ورشة متخصصة لفك دبات التلوث للجمس والشفر تكفون يالربع

[بن شمروخ]

السلام عليكم ورحمة الله وبركاته ....


الله لايهينكم بغيت ورشة متخصصة في فك دبات التلوث للأفلانش ...

لان رحت عند اليمانية في صناعية الخليج الصراحة مافي احد فاهم ...

وكل واحد يقول كلام

سألتهم كم سؤال عن الوصلات والحساسات وجوابهم كان أخس منهم هالنصابين حسبي الله عليهم ...



واحد يقول اذا ماركبت دبة خليجية راح يخرب هذا لان عنده الدبات

والي ماعندهـ دبات يقول مايضر ركب ماصورة وخلاص ويطلع صوت طرب ويوم سألته عن الطريقة
قال فك وتركيب وتلحيم والسلام عليكم يوم قلت له الحساس قال هذا شفر ماهو مثل الجمس يجي حساس .. قلت الله يستر سلام عليكم يابو يمن ... خلني اروح لمكشات ازين لي وانفع عند النشامى

تكفون دلوني على ورشة تفك الدبة ويرهمون وصلة علشان ماتطلع لمبة التشيك انجن وايضا تركيب الفلنجة مع الماصورة ....

مـــــــــــــــــــــــــــــوقعي شــــــــــــــــــــــــــرق الريـــــــــــــــــاض

[تناهيت]

شف وناخوك
سبق ان شلتها من شفر حوض 2002 ولا تأثرت الحساسات وفيه ناس شالوها وولعت عندهم لمبه المكينة

أهم شي يقصها من بعد الحساس ويلحم لحام كهرب ويركب لك بدالها وصله فيها شخالات عشان الصوت

اذكر ركبت دبات العتيبي ولا تغير علي صوت الموتر ولله الحمد

قيمة الوحدة 30-40 ريا ل وشغل اليد 100-150 ريال .....

رح للصناعية القديمة للشارع اللي مضاهر شارع الجمعيه من جنوب فيه ورشه كويسه في بدايه الشارع من جهه الغرب تجي على يمينك (فيه بوفيه أول الشارع الورشه بعدها على طول )) الماريه الحفره فيها معترضه

لا تنسى تآخذ الدبات معك اذا فكيتها .......>يجي يوم تحتاج تركبها

تحياتي

[abo_hoor]

هلا اخوي بن شمروخ
والله انا ماعندي خبره بس حبيت افيدك
شوف هالرابط زين يعني خلك معاه
والله يوفقك يارب ودير بالك من حساسات ترا يقلون مو كل واحد يشتغل فيهم

http://www.mekshat.com/vb/showthread.php?t=298172

[YUKON_GMC]

سبق وفكيتهم عند محل كنداسات وركب بدالهم دبات صناعه سعوديه الدبه الوحده في 100 ريال وبالعكس الموتر بعدها زان ولاعاد يكربن زي اول

وموتري الحالي تاهو خليجي قطعتهم وركبت محلهم مواصير ولاتأثر الموتر اللهم انه زاد الصوت شوي ..

[الحرالاشقر]

السلام عليكم
انا رحت اشيلها بالصناعيه القديمه
وحصلت الاسعار مع الشغل مابين 120 الى 100 ريال
بس كان لي شرط وهو تركيب ماصوره نفس مقاس اللي قبل الدبه
لا اصغر ولا اكبر
لكن ماحصلت نفس المقاس
لان اللي معي 2 انش
المهم نصيحتي لك مثل ماراح اسوي بموتري باذن الله
يا اما
1. ركب ماصوره بدل الدبه تكون بنفس المقاس بالضبط عشان مايرجع الهواء لكن بيكون الصوت اقوى وأداء افضل.
او
2. ركب فلتر هاللي يجي فيه شخال واحد (وطني) وبيعطيك نفس الصوت وأداء افضل.

الايجابيات:
1. تنفس افضل للمكينه وانخفاض حرارتها.
2.اداء اعلى.
3. احتمال تقل صرفيه البنزين.

السلبيات:
1.زياده خروج اول اكسيد الكربون (تلوث اكثر).
2.السيناريو الاول زياده بصوت السياره.
3. تغير السياره عن مواصفات الوكيل واحتمال الغاء الضمان.

لاتترك الدبات الاصليه للعامل لانه بيبيعها ب 600 ريال اقل شي