.. يا اخوان ابي حل لكفرات اللبالون التنسيم ذبحني ..

[ابوسمرى]

السلام عليكم ورحمة الله وبركاته
والصلاة والسلام على رسول الله

يا خوان عندي كفرات باللون نوع دنلوب
وينسمن من عند الجنط كل يوم ينقصن خمس سبعه واحيانن عشره
مركبهن على جنوط هلل تجاري
قبل كانت راكبه على جنوط فكسار مكحل.
ابي الحل الله لايهينكم.

[شاهد عيان]

والله أنا عندي فكرة بس إني ماطبقتها وهي أتوقع تفيد بهذه الحالة
وهي أنك تفك الكفر عن الجنط وتضع طبقة سيليكون خفيفة جدا بالمكان الذي يكون فيه التنسيم
بس لا تكثر السيليكون علشان إذا أردت فكه يمشي معك ..

[ابوسمرى]

والله أنا عندي فكرة بس إني ماطبقتها وهي أتوقع تفيد بهذه الحالة
وهي أنك تفك الكفر عن الجنط وتضع طبقة سيليكون خفيفة جدا بالمكان الذي يكون فيه التنسيم
بس لا تكثر السيليكون علشان إذا أردت فكه يمشي معك ..
مشكور على الرد
والله لايهينك.

[كاتم الشكوى]

يوجد بمحلات الزينة بخاخ لمنع التنسيم ومتوفر بكثرة
لكن خذ الاصلي منه وكل كفر عبي فيه علبة كاملة وسعرها تقريبا 15-20
طريقة مجربة وناجحة مية مية
وفقك الله

[بوعبدالعزيز84]

وعليكم السلام ورحمة الله وبركاته
طق لك اربع تيوبات (لساتك) 900/16 وريح عمرك وانتبه يعطونك حجم 750/16 حق دينه طبعا بلف ربل لاتركب بلف حديد وان شاءالله بتنسى التنسيم

[حر ((قصاص))]

اخوي سبق ان جربيت كفرات البالون الدنلوب مع الاسف فاشله بكل المقاييس ونفس المشكله حصلت عندي مع العلم اني مركبها على باترول وذبحني التنسيم والنقص بعدها ركبت لساتك حتى انتهى عمرهن وبدلتهن بماكسس عطي الله (البالون الدنلوب فاشل بكل المقاييس علما اني وجدت عند نفس المحل ماكسس بـ320ودنلوب بـ350 فقلت اكيد ان الدنلوب افضل وركبته وندمت على تركيبه وعلى فكره ترى صناعته اندنوسي وليس ياباني وايضا الماكسس اطول عمرا من بالون الدنلوب واريح مطب في النفود ولا اتكلم الا عن تجربه شخصيه )اتمنى ان اكون افدتك ولو بالشئ اليسير تقبل محبتي واحترامي،،،