هل تزيد عشرين ألف من أجل المظاهر بالسيارة - أكسسوارات

[gxr2001]

بسم الله الرحمن الرحيم


أبدخل بالموضوع مباشرة ما شدني لكتابة الموضوع كثرة الكلام و المقارنة بين سيارات
تويوتا على الدوام كما في الموضوع التالي :



السلام عليكم ورحمة الله وبركاته وكل عام وانتم بخير
أخواني الاعزاء أود منكم وبالاخص من له معرفة ودراية في الاسعار ومعرفة الفروقات والمواصفات وأبداء النصيحة لله والمشورة
ماهو الفرق بين وارد اليحي والبازعي وجميل خصوصا في الجي أكس أر2011
لانني أنوي وبمشية الله قبل كل شي شراء جي أكس أر 2011 ولكن توقفت عند الفروقات والفئات والتباين في الاسعار واصبحت وامسيت في حيرة من أمري
اولا ذهبت الى البازعي فوجدت سعر الجي اكس ار 8 سرندل 238الف علماً بانه ليس
لديهم تعدد في الفئات حسب ما ذكروا لي
........
ثم اتجهت الى اليحي فكان السعر مختلف تماماً ولكن عنده فئتين أعلى فئة بسعر215الف
اما الفئة الاقل كانت بسعر 209الف
--------
وأخيرا ذهبت الى عبداللطيف فكان السعر كالتالي:
الفئة رقم 1 بسعر 189500
الفئة رقم 2 بسعر 196500
الفئة رقم 3 بسعر 194500

ماهو الفرق وايهما افضل بدون فتحة او بفتحه
علما بانني سمعت بان البازعي واليحي مواصفاتهم خليجية ولكن بينهم أختلاف كذلك

أفيدوني وأعطوني الفروقات بالتفصيل الممل جزاكم الله الف خير والنصيحة المثمرة


على الرابط :
http://www.mekshat.com/vb/showthread.php?t=354013


أقول الكثير و للأسف لم يتوقف على صغار السن التأثير بقول البعض الاكسسوارات أصلية


يا عزيزي إذا أنت تبي تدفع زود محد يلومك و لا يردك لأن كل حر بماله لكن من باب النصح .
المكينة و القير و البدي واحد بل و أكثر من ذلك .
و من الغريب أنها محصورة أقصد الاكسسوارات فيقول الجنط و ما أدري أيش .
أي أن الفرق متفق عليه أكسسوار فقط !


عندنا القصيم عند البيع السعودي أرغب من الخليجي هذا في موديلات 2008 فما فوق
كما أنه عند المشترى أقل بالسعر و أكثر مواصفات .
في النهاية عندي سؤال
كيف تزيد بمشتراك 20000 عشرون ألف عن السعودي في حال الجديد و إذا بعت وجدته أقل قيمة و بالتالي أقل رغبة من السعودي ؟

[دواك عندي]

كلامك جميل اخوي جي اكس آر زياده عشرين الف على شوية اكسسوارات صينيه
ازيد بالسياره على شي يسوى مثل ونش او دفلك اما اني ازيد علشان شاشه ولا تخشيبه ولاعلشان جنوط معصي:D

[قطب 999]

ما يصح الا الصحيح غير شد المصنع ابعد عنه

[سرطوقا]

فيه أشياء مهمه تطلب عند شراء السياره ، لكن اللي مغنيه ربي يبي يشتري اللي يرغبه

شكرا على الموضوع :)

[SIF]

تبي الصدق أنا أخوك

سيارة فوق 100 ألف مبالغ فيها وماعندي نية أشتريها لو أملك ملايين
ترى الدعوى وسيلة نقل في المدينة والسفر والبر

أقل من 100 ألف تجيب لك
سفاري 2007
يوكن 2008
تاهو 2008
تويوتا 2004

مواتر قوية ونظيفة ومتينة وفحص الورشات الكبرى ماخلى شيء ب 300 ريال من الشمعة إلى الشمعة

=============

وهناك فكرة اخرى تشتري سيارة سيدان جديدة أو شبه جديدة ب 60 ألف أو أكثر
وسيارة خاصة للبر ب 20 أو 30 وتكرفها كرف ولاتخاف عليها من حك القشع ومطامر النفود


أما أدفع فوق 100 معصي معصي معصي
وكل بعقله راضي

[Oky]

يقولون :
- الناس فيما يعشقون مذاهب.


الانسان احيان يصرف على اشياء ولو فكر فيها قليلاً لما وجد لها داعي .
مثلاً :
بعض الناس يصرف على رحلة أو سفرة الى الخارج أو الداخل وتكلفه مبلغ من المال ليس بالقليل
ولكن يقول من أجل اجدد حياتي وابسط عيالي مايهم المبلغ ،، وآخر يراها صرف بدون داعي لانها ليست من الضروريات يقول : ممكن اتمشى ألى البر واخذ ذبيحتي يومين في البر وكلها ماتكلفني 1500 ريال وسمع الله ولمن حمده .

وواحد ياخذ سيارة جيب ويجهزها بكل جهاز الرحلة البرية ويخيم لمدة اسبوع اسبوعين
لوحده ( أقصد بدون أهلة ) وكم تكلفه هذه السيارة وكم تكلفه الرحلات البرية ولكن يقول من أجل ابسط نفسي ومع رفقتي تسوى عنده الدنيا ومافيها ولايفكر كم تكلف .
لكن وأحد يقول له : لو انك صرفتها فيما يفيدك انت وأهلك ، قاعد تفاحط في ذا البران والشعبان ومن مكان الى مكان اهلكت سيارتك ووقتك ومالك بدون فايده ولو طلب منك فقير زين اذا أعطيته 10 ريال ويمكنك متكاثرها عليه ( هو الي يقول ماهو أنا )

ولكن الناس فيما يعشقون مذاهب
واهم شئ لاتصرف فلوسك في حرام ويمكن هذا الحرام يضرك أكثر ماينفعك أو يبسطك .

[abo_hoor]

يعطيك العافيه اخوي العزيز على هالموضوع

موضوع مهم جداا ومفيد للنقاش فيه من جميع الاخوه

انا عن نفسي بتكلم ماحب ادفع بالكويتي 2000 دينار او اقل علشان اكسسورات ماله داعي
احط فلوسها بشي ينفعني وينفع عيالي او احطها مقدم للسياره
انا شريت في سنة 2007 اوريون درجه ثانيه قالولي تبي شاشه قلت لا تدري كم سعرها 600 دينار كويتي
على شاشه قالولي تبي فتحة قميمتها 400 او اكثر شوي قلت مابي يعني لو اخذهم بجم تبي تطلع سياره
هي وسيلة نقل شنو بقعد فيها يوم كامل
وعاد وجهات نظر تحتلف وانا احترم جميع وجهات النظر

[JAS JAR]

يعيطك العافية ماقصرت

[علي عليوه]

أخوي gxr

الموضوع من بدايته جميل وهادي ومشكور على طرحه

لكن أنا بصراحة أختلف معك في عدة أشياء وأتفق في البعض الآخر

أولا نبي الاكسسوارات اللي تقصدها وش هي وإن حصل بالتفصيل وراح نفصل بالرد

والله الموفق

[gxr2001]

كلامك جميل اخوي جي اكس آر زياده عشرين الف على شوية اكسسوارات صينيه
ازيد بالسياره على شي يسوى مثل ونش او دفلك اما اني ازيد علشان شاشه ولا تخشيبه ولاعلشان جنوط معصي:D




:good2: و نش أو دفلك :good2:

[راعي طفات]

الي معه قرش محيره يشري حمام ويطيره

وكلن يمد رجوله على قد لحافه

[ابوناهض.]

اول شي ياخي ابو جميل يركبلك صيني ومايصبر معك اما البازعي واليحيى شد بلد وراد اليابان يصبر معك

[gxr2001]

ما يصح الا الصحيح غير شد المصنع ابعد عنه


أخي الكريم لا نتكلم عن مكينة أو قير أو بدي أو حتى شاسيه نتكلم كما في رأس الموضوع عن كماليات :
جناح - مسجل - تخشيبة ....


فما هو التأثير الحاصل على كونها من عبد اللطيف جميل .

[عاشق الماركيز]

وانا اخوك فيه ناس يهمهم المضهر والتفاخر فيقولك اباخذ احس نوع من الجيوب واعلى فئه والى اكثر الناس الفاهمه تلقاه مايعترف بالاكسسوارات لاان المكينه وحده والقير واحد وواداء السياره واحد ادفع فيها عشرين الف زياده ليه ولو تهمك الاكسسوارات الله يسلم الغرابي كل الي تبيه مايكلفك اربعة الاف ريال اوما ادفعها لعبد اللطيف جميل والله ان يبطي

[ربع 2009]

انا لا اتفق معك في هذا بدا ...

الجيب عند عبداللطيف جميل غير اللي يجي شد بلد من الوكاله ,, مثل اليحيا اوالبازعي حتى ولو كان اكسسوارات ..

وانت تحس الاكسسوار كلام فاضي ؟؟

اذا كنت تعتبر زينة الموتر ومنظره مالها قيمه !!! (( الاكسسوارات )) انا عكس كلامك
انا اذا شفت اللي دافع 190 الف وبخل على نفسه يدفع 20 الف و هو قادر ياخذ شي طيب وكامل ومكمل ما عنده ذووق

لأن الاكسسوارات هذي تعطي للسياره رونق وجمال ..

ليش حنا نحط بيوتنا حجر ورخام وفيه بلاط وبويه تأدي نفس العمل ؟؟ لأننا نبي الذوق والشي اللي عمره طويل

وهذي الاكسسوارات اللي عند عبداللطيف جميل ما تعيش ومنظرها بايخ ما فيها ذوق ولا منظر وحتى عمرها اقصر



اتمنى ان كلامي واضح يا عزيزي والاختلاف في وجهات النظر لا يفسد للود قضيه