من لدية الخبره يرشدني ...

[الرحال 07]

السلام عليكم ورحمة الله وبركاته


اخواني انا لدي جروتين

ولاحضت عليهم هاليومين الكسل والضعف ... ودايم اشوفهم جالسين مع العلم قبل كانو اول ما اجيهم على طول يجوني ويلعبون عمرهم تقريبا 5 اشهر الى 6 اشهر

ارجوا من لديه الحل يرشدني ....

جزاكم الله خير

[عزوتي1]

الاخوان يفيدونك

[عناز الحره]

اتوقع الوضع عادى

[ابوحمد 2009]

يفيدونك الاخوان

[محمد الضيوفي]

اخوي اكرمهن بالاكل يمكن ضعيفات
ارجو اني افدتك

[الرحال 07]

لا ياخوووي معطيهم خير دايم اعطيهم اكل ويبقى ...


لكن اشوفهم اللحين دايم جالسين ولا يتحركون ....

اللي عنده العلم الله لا يهينه يقولي

[الشلفان]

يمكن ضاعفااات من قل الاكل
والا من البرد
تقبل مروري

[الرحال 07]

ياخوي اقولك دايم اجيب لهم اكل ويبقى بعد من الاكل من كثرة .....

وما هناك برد

[الأكيدر]

عليكم السلام والرحمة
وانا اخوك اول شي اعرضهم على البيطري
عشان تتأكد ان مابهم مرض
واذا كان سليمات مابهن شي عندي طريقه يمكن تنفع
وهي انك تطلع بهن وتمشيهن تغير عليهن يعني
واذا كانن بنفس الشبك اعزلهن لايشوفن بعض بس العصريه طلعهن سوى
ابو يومين او ثلاثه
وان شاء الله انها تزبط معك
تحياتي لك

[الــحـاكــمــ]

مثل ما قال أخوي الأكيدر

وفك لهن جربوع أو أرنب بلدي

علشان يتحركن ويتحمسن

[أحمد أبوسعود]

اتوقع شي طبيعي اذا كنت معودهم على وقت معين بالجرد

[^الهاوي^]

مثل ماقالو اخواني
خلها تطلق في العصريه

[الرحال 07]

بيض الله وجيهكم يالنشاماا ...

[حكيم زماانه]

بشرنا يرحال وش صار معك اذا ضبط الوضع ، تمنياتي لك بالتوفيق

[الذود العفر]

رح للبيطري وضعهن مو طبيعي ,, لأنه معروف عن الجرا يلعبن مع راعيهن أول مايشفنه

وأنت تقول بس جالسات وكسلانات يعني فيهن شي أعرضهن على بيطري ويعالجهن أنشالله ..

[ابوعبدالله222]

تاكد لايصير القراد لعب فيها

[الرحال 07]

الحمد لله بفضل الله ثم بفضل ارشادكم لي عادت الجراء مثل ما كانت ...

وجزيتم خيرا ...




دمتم بود ...

[راعي رمله]

يفيدونك الاخوان انشاء الله

[القناص السري]

اخوي

اتوقع والله اعلم انها كانت متسممة

انا دايم تجيني هالحالة حتى اكلها ترجعه بعد الاكل واعطيها الاكل ولا تاكل

لكن ما عليك كم يوم وترجع زي ما كانت واحسن

وفيه واحد من الشباب اذا تسمم السلق يقوم ويخليه يطرد ولا يطول ويسلم بعون الله

[LEUPOLD]

السلام عليكم
هذى شي طبيعي ان شالله
لانها من فترت 5 شهور الى 6 شهور وقت تقليع اسنونهن
تطيح اسنونهن البانيه وبها الوقت ترتفع حرارته ويجيه شبه حمى
ارجو اني افدتك
اخوك الباهلي

[مودع الخلان]

شف وانا اخوك
الجراء ماتحمل البرد المناعه عندهن ضعيفه

ابعطيك كم نقطعه تساعدك على ان الجراء مايجيهن الامراض

1- التطعيم الخماسي والسداسي ضد الدود تكرم والسعال والاستفراغ عن الامراض كله والتطعيم لازم ولا الجراء تبي تروح عليك

2- اي جرو عندك مريض اعزله بشبك

3- عطهن الاكل بصحن عشان مايجيهن لادود وتسمم

4-رش الارض بجره عشان تقتل الجراثيم والديدان

تمنياتي لك بالتوفيق

[هاوي بندق]

اخوي تتطلعبهن

[عاشق طراح]

لا اسمع لاتوكلهم واجد عطهم شووي
شف حقي ماعطيه الاكل الى العصر بس
واول مايشوفني يجي موحف ويلحس يدي وينطط ويلعب

[حكيم زماانه]

الحمد لله على سلامتهم يارحال ، ونبي نعرف وش سويت لهم لين طابو عشان نستفيد

[الرحال 07]

لا هنتو يالربع وعز الله وفيتوو وكفيتوو

وبالنسبة يا حكيم زمانه

والله وديتهم للبيطري واعطاهم ابرة للتسمم ... وقالي لازم تطلعهم في اليوم نص ساعة والحمد لله طلعتهم ...

واللحين في احسن حال

[رع ل661]

عليكم السلام والرحمة



وانا اخوك اول شي اعرضهم على البيطري
عشان تتأكد ان مابهم مرض
واذا كان سليمات مابهن شي عندي طريقه يمكن تنفع
وهي انك تطلع بهن وتمشيهن تغير عليهن يعني
واذا كانن بنفس الشبك اعزلهن لايشوفن بعض بس العصريه طلعهن سوى
ابو يومين او ثلاثه
وان شاء الله انها تزبط معك


تحياتي لك

ماقصر اخووي

[قناص جواثا]

افومك وتطعيمات تامه وتطيب ان شالله