اقتراح :عشان ماننسى شي من اغراض الطبخ

[دكتور زمانه]

مساكم الله بالخير ،،،، :)
احيانا يتغير الجو في كشتاتنا :mad: بسبب نسيان بعض اغراض الطبخ
مثل ( ملح .. وغيره ) فأقترح :good2: لو نشترك جميع في وضع جدول
يحتوي أهم أغراض الطبخ , عشان يشييك كل واحد على هذي
الاغراض قبل لايكشت ،، الله يسعدكم دنيا واخره .

[الوwـمي]

مسيت بالنور دكتور
انا راح اسدح اقتراح
طبعاً شنطة العزبه موجودهـ
حط لكـ لسته بأغراضكـ الي تحتاجها
ورتبها في الشنطه ومن ثم شيكـ عليها كلها
كأنكـ بتطبخ او بتصلحـ عزبتكـ
وكل ما ترجع من المقناص او الكشته نظف الشنطه
ورجع عزبتكـ وشوف النقص وضيفه
فداعة الله

[دكتور زمانه]

يعطيك العافية اخوي رذاذ الثلج

[alsagr12]

اشكرك على الموضوع وسادلي بدلوي
وهو تطبع ورقة بها جميع محتويات الشنطة(عزبة الطبخ)
وكل مااردت ان تكشت طلع الورقة وضع اشارة صح
امام الشي الموجودثم توكل على الله

[برق 8]

اول شي حاول قبل الطلعه بيوم تجهزعه العزبه وبعدين تجتمع مع الشباب وكل واحد يذكرك بشي حتى لاتنساها 0 واثناء الطلعه اذا انت نسيت اي شي حاول تكتبها معك في ورقه على شان تضيفه مع العزبه بعد ماترجع

[عشقي الباترول]

http://mekshat.com/vb/showthread.php?t=20203
ادخل على الرابط

وافتح المرفقاااات وان شالله تحصل طلبات الراحلة الكاااملة

[عبادي 2011]

مشكور وماقصرت

[Al3rands]

الاخوان افادوك ان شاء الله

[جوالة]

بخصوص الطلبات فموجود للأخ أيمن وفقه الله موضوع يتكلم عن طلبات الرحلة كاملة وزيادة ... وقد استفدت منها أسأل الله أن لا يحرمه الأجر ...
قم بأخذ الورقة وعدل ما تريد تعديله...
بالنسبة لي فقد قمت بعمل الأغراض التي أحتاجها من ورقة أخونا أيمن وجعلتها على شكل بطاقتين مغلفتين تغليف حراري وفي الورقة الأولى كتبت أغراض ثابته مثل : قدر الضغط ، صحن ، سكين ، ملعقة .... وهي ثابته في العزبة لا تخرج عنها إلا للتنظيف ...
والبطاقة الثانية كتبت عليها متغيرة مثل : الملح ، البهارات ، اللحم ، البصل ، الثوم ..... إلخ وهي متغيرة يجب عليك قبل وبعد كل رحلة تنزلها حتى لا تتعفن أو تفسد عليك ... وأنصحك أن تكون هذه الأغراض في شنطة صغيرة حتى يسهل عليك التشييك عليها ...

وفقك الله لكل خير

[عاابر القارات]

والله وانا أخوك

إذا منك رتبت العزبه وخلصت

أبدأ تخيل انك تطبخ :

نزل الدبه وركب الراس شبه بالولاعه ثمن حط الكاتم قطع بصل بسكين ثم الطماط
حطهن بالكاتم حط زيت قلبهن بملعقة الطبخ ثم حط اللحمه ثم حط الملح المطلوب
وبزار وماجي وليمون أسود وورق غار ثم حط الماء وكتمه وبعد فتره فك البلف
وكب الرز وتركه يطبخ وبعد فتره طلعه جهز الصحن والسفره والملاعق واللبن
والكاسات وما إلى ذالك ..

شف كم وحده عديت ولا تنسى شي إنشاء الله

[العبيوي1426]

http://mekshat.com/vb/showthread.php?t=20203
ادخل على الرابط

وافتح المرفقاااات وان شالله تحصل طلبات الراحلة الكاااملة

الحقيقة موضوع في محله وورقة رحله متكامله و بارك الله في الجميع

[C_J_O_JI]

اقترح ان شنطة العزبه يكون فيها المعاميل فقط
ويكون فيه شنطه صغير فيها علب بلاستيكيه مخصصه للملح والبهار والرز والسكر والشاهي والقهوه والى اخ
وتكون خارج العزبه حتى يسهل عليك التشييك عليها وتحملها معك من البيت للكشته
يبقى اللحمه والخضار حسب الطلب من اقرب محطه
بانسبه للماء عني مركب تانكي ومريح نفسي

اتمنى الفائده للجميع واللي عنده خير لا يحرم الغير

[بوخليفه77]

صدقت ياخوي
كل رحله وتنسى شي بس حلات الرحله بالمواضيع
ناس او مش ناسي واذا نسيت يمشي الحال تراها
كشته
تحياتي