المكيف يدخّل هواء من برى لاندكروزر 2008 ! + صوت طقة بالقير اول ما امشي ؟ +صوت هوب

[ضلع]

السلام عليكم

مساكم الله بالخير يا وجيه الخير


يا جماعة المشكلة الاولى في المكيف /

عندي لاندكروزر 2008 G-Limited مكيف مركزي
اذا مريت على تريله دخل علي ريحة الديزل
واذا جيت في منطقة صرف صحي ولا مكان فيه ريحة حريق ولا اي ريحة غير طبيعيه تدخل علي برضو

مع ان مكيف السيارة في خيارين (ادخال الهواء من الخارج )
الخيار الثاني ( عدم ادخال الهواء من الخارج )

انا حاطه على الثاني مع ذلك المشكلة موجودة

اكبر دليل على ان الهواء يدخل

اذا طفيت المكيف ومشيت - يدخل علي هواء مع فتحات المكيف

اتمنى اللي عنده خلفيه عن الموضوع او يعرف مكان كويس في الشرقية او الرياض يفيدنا


-- المشكلة الثانيه - لاحظتها من فتره في قير السياره ( تماتيك و عادي) نوعه تروبنيك
وهي اني اذا كنت واقف ومشيت يطلع صوت طقة من تحت ماهي قوية مرة لكنها محسوسه جداً

ما ادري وش اسباب ها الطقة يا شباب

--

المشكلة الثالثه / اذا مشيت 60 وفوق اسمع صوت في الكفرات - تقريبا صوت من الهوبات او شيء حولها - مثل الحوحره او الهوبله مع المشيء


ولكم جزيل الشكر

[سديراوي 13]

وعليكم السلام

مساك الله بالرضى

اول مشكله
اتوقع ان الباب الي يسكر الفتحه الي تدخل الهوا من الخارج فيه مشكله ما يسكر
المشكله الثانيه
اتوقع انها طبيعيه واحتياطا شف عمود الكردان فيه مشاحم شحمه وان شاء الله تروح
المشكله الثالثه
وضح اكثر عشان نفيدك

تحياتي يالحبيب

[وارد منصور]

المشكله الاولى مثل توقع الاخ سيدراوي الثانيه اتوقع صوت فحمه صحن الكلتش الثالثه الصوت الي تسمعه هو صادر من الجنوط عند الدوران مع اصتدام الهواء

[ضلع]

الله لا يهيينكم على مروركم يا وجيه الخير

ما قصرتم ( سيدراوي -وارد منصور )

اشكرك جزيل الشكر على الايضاح والافاده

[بدوي جنوبي]

الطقه يشتكي منها كثير من ملاك المفخرة

اذا كانت باقي على الضمان اتجه للشركه وخلهم يكشفون عليها
وممكن يصرفوك ويقولو طبيعي الصوت
انا اخوى معه جيب لكزس
راح الورشة ويقول انهم غيرو العمود بالكامل .


طبعا الطقه لها اكثر من مصدر
ممكن من القير نفسه
او من العمود (الصليب اقصد)

او اذا كان فيه فضاوة في تروس الكرونه

كلها احتمالات وقد تكون المشكله بسيطه

بالتوفيق

[ضلع]

يا هلا ويا مرحبا اخوي بدوي جنوبي
شرفنا مرورك يا الغالي
واشكرك على الافاده
بإذن الله اني امر الوكاله في اقرب وقت

تحية طيبة لك

[النايف999]

انا كان معي جي اكس 2008 وبعته وكانت فيه مثل مشكلت والحين الحمدلله شريت 2010 ومافيه اي مشاكل

الهوايه دايم مفتوحه وقالوا لي ناس انه من السسته حقت الباب وسبب المشكله تشغيل الهوايه وتقفيله وانت مسرع

مشكله الطقه شحمت العمدان وراحت

وبخصوص الصوت حق الهوب شيك على الفحمات لاتصير مقربه تخلص او فيه غبر عل الهوبات

وبالتوفيق

[لاندكروزر11]

مشاكل طقت القير هذى شي عادي انا نفس المشكله في لاندكروزر 2009

[ضلع]

يا هلابك يا لاندكروزر 11 - اتمنى تستفيد معي من رد النايف 999



انا كان معي جي اكس 2008 وبعته وكانت فيه مثل مشكلت والحين الحمدلله شريت 2010 ومافيه اي مشاكل

الهوايه دايم مفتوحه وقالوا لي ناس انه من السسته حقت الباب وسبب المشكله تشغيل الهوايه وتقفيله وانت مسرع

مشكله الطقه شحمت العمدان وراحت

وبخصوص الصوت حق الهوب شيك على الفحمات لاتصير مقربه تخلص او فيه غبر عل الهوبات

وبالتوفيق

يا ساتر يا النايف
عز الله انك خبرة لاندكروزر
كلامك طلع صحيح 100 %
ولا يهونون الاخوان اللي شاركوا بالصواب


-- وحتى يستفيد من يواجه نفس المشكلة :


- طلع صوت الطقة العمود يبغاله تشحيم .
- وصوت الكفرات - بسبب الفحمات على وشك تنتهي .
- والهواية يبغالها تصليح .


تحية طيبة للجميع

[سيف الظفير]

صلحت الهواية يالغالي