المساعد الشخصي الرقمي

مشاهدة النسخة كاملة : نصيحتكم ياهل الخبره عن تكلفة تركيب قير باترول


مولع قنص
21/11/2010, 09:53 AM
السلام عليكم



قير سوبر سفاري 95 تماتيك

رحت للورشه ابي اوضب قالو يكلفك فوق 7000 ريال قابله للزياده

قلت واذا ركبت قير عادي قالو يكلفك 4120 ريال


ولكن قالي الميكانيكي في حائل يكلفك قير تماتيك 1500 ريال مع التركب

وفي القصيم يكلف عليك القير عادي تقريبا 2500 ريال


هل هذا الكلام صحيح ووين احصل القير ومن اللي يركبه اي ورشه تنصحوني فيها ؟
moafaq999
21/11/2010, 01:13 PM
هلابك اخوي مر التشاليح وتحصل الخبر عندهم و7000 توضيب قيمة مبالغ فيها
خذلك قير تماتيك نفس قيرك القديم من التشليح افضلك اترك عنك الترهيم مافي مثل شد البلد الوكاله
مولع قنص
21/11/2010, 08:00 PM
والله يا خوك مدري عنهم

وبالنسبه للقير التامتيك واحد نصحني يقول لا تاخذه تشليح لانك ما تضمنه


وبالنسبه للقير العادي حسب كلام المهندس ان الجيوب الباترول نوعية جيبي مصممه على انها تتحول عادي وتماتيك بدون اي مشاكل


والله اعلم

انا ابي نصيحة اخ لأخوه اللي عنده علم لا يبخل علينا
الوسام الذهبي
21/11/2010, 11:06 PM
انا معي موديل 90 تماتيك ... وتروادني نفسي اغيره عادي بس متردد وخايف من مشاكله بعد التغيير ..

لكن اذا هذي اسعاره ماني مغيره
كلاسيكو
21/11/2010, 11:19 PM
عندك في بريده ورشة محمد الصمعاني موقعه بالتشاليح
سئلته عن تغيير قير الاتوماتيك لعادي قال بيكلف 3000 الاف تقريبن
بس بصراحه انسان منصح وثقه

واكيد بتحصل قير لموترك اذا بغيت نفسه اوتوماتيك او تشاوره بالي في بالك
وهذا جواله بعد اذن الاداره اذا حبيت تستفسر منه وحط في بالك انه دايم مشغول لو مارد مره كرر الاتصال من كثر الزباين ماشاء الله
0500241000
بترووول
22/11/2010, 05:30 AM
نصيحه غيره عايدي
لن التماتيك حق البترول فاشل مشاكله كثيره
والعايد قوي من جميع النواحي
حر ((قصاص))
22/11/2010, 03:15 PM
اخي الكريم كان عندي باترول 94تماتيك وتعطلت كلتشات القير وسالت عن توضيب الكلتشات قالولي تكلف 4200ريال وسالت عن تحويله الى قير عادي قالولي 3000ريال محول من الى مع الديكورات وازالة بقايا قير التماتيك من اسلاك وحساسات فركبت القير العادي وجلس عند الورشه 10 ايام بالضبط واتصلو علي وماشالله لم اشتكي من شي ابد مع ضمان شهرين (طبعا 3000 مع الرجيع)،،،تقبل تحياتي،،،طبعا كل هالكلام في تشاليح بريده وتتفاوت الاسعار ومدة الضمان علما ان السالفه قبل5سنوات،،،
الوسام الذهبي
22/11/2010, 08:08 PM
نبي محلات في الرياض يالربع
مولع قنص
22/11/2010, 11:10 PM
والله يا خوان اني تحيرت بهالسالفه

الان الفني يقول السياره توقفها الصباح وتاخذها الصعر جاهزه ونغير لك القير الى عادي بس الله يعينك بالنسبه للديكورات تروح عليك ونسوي لها تنجيد
كلاسيكو
24/11/2010, 12:24 AM
نبي محلات في الرياض يالربع

فيه ورشة اسمه باترول بصناعية الملز وصاحبها سعودي ومعه عماله اجنبيه تعاملت معاه الولد منصح وجيد
جواله بعد اذن الاداره عسى الله ينفع فيه
0504209258

تحياتي