مسأإعده يأخوان .. بخصوص فاكم الفرامل

[a.b.m_111]

السلام عليكم ورحمة الله وبركاته ..



كيف عطل فاكم الفرامل ... ؟
وهل يوجد له اصلاح بدون تغيير الى فاكم جديد؟؟

واذا يوجد له وين احصله وين اللي يصلحونه بالرياض .

وللمعلوميه فاكم فرامل جيب باترول 98


وشإأكرين . .

ارجوا الرد .

[قناص خلاوي]

وعليكم السلام ورحمة الله وبركاته
اذا خرب باكم الفرامل يحجّر الفرامل
يعني الدعسة تكون ثقيلة ماتقدر تضغط على الدعسة ولا يمسك فرامل خير شر
الاصلاح ما انصحك فيه لانه غير مضمون
احسن شي تروح للتشاليح في صناعية العويضة اذا كنت في الرياض
وتاخذ لك واحد ياباني مستعمل ، سبق وبدلت باكم فرامل باترول 95
بـ 150 ريال بس واشتغل معي كم سنة وبعت الموتر وهو 100%
أما الجديد فسعره غالي حسب ما اذكر فوق الـ 1000 ريال .

[نهار الوقت]

بخصوص الباكم حق الفرامل يصلح فكيته من سيارتي وخذته للصناعيه وركب له ربله تجي دائريه وله سنه معي وممتاز ولاخالف .لوفكرت فيها بيخذ بكمك ويركب له جلبه ويبيعه على غيرك وعلى ذالحاله
ارجو أني أفدتك وأي سؤل حاضر

[الياسي 7]

له اصلاح ......بس لا تاخذ الا اصلي
والاسهل انك تاخذ مستعمل بشرط تشيك عليه لتاكد انه مافك ابــــداً مع الضمان

[YUKON_GMC]

كم الباكمات المستعمله مفكوكه ومجدده ... لكنها زوينه ورخيصه وتمشي الحال كم سنه
لابغيت اللي مافك خذه من سياره مصدومه بالتشاليح بشرط يبين ان مساميره عليها بوية الوكاله ولم يغير