مشكلة بالباترول (( كربنه وماهي كربنه ))

[جمس الشمال]

كل عام والجميع بخير

يا شباب الباترول ما اشكي من عزمه بشي
اموره تمام ,, بخاخ وموديله 99 وقير توماتيك

بس اذا مشيت لي مشاوير بسيطه وضغطت على البنزين وهو واقف
يطلع لي دخان اسود كثير كثير
واذا مشيت اختفى يمكن يطلع شوي وما انتبه له من الهواء
بس اذا وقفت ودعست بنزين والسياره واقفه اشوف عجاج وراي

طبعا قبل شهرين اذا تذكرون خربت الطبات معي مرتين
مادري هالشي له علاقه مع اني ماني شايف اي علاقه
لان الراس ما انفك كل الموضوع تغيير طبات وفك صدر المكينه بس

افزعو لنا بخبرتكم لو سمحتو

[جمس الشمال]

نسيت اضيف قبل كنت معوده على البنزين الأحمر
ويوم شفت الكربنه غيرته لبنزين اخضر
وبصراحه اشوفها ارحم شوي من قبل الكربنه

وصرفية البنزين طبيعيه
بالتنك الرئيسي امشي حوالي الـ 380 داخل البلد
وعلى الخط السريع يمشيني لين الـ 500 اذا سرعتي معقوله

[بترووول]

عندك نقص بالزيت
او لا

[جمس الشمال]

عندك نقص بالزيت
او لا

هذا السؤال الي ماطيقه ههه والي ماودك تعرف حتى الاجابه بنفسك

شوف نقص بالزيت مافيه الى حد الآن
السياره ماشي عليها 2000 كيــلو ومازودتها شي
والمعيار مضبوط مو ناقص
اذا تلمح للصرفيه ماضن
بس قل هل وجه الراس سالم من الشعر او لا

عموما اسباب الكربنه بالباترول وشي ؟

[بترووول]

واجد
بس انا توقع ان عندك ضعف بالشنبر

[kmn]

الرجال يقول دخان اسود يعني كربون يعني شغل بنزين ماهو زيت
الحلول :-
1- وزن ديلكو
2- وزن بلوف وهو اللي ودي تبدأ فيه بعد 3
3- تأكد من ان اسلاك البواجي واصله صح

[بترووول]

الرجال يقول دخان اسود يعني كربون يعني شغل بنزين ماهو زيت
الحلول :-
1- وزن ديلكو
2- وزن بلوف وهو اللي ودي تبدأ فيه بعد 3
3- تأكد من ان اسلاك البواجي واصله صح
علا العموم انشوف

[حر ((قصاص))]

سبق ان حصلتلي نفس المشكله في باترول 97 بخاخ نفس مشكلتك بالضبط غيرت الكمبيوتر وحساس الهواء
(الكمبيوتر 800 ريال من التشليح والحساس 1200ريال جديد )السعر غالي لاكن الحمد لله ارتحت بعدها
لتمنى انك تتاكد عند ميكانيكي متخصص قبل تغير اي شي ،،،تقبل تحياتي،،،

[sarab88]

هذا طال عمرك يبيلك تغيير جلد بلووووووووووف بس لاغير ويعطيك العافيه وتقبلوووووووا مرووري

[عبدالاله 123]

غير فلتر الهواء قبل كل شي وتاكد
صارت معي وغيرته واختفت الكربنه

[K.S.A.A]

السلام عليكم ورحمة الله وبركاته
قبل أبدأ بطرح معلوماتي أحب أوجه تحياتي لأخوي kmn
اللي ميكانيكي صح
أنا عندي يقين 99 % أنها من البخاخات
وخذها قاعده في جميع السيارات
دخان أسود من البنزين
المكينة والراس والصدر مالها دخل
شيك على البخاخات والبواجي ..
تقبل مروري ..

[جمس الشمال]

طيب ياشباب الله يقويكم ومشكورين ومثل ماقلت
انا قلبي ناغزني انها ماهي كربنه
الميكانيكيا الي عرضت عليهم المشكله بالصناعيه
2 قالولي جلد البلوف
وواحد قال جلد البلوف احتمال وارد لاكن الاغلب ان الشنبر عندك تعبان

وانا معلوماتي عن الشنبر على قدي
شرايكم انتم الشنبر وش حلوله وش مضاره
مع ان السياره زيتها ماحسه ينقص ابد
وعزمها تمام التمام

[جمس الشمال]

يــــــــــرفع

[ابوارياف]

هاذي المشكله حصلت عندي سيارتي نيسان م99 بخاخ قير عادي غيرت جلد البلوف وتمام التمام الله لايغير0

[كديان]

رحم الله والديك و ش هالنصابين اللي يقولون شنبر و ماشنبر و توضيب مهزلة
لا تاخذ بكلام احد بخصوص الزيت
اذا مشى الموتر 5000كيلو عاير الزيت

بعدين الدخان انواع

دخان ابيض عند تشغيل الموتر في الصباح هذا جلد بلوف و تراه ماتضر و هالدخان موجود بالباترول و الفكسار و الجيكسار

دخان ازرق يظهر باستمرار و هذا تلاحظه بالمواتر الكسر القديمة مثل الددسن او الفورد فهذا شنبر زيت و تحتاج توضيب

انت عندك مشكلة باحراق البنزين ما يحرق 100%
و هذا دخان اسود
عدم توقيت الديلكو 100% لازم احد خبرة يوقته صح و رح لم سعودي ثقة و لا تقرب الاجنبي العربي ابد
و ان امكن هندي شاطر
ايضا انسداد فلتر الهواء تكب البخاخات بنزين على حسب الهواء نسبة و تناسب
خلل بمنظم الهواء
تاكد من عدم انشقاق خرطوش الهواء
و البواجي و الاسلاك لازم تكون اصليه عشان تكون الشرارة ممتازة

وبيني و بينك صرفية موترك ممتازة جدا و لا تنسى ان تماتيك
و معروف عن التماتيك انه اكثر صرفية من القير العادي

اعانك الله

طيب مر على ورشة التركي تخصص باترول

[أبو شيبة]

تأكد إن البخاخات نظيفة وتفحص ليات الهواءبعدين الدخان الأسود ماله دخل بالشنبر ولاجلد البلوف

[جمس الشمال]

الله يعافيكم على ارائكم
انا مثل ماقلت لكم الدخان مايظهر من الشكمان الا لين ادوس بنزين والسياره واقفه
بالبدايه يطلع دخان بسيط ازرق
على حسب السياره ووقفتها كل ماطولة واقفه شغاله كل ماكان اكثر
بعدها ينقطع الدخان الازرق ومهما ادعس مايطلع شي

اليوم غيرت الفلتر حق الهواء وجبت اصلي

الميكانيكيه محتارين مابين جلد بلوف ومابين شنبر
مشكلة الكهرب والديلكو مامريت على كهربائي
بس ما اشكي من شي من ناحية العزم والموتر وضعه طبيعي جدا

هي مشكلة هالدخان ابي اتأكد من مشكلة الشنبر هل في طريقه ؟

[جمس الشمال]

ياشباب الموضوع له شهرين وزياده
انتم تقرون الموضوع وتتركون الردود

انتهت سالفة الدخان الاسود
الآن انا بلشان بالدخان الازرق هههه من جد شي محير
دخان والسياره ماشيه مايطلع
اذا وقفت السياره فترة 5 دقايق شغاله وضغطت بنزين قوه يبداء يطلع من الشكمان
وكل ماطولة واقفتها كل ماكان الدخان كميته اكثر

ومحتار بعمال هالصناعيه واحد يقولي جلد بلوف والثاني يقولي شنبر .؟

[اسدهم]

اخوي شيك ع البنزين ممكن زايد البنزين عن الهواء
عموم شيك علا اسلاك وليات
وغسل الثرتل

[يريور عيمان]

مكينتك محتاجه توضيب
هذا خلاصة الموضوع

[كديان]

اخوي جمس الشمال انت تخلي الواحد يزعل الله يهديك
يعني الواحد يتعب و يجتهد بالرد و تجي تقول وش الطريقة ؟
المفروض الواحد قبل لا يكتب يقرا زين و اذا قرا لازم يفهم مضبوط و اذا فهم لازم يعرف وش يكتب
انا قلت لك اذا مشى الموتر 5000 عاير الزيت

هذي ردود من المشرف سوبر فتك



اذا كان دخان ابيض فهو جلد البلوف
يفك الراس و تغير الجلد
اما
اذا كان دخان ازرق فهو ضعف بشنبر البستم
مايجب الزيت عن بيت النار

و الاهم من هذا كله
اذا مشيت بالموتر 2000كيلو
عاير زيت المكينة
اذا كان ناقص علبة او اقل
فلا تلمس المكينة

اذا مشى الموتر 5000كيلو
عاير الزيت و شف كم ناقص

و لازم تصلح الصوفة اللي تهرب

تاكد من عدم وجود تهريبات
في وجه الكرتير
تهريب من الصوفة اللي بين المكينة و القير
تهريب من وجه الصدر
تهريب من وجه كرتير المكينة
تهريب او تندية من نفس الصرة
تهريب من وجه غطاء الاديتر

بعدين لو موترك يصرف زيت او المكينة منتهية
كان وانت تمشي
تحصل خلفك سحابة زرقاء طول مانت ماشي
و في هذه الحالة
يسقط له شنبر فقط
مع التشييك على راس المكينة
من ناحية عدم وجود شعر او صنفرة بلوف اذا لزم
خصوصا اذا كان هناك تفة

السرعات العالية تخلي الموتر يصرف زيت
حتى لو هو جديد

الدوس المفاجئ و السرعات العالية تبخر الزيت






اذا مشى الموتر 5000كيلو
عاير الزيت و شف كم ناقص





تاكد من عدم وجود تهريبات
في وجه الكرتير
تهريب من الصوفة اللي بين المكينة و القير
تهريب من وجه الصدر
تهريب من وجه كرتير المكينة
تهريب او تندية من نفس الصرة
تهريب من وجه غطاء الاديتر



بعدين لو موترك يصرف زيت او المكينة منتهية
كان وانت تمشي
تحصل خلفك سحابة زرقاء طول مانت ماشي
و في هذه الحالة
يسقط له شنبر فقط
مع التشييك على راس المكينة
من ناحية عدم وجود شعر او صنفرة بلوف اذا لزم
خصوصا اذا كان هناك تفة



السرعات العالية تخلي الموتر يصرف زيت
حتى لو هو جديد



خل الموتر يشتغل لمدة 10دقائق خصوصا الظهر
بعدين دس بنزين دوسة وحده اذا طلع دخان ابيض فهي احتمال جلد بلوف
و تاكد من عدم وجود تهريبات بالمكينة سواء كرتير الزيت او صدر المكينة او الصوفة اللي بين القير و المكينة



جرب حط زيت الترا سفن 50 20 :good:
و عاير الزيت بعد 2000 كيلو
و افضل مقياس ب5000كيلو
و لاتنسى السرعات العالية تخلي الموتر يصرف زيت






الله يطعمك من خيره ويكفيك شره
اهم شي اذا غيرت الزيت صفر العداد
اذا مشى الموتر 5000الاف عاير الزيت و علمنا بالنقص
و لو افترضنا ان نقص الزيت عندك شديد او مستمر
كان تولع لمبة طرمبة الزيت للدلالة على ان هناك نقص في الزيت


افاده يا اهل الدمام( تغيير جلد بلوف بدون فك الراس) - منتديات مكشات (http://www.mekshat.com/vb/showthread.php?t=285036)







حياك اخوي
خل الموتر يشتغل 10دقائق خصوصا الظهر
همن دس بنزين دوسة وسط
اذا طلع دخان ابيض فهذه جلد بلوف
يفك الراس و تغير الجلد
احيانا اذا شغلت الموتر و هو بارد الصبح
يطلع دخان ابيض
اهم شي
اذا مشى الموتر 2000كيلو عاير الزيت
اذا كان النقص حول النص علبة
فلا تلمس المكينة
تاكد من عدم وجود تهريبات في
وجه الكرتير و وجه صدر المكينة و الصوفة اللي بين المكينة و القير
و وجه غطاء الراس
و قد يكون سبب النقص
جلد بلوف او ضعف بسيط بشنبر البستم






خلاصة الكلام
و على مسؤليتي و تاكيد راعي ورشة خبرة لو ينعدمن جلد البلوف نهائيا تقدر تمشي عليه 5000الاف و ماعندك مشكلة لدرجة ان الموتر يمشي معك فوق ال100 و ال200كيلو و لا راح تتاثر المكينة و ان بغيت رقم الميكانيكي السعودي تاكد منه فعلمن طبعا لو كان فعلا منعدمات راح ينقص من علبة الى علبة و ربع و ماتضر اطلاقا
اهم شي ان الواحد مايمشي سرعات عالية 160و طالع لان السرعة العالية تحرق الزيت
انا انصحك لا تفتح ابواب مسكرة على نفسك دام الموتر ماقال شي لا تلمسه
مواتر ماشيه 300 و400الف و لاتاثرن على الرغم من ضعف جلد البلوف و ضعف بسيط بالشنبر

[كديان]

مكينتك محتاجه توضيب
هذا خلاصة الموضوع

عجيب امرك توضيب مرة وحدة الله يهديك و يصلحك قل امين

[جمس الشمال]

عساكم على القوه يا إخوان
غيرت فلتر الهواء ونصحني ميكانيكي احط زيت ستوب
وحطيته علبة 100 ملم

الدخان الآن ازرق اذا وقفت السياره 5 دقايق شغاله
وجيت ادعس بنزين يطلع بالبدايه
واذا استمريت الدعس يختفي

الميكانيكي يقول شنبر وتكلفته 3000 ريال مع شغل اليد

والميكانيكيا الثانين يقولون جلد بلوف


الآن الي ابي اعرفه الشنبر هل يضرني بشي
لو استمر على السياره سنه مثلا ؟
هل في مشاكل غير نقص الزيت البسيط وريحةة الاحتراق ؟

لان العزم الحمدلله تمام التمام
هل في امور للصيانه تنصحوني فيها ؟

[خالدk]

الرجال يقول دخان اسود يعني كربون يعني شغل بنزين ماهو زيت
الحلول :-
1- وزن ديلكو
2- وزن بلوف وهو اللي ودي تبدأ فيه بعد 3
3- تأكد من ان اسلاك البواجي واصله صح
ديلكو الوكاله لاااااااااااااااااا احد يلمسههههههههههههههه