مشكله في كلتش اللاند كروزرgx

[FTC2004]

مساء الخير
يا شباب اللي عنده خلفيه عن الصوت اللي يطلع في الكلتش( طقّه)اذا ضغطت ورفعت والقير ثقيل ما يعشق بسرعه ياليت تفيدوني لاهنتوا .

[ابوطاقية]

احتمال يكون فحمه والا ياي

[FTC2004]

احتمال يكون فحمه والا ياي
مشكور اخوي لكن هل اصلاحه سهل ولاّ

[ابن عكاش]

كم موديل موترك ترى يمكن عمر الكلتش انتهى على العموم اتوقع المشكله سهله ان شاء الله

[بدوي جنوبي]

صوت الطقه
ممكن تكون من السسته في نفس الدعسه
تحت الطبلون تكون .

او من نفس علبة الكلتش الرئيسيه او الفرعيه

او من الدسك نفسه

المهم طالما انت ذكرت ان التعشيق ثقيل لازم تتأكد مافي تهريب زيت
في علب الكلتش .

[بدوي جنوبي]

هذا الموضوع ان شاء الله بفيدك
๑ஐ◄▓▒--> طريقة عمل الكلتش(فلاش)<--▒▓►ஐ๑ (http://www.mekshat.com/vb/showthread.php?t=116129) ‏

لا تحرمنا من خالص دعائك


بالتوفيق

[بدوي جنوبي]

ينقل لقسم الاعطال

[gx 94]

مساء الخير اخوي اذا ثقل ووعيط فأقولك انه دسك الكلتش وانا اللحين هذي المرة الرابعه اغير دزق وفحمة ورحت لمهندسين قال انت تحط رجلك على الكلتش عند الاشارة وهذا اللي يخرب الكلتش غير الدزق والفحمة .

[FTC2004]

الله لا يهينكم يارجال وبيض الله وجيهكم

[FTC2004]

كم موديل موترك ترى يمكن عمر الكلتش انتهى على العموم اتوقع المشكله سهله ان شاء الله
موديله 2000

[VIP-503]

الله يعينك وييسر امورك اخوي اذا انت بالرياض برسلك على رجالن مشاء الله عليه الله لايضره سعودي اسمه بندر ابو راكان العتيبي وهو في صناعيه السلي رح لمه وخل الهندي ممتاز وترا اسمه ممتاز واسم على مسمى مشاء الله عليه خله يفحص لك الموتر وباذن الله رح ترتاح مع الرجال واسعاره مناسبه جدا جدا لك احترامي الوصف نهايه شارع الميه متجه للصناعيه اخر الصناعيه فيه دخله على حقين اللديترات واسم الشارع الي راح تدخل معه شارع جكرتا ادخل مع الشارع وراح يكون سايد كبير بعده يجيك سايدين بعد حوالي 800 متر تلقى الورشه على يدك اليمين اسم الورشه ورشه المورقي وهي اخر ورشه قبل الساحه رقم ابو راكان وهو رجال ثقه ومن يزكون وامنه على حلالي ولله الحمد 0506241817 ولاتنسى اخي الفاضل انك تبلغه انه انت جايه عن طريق المنتدى ؟؟؟ وقله انه انت جاي من طرف اخوك الصغير فواز السبيعي لك احترامي

[saadqc]

الله يعينك وييسر امورك