ياشباب الطير موااات لحقوووو

[AK-VTC]

السلام عليكم
كيف حالكم شباب
اندش بالموضوع على طوول طيري جير حر صارله 9 ايام ماياكل وانا اقطعله قطع صغيره وادعس في بلعومه والطير كل يوم يضعف زياده وماكو مكان ماوديته وفحصت مرش ومنظار يقولولي الطير مافيه شي وصارله 3 ايام عينه ملتهبه وماكو دوا ماجربته (aprretex,قلاع,فيتامين,امبسلين,نوع اخر من المضاد الحيوي)ماكو فايده والطير موااات اللي عنده معلومه يقدر يفيدنا لا يبخل علينا والطير قاط راسه على صدره

[مشبر البران]

يمكن من كثر الأدوية الي تعطيهياه جاه تسمم بالدم
جرب ربع سمانة مع شوي حليب بالخلاط وفص ثوم بعد وجبتة وحاول ما تكثر عليه العلف
اثبت على العلاج من اسبوع الى 3 اسابيع
لا عطيتة علفة عطة فص الثوم زي ما تعطيه الحبوب
ولا لاحظت الطير رجع للصحتة داوم على العلاج 4 ايام ثم وقفه
وترى الثوم مفيد للألتهابات
ملاحظة: طريقة العلاج منقولة من منتدى آخر
والله يشفي طيرك

[صقر البحرين]

و عليكم السلام

يمكن انك مقصر معه في الماء
الماء مهم جدا اذا الطير صاده نقص في الماء من الطبيعي ان يتوقف عن الاكل

الله يشفي طيرك

[المفادي]

الحق على طيرك وده المستشفى لاتتأخردقيقه
لايلحق طير ترى طير ماأبطاصابته نفس أعراض طيرك وقعدثلاث أيام ومات

[ابو عادل SS]

يمكن عين والعين حق اذا مافيه اسباب لامراضه

[صقار قديم]

ذوب فص خيل ( حبتين ) بقدر حجم حبة القهوه في ٣٠٠ مليليتر ماء و اعطه منها ٢٠ مليليتر ٣ مرات في اليوم حاول تقديم بعض قطع العلف بعد ساعه و نصف من اعطاء العلاج على الاقل ولا تخلط ادويه اخرى و الله الشافي


مع التحيه×

[المفادي]

ذوب فص خيل ( حبتين )
أخوي صقار قديم
وش فص خيل
أرجو التوضيح للفايده

[شلهووب]

اخوي دوود

[الطبشي]

الماء لا تنقصه على الطير

وثاني شي تأكد من عدم وجود قلاع داخلي
والثالثه تأكد ان الطير مافيه سدد في فتحه الهواء
من المنخر الى داخل منسر الطير العلوي اي في لهات الطير مباشره
هذايسبب التهاب في العين
وعدم رغبه الطير في الاكل
والعلاج
مثل ماقالو الربع
اول شي تسقيه الماء
ويكون مكان الطير دافئ
والثوم مع العلف
واقطع الادويه لمده يومين
وحط قطره بروزولين في مناسم الطير
قطره واحد لاتزيد
؛؛؛؛؛؛؛؛؛؛؛؛؛؛؛؛؛؛؛؛؛؛؛؛
والله يكون في عونك

[قرناس شماالي]

الماء لا تنقصه على الطير



وثاني شي تأكد من عدم وجود قلاع داخلي
والثالثه تأكد ان الطير مافيه سدد في فتحه الهواء
من المنخر الى داخل منسر الطير العلوي اي في لهات الطير مباشره
هذايسبب التهاب في العين
وعدم رغبه الطير في الاكل
والعلاج
مثل ماقالو الربع
اول شي تسقيه الماء
ويكون مكان الطير دافئ
والثوم مع العلف
واقطع الادويه لمده يومين
وحط قطره بروزولين في مناسم الطير
قطره واحد لاتزيد
؛؛؛؛؛؛؛؛؛؛؛؛؛؛؛؛؛؛؛؛؛؛؛؛
والله يكون في عونك



:good::good::good:

[صقار مبتدئ511]

يفيدونك الاخوان