كيف اعرف سيارتي هل هي دفع امامي ا خلفي؟

[عشق التميز]

سلام عليكم

كيف اعرف السياره هل هي دفع خلفي ام امامي؟؟؟:)


طبعا الرباعي معروف انه اللي بالجيوب

انا سيارتي اكسنت 2006

لا هنتم

[محمد بن سعيد]

إذا كانت المكينة بالعرض فمعناه دفع امامي وإذا كانت بالطول معناه دفع خلفي أو رباعي وإذا عندي خطأ ارجو التصحيح من الاخوان

[faisal78]

الاكسنت على ما اتذكر انها امامي .

وان شاء الله الاخوان يعطونك العلم الاكيد

[NissaN 1990]

الأكسنت دفع أمامي من يوم صنعوها ماوردت دفع خلفي ،،،

[حجلان]

كل عام وانتم بخير

يالحبيب اذا سيارتك تمشي للامام يعني دفع امامي واذا تمشي للخلف يعني دفع خلفي:D

اعتقد جواب محمد بن سعيد صحيح والاخوه الباقين


امزح معك لاتزعل يالحبيب:good2:

[مسافر الشمال]

لو كنت بمكانك الز على اقرب طعيس واطلع بالسيارة لما تغرز وبعدين ادعس


واشوف وين الكفرات اللي يتحركن


اذا كانن الاماميات فهي امامي والعكس صحيح


مالي دخل اذا عرزت ولا طلعت :D:D

[ابو خا11لد]

يا اخوي الاكسنت دفع امامي 100%

مايحتاج تفكير...

[ن م ر]

الأكسنت دفع أمامي

وجميع السيارات الصغيره ( كامري - كورولا - يارس - التيما - صني - سوناتا - النترا - افالون - ماكسيما - ابيكا )

ومثل ما قالوا الاخوان اذا المكينه بالعرض فالسيارة دفع أمامي
وإذا المكينة بالطول فهي دفع خلفي

[كاشت وحداني]

الاكسنت من يوم صنعوها وهي دفع امامي
وزي ما قال اخونا محمد بن سعيد
اي موتر تشوف مكينة بالعرض فهو امامي وبالطول خلفي
ماعدا السوبارو شكل مكينتها طوليه لكنها دفع امامي او رباعي .

[أبو نـآيف]

اكسر الطاره يمين اقوا شي وادعس
اذا ردت بك وجه فهي دفع خلفي
واذا بتلت تدور امامي

هههههههههههههههههههههه سؤالك اليم

[مستر جمس]

اكسر الطاره يمين اقوا شي وادعس
اذا ردت بك وجه فهي دفع خلفي
واذا بتلت تدور امامي

هههههههههههههههههههههه سؤالك اليم


من جد اليم

[azozy]

اكسر الطاره يمين اقوا شي وادعس
اذا ردت بك وجه فهي دفع خلفي
واذا بتلت تدور امامي

هههههههههههههههههههههه سؤالك اليم


من جد اليم


ابسأل سؤال لية هذا الاستهزاء الرجال مايعرف وسئل سؤال اما انك تجاوب وتعطية المفيد ولا مايحتاج تجاوب

[التعـ King ـديل]

الاكسنت دفع امامي

لكن اختبار اي سياره سهل جدا لمعرفه انها امامي او خلفي او رباعي

عشق السياره وادعس بقوه اذا فرت الكفرات الاماميه اسرع مع الخلفيه فهي امامي

والعكس صحيح اذا فرت الكفرات الخلفيه اسرع فهي دفع خلفي

الرباعي يوضح معك فزته متساويه

[كثير السؤال]

لف الطاره يمين او يسار لاخر شي وادعس يبي يبوش بك الكفر اللي قدام يعني كذا امامي

[عشق التميز]

يعطيكم االعافيه يا شباب على الردود


بخصوص الناس اللي يسستهزؤن الله يسامحكم :(


انا مره ما اعرف شئ بالسيارات :D ابد عشان كذا سألتكم وممكن اسألكم اسئلة في الايام الجايه:p

[WRWRWR]

ههههههههههه
هذا سؤال صعب مالك الا الوكاله هم يفيدونك
الله يكون في عونك

[بدوي جنوبي]

ابسأل سؤال لية هذا الاستهزاء الرجال مايعرف وسئل سؤال اما انك تجاوب وتعطية المفيد ولا مايحتاج تجاوب

اخى عزوز
ما يمنع الدعابه في الموضوع بيننا في حدود الادب
الا اذا كان صاحب الموضوع ما يحب المزح شيئ ثاني
ممكن نحذف الردود .


عموما
بدون تفيحط
وبدون ما تفتح الكبوت
او تطعيس
انظر للاسفل السياره من الخلف اذا وجدت دفرنس خلفى
اعرف انها دفع خلفى ..

او تشوف عمود الدوران تحت السياره

واذا ما تعرف الدفرنس او العمود
ابشر بالصور

بالتوفيق

[التعـ King ـديل]

اخوي بدوي جنوبي خله يفحط ويطل بالكبوت منها يستانس ويغير جو ويتعلم :)

[كثير السؤال]

انا اعرف اثنين مايعرفون بالسيارات ابد وواحد منهم مايعرف اساميهن وصناعتهن والثاني اهون

طبعا له مجال ثاني ماحد يطلع عليه بمجاله

[عشق التميز]

اخى عزوز
ما يمنع الدعابه في الموضوع بيننا في حدود الادب
الا اذا كان صاحب الموضوع ما يحب المزح شيئ ثاني
ممكن نحذف الردود .


عموما
بدون تفيحط
وبدون ما تفتح الكبوت
او تطعيس
انظر للاسفل السياره من الخلف اذا وجدت دفرنس خلفى
اعرف انها دفع خلفى ..

او تشوف عمود الدوران تحت السياره

واذا ما تعرف الدفرنس او العمود
ابشر بالصور

بالتوفيق
يعطيك العافيه

عرفت السالفه وكل شئ:D

[أبو نـآيف]

يعطيكم االعافيه يا شباب على الردود

بخصوص الناس اللي يسستهزؤن الله يسامحكم :(

انا مره ما اعرف شئ بالسيارات :D ابد عشان كذا سألتكم وممكن اسألكم اسئلة في الايام الجايه:p



انت اامر وحنا نطامر :D

[سراي-01]

دفع امامي ;)

[كاشت وحداني]

تعليقا على الموضوع
لاتلومون الرجال يوم يساءل
انا اعرف شخص كبير سن شوي قسما بالله حتى شئ اسمه فحمات وبواجي ما يعرف
وهو موليني انا شخصيا موضوع سيارته واصلا سيارته هو اللي معطيني الفلوس وقال اشتر لي موتر كويس وبس
لا حدد نوع ولا ماركه اهم شئ يشغل ويقضي مشواره ويرجع بس واستخدامه هادئ جدا جدا جدا يعني الل بيشتري موتر بعده كسبان .
فاخونا صاحب الموضوع بعذره
بالنسبة لرد اخونا الامبراطور تراه صادق
الدفع الامامي يدز بك قدام والكفرات لافه يمين او يسار بين الدفع الخلفي يرد بك وجه اذا ما دركتها بالطاره .

[أبوحمد 505]

الأكسنت دفع امامي

والدفع الأمام في نظري افضل من الدفع الخلفي

[عاشق الكابرس]

الاكسنت امامي
وذ تبغ تميز بين الخلفي والاممي مكينت الاممي بالعرض والقير بالعرض والخلفي المكينه والقير بالطول ويجي فيه الدفرنش

[عبدالرحمن1980]

الاكسنت دفع امامي

لكن اختبار اي سياره سهل جدا لمعرفه انها امامي او خلفي او رباعي

عشق السياره وادعس بقوه اذا فرت الكفرات الاماميه اسرع مع الخلفيه فهي امامي

والعكس صحيح اذا فرت الكفرات الخلفيه اسرع فهي دفع خلفي

الرباعي يوضح معك فزته متساويه
هاذا ماكنت ابقوله

[كنق الكامري]

معروف الاكسنت دفع امامي

[كبتن]

^^^

ردّك سيء

[بن دويش]

الأكسنت دفع أمامي

وجميع السيارات الصغيره ( كامري - كورولا - يارس - التيما - صني - سوناتا - النترا - افالون - ماكسيما - ابيكا )

ومثل ما قالوا الاخوان اذا المكينه بالعرض فالسيارة دفع أمامي
وإذا المكينة بالطول فهي دفع خلفي

السلام عليكم,,,
زي ما علمك أخوي ن م ر
ومعلومة إضافية الأن كل السيارات الجديدة الأربع سلندر دفع أمامي
لأنه أفضل لها..
الأكسنت دفع أمامي معروف من أول مانزل
أضافة:
الأكسنت نوعين
الأول:أربعه سلندر سعة المحرك 1.6 لتر
الثاني:أربعة سلندر سعة المحرك 2.0 لتر
الثاني نوع(sport)رياضي

أي خدمة حاضرين;)
دعواتك الله يحفظك

[قائد السريه]

السلام عليكم,,,



زي ما علمك أخوي ن م ر
ومعلومة إضافية الأن كل السيارات الجديدة الأربع سلندر دفع أمامي
لأنه أفضل لها..
الأكسنت دفع أمامي معروف من أول مانزل
أضافة:
الأكسنت نوعين
الأول:أربعه سلندر سعة المحرك 1.6 لتر
الثاني:أربعة سلندر سعة المحرك 2.0 لتر
الثاني نوع(sport)رياضي


أي خدمة حاضرين;)


دعواتك الله يحفظك


متى صارت الاكسنت 2000 سي سي

صحح معلوماتك

الاكسنت 1400 سي سي
و 1600 سي سي

[العضيد 7788]

ارفع السيارة بعفريته من قدام

وعشق اذا مشت تراها دفع خلفي

واذا ما مشت تراها دفع امامي :p:p

[Abo gssar]

هههههههههههههههه
الله يرجكم الرجال سأل اما جاوبوه ولا التزموا الصمت
قاعدين تتونسون على راسه مسكين يعني عشان مشكلته مايعرف خلاص تطقطقون عليه...هداكم الله
الاكسنت دفع امامي ويقصد بالدفع الامامي اي السيارة اللي قوة الجر فيها تعتمد على كفرات قدام والدفع الخلفي على كفرات ورى اما الدفع الرباعي فجميع الكفرات توفر قوة الجر......
وماهو عيب الواحد يسأل لان السؤال هو علاج الجهل....
تقبل مروري

[بن دويش]

متى صارت الاكسنت 2000 سي سي

صحح معلوماتك

الاكسنت 1400 سي سي
و 1600 سي سي

كيف أخوي قائد السرية الغالي:good:

شكراً على تصحيح المعلومة هذا موقع عشان تعرف كل شي عشان الأكسنت
http://www.hyundai.com/sa/ry_ar/showroom/ACCENT/specifications/index.htm

فيه واحده موجوده في سكن جامعة البترول حق الطالب لونها أسود إذا أنت في الشرقية رح شفها.

شاكر لك.