مشكلة صرف البنزين االخطيرة في سيارات الباترول ( أبي حل ياأخوان)

[nemr.m]

السلام عليكم ورحمة الله وبركاته

كل عام وانتم بخير

يأخوان فية مشكلة تزعجني وتزعج جميع من يستخدمة سيارات نيسان ( باترول ) الا وهي صرفيت البنزين الزايده الي غطة على سيارات GMC الأمريكية نبي في هذا الموضوع الأخوان الي عنده خلفية في التوليف او اي طريقة اخرى يدلونا على الحل حتى يكون لمستخدمين هذه الفئة من السيارات الجبارة الفرصة في الإستمتاع بإستخدامها والخوض في الصحراء بكل طمئنينة لأني صرت أخاف والله منها ولازم اخذ معي بنزين أحتياط

لأنه بصراحة خطير جداّ في الصرفية ( اكثر من سيارة استخدمتها واحصل فيها نفس المشكلة)

[مولع قنص]

والله وانا اخوك كان معي باترول كلبليتر ويا كن يلهف بنزين بشكل وما خلو شيء ما قالوه

وانا سالت واحد خبره في الباترول قال اسمع ركب ابره رقمها 105 وتخف الصرفيه بس فترة كم شهر وترجع تغيرها

يعني وانا اخوك الباترول ماله حل صارف صارف الله يصلحه

وكل الرتهيمات اللي يقولون عنها خرطي خل عنك بس

غير بواجي واسلاكها ونظف الكلبليتر وبس

[الباحث_6610]

انا مامني من اصحاب النيسان وانا أخوك لكن سمعت واحد من الشباب يقول أن كبليتر التيما الموديل القديم يركب ويقل الصرف وإلا أنا ماجربته يأخوي nemr.m

[SIF]

هذا عيب النيسان الوحيد

[K.S.A.A]

شف حنا مو أحسن من الوكالة
طبعا لو غيرنا الكلبليتر أو غيرنا الأوبر بيتغير عزم الموتر شي طبيعي
في ناس يركبون كلبليتر ألتيما أو 200 إل
واللي يركب أبر صغيره حقت ألتيما
واللي مدري وش يسوي
وكلها خرطي مع أحترامي لأصحاب الترهيم
في ناس يقولون غير الديلكو ومدري وشو
والديلكو أصلا وش دخله في الصرفيه
الصرفية كلها عند الكلبليتر
خله على شغل الوكاله وريح اسك
والحمد لله البنزين عندنا بالسعودية رخيص الله يطول عمر ملكنا ويقومه بالسلامه ويريده لنا سالم غانم .

[صاحب نوماس]

والله ماتوقع ان لها حل