قصيدة معاق

[مجرب الزمن]

بســــــــــــــــــــــــم الله الـرحـمـن الـرحـيـم

ادارة واعضاء وزوار منتديات مكشات
السلام عليكم ورحمة الله وبركاته

اول مشاركه لي معكم
انقل لكم هذه الابيات وهي لواحد معاق قدر الله عليه بحادث مروري ووجدت
هذه المشاركه له في احد المنتديات وابكتني الحقيقه ووجدت له عدة
قصائد رايح انقلها لكم ان شاءالله وفيه قصيده له موجهها للمعاقين
رايح انقلها لكم كذلك00 وهذه مشاركته في احد المنتديات
قصيده من مجلدي الخاص تعبر عن بما فيها عندما عرفت
بأنني سوف اصبح غير قادر على المشي بل معاق بشلل رباعي
والحمدلله الان شلل نصفي وكما قيل النفسيه نصف العلاج والايمان
بالله والرضأ بالقدر خيره وشره هو العلاج الفعلي والحمدلله يماني كان
قوي جدآ وكان الكثير ممن يزورونني والله انهم يبكون وانا والله كنت
اضحك واشر لهم با اصبعي يعني اقول هذا قضا الله وقدره لانني كنت
لا اتكلم لان فيه فتحه اسفل الرقبه واكثر المعاقين مروا بهذه الفتحه
========================================

البـارحـه ونـيت مـن حــر مـابي=ونـت مـريـضـآ بالـسـرطــان عـزوه
او ونـت اللي يـوم قـصـه يـجابي=مـظـلــوم تـذرف دمعـته يـوم جابـوه
من ماجـرالي هـم قـلـبي سـرابي=وصبحت مثل اللي على الجمرحطوه
انا اشهـدني منعطب في صـوابي=مــن يـوم دكـتـور العـنا قـال واسـوه
قـال الشلل مـربـوع فـيه العـيابي=قـولـولـــه إيــنــشــد هـلـه ون زاروه
وضيعت من كثرالهـواجيس بابي=وفـتـحـت بـابـآ للعـرب يـوم صكـوه
شكــواي للي عـالـمآ في مـصابي=الـواحــد المــعـبـود خـلـقـه تـرجـوه
شـكـواي لـله يـوم هـمـي غــدابي=ربي يـصبـرني عـلى كـل ماطـروه


عيسى محمد
--------------------------------29---------------------------------

[عناز الحره]

شكــواي للي عـالـمآ في مـصابي
الـواحــد المــعـبـود خـلـقـه تـرجـوه

يالله انك تشفيه وتقومه بالسلامه فأنه لايعجزك
مشكور اخوى فعلا" قصيده محزنه
وننتضر بقية القصائد
ومرحبا" بك كعضو جديد بيننا

[محمد الظاهري]

بارك الله فيك
وحياك الله في مكشات
اول مشاركه تظهر ابدعاتك
والله يشفي عبده
ويشفي جميع المسلمين
تحياتي لك ياغالي
اخوك

[قزيزالنعام]

الله يشفيك ان شالله مرحبا بك بين اخوانك

[عيسى عبد الله]

الله يشفيه ويجعلها تكفير ذنوب ويشفي كل مسلم ويقدره بما صابه
تحااااااااتي

[مجرب الزمن]

عناز الحره + محمد الظاهر+ قزيز انعام+ عيسى عبدالله

شاكر لكم مرورك العذب يالنشاما

[راشد المخلفي]

الله يشفية الشفاء العاجل موضوع وقصيدة محزنة عيسى محمد انت ولا كاتب القصيدة

[مجرب الزمن]

راشد المخلفي
الله يعطيك الصحه والعافيه وانا قريب جدآ لـ عيسى محمد

[فهد الهلالي]

هلابك ياخوي مجرب الزمن
ارحب فيك اجمل ترحيب في خيمه السوالف الشعبيه
ونتطلع الى مشاركاتك ومواضيعك في نشر السالفه والقصيده في هذه الخيمه
على ان لاتكون قصيده بدون قصه (سالفه) لها
لذلك ارجوا عدم نشر القصيده بدون قصه في هذه الخيمه


وتقبل تحيات
اخيك المشرف

[مجرب الزمن]

هلابك اخوي فهد الهلالي

اشكرك على التنسيق للقصيده عافاك الرحمن
وابشر ولا يهمك اي قصيده اضعها هنا سوف
تكون بقصيده اهم شي تراي ماعرف انسق القصيد