواح]

---------------

[رواح]

قدرالكاتم السيف مغليه بلا فائده هناك العيسى وغيره من المستوردين نفس السيف-صيني- لاكن السيف مستغل شهرته وانا جربت اكثره وكلهم زي الحلاوه --لاكن هناك بعض الإحتياطات البسيطه لإستخدامه مثل 1التأكد من خروج البخار من فتحة التنسيم الأساسيه لأن هناك بعض
الأطعمه تقوم بسداد هذه الفتحات مثل البهارات الغير مطحونه وإذ لاحظت هذا الشيء قم بفتح الإنسداد- بعود- 2 وعند فك الغطاء تأكد من خروج البخار بأكمله حتى ينقطع التبخير تماما 3وضع القدرفي السياره في مكان لايتحرك فيه لأجل مايتفكك لأنه يبغى تربيط كل فتره----وعليك بصيني--------

[الكونترولCONTROL]

اقترح عليك تشتري قدرين من الصيني العادي
===============
الاول مقاس 7 ليتر او اقل \ و قيمته اقي من 70 .... و هو يكفي لثلاثة اشخاص بالراحة او اربعة كبار
===
الثاني مقاس 11 او او اكبر شوي \ و قيمته 100 يمكن او اقل ... و هو يكفي لحوالي صحنين متوسطين يعني أكثر من 8 أشخاص كبار