الكامري وصوت خرير الماء

[الشمالي 1]

السلام عليكم :
سيارتي كامري 2006.
المشكله اللي في سيارتي غريبه اشوي ولا قد سمعت عن مشكله مثلها الحاله تأتي في وضعين.
الوضع الأول: عندما تكون السيارة غير شغاله لمده اكثر من ساعتين على الاقل وقبل التشغيل مباشرة.
الوضع الثاني: عندما اطلع فوق مطب صناعي وانا مهدئ السرعه طبعا.
بقي ان اقول لكم ماهي مشكلتها الا وهو عند الوضعين السابقين الاول والثانين اسمع صوت كصوت خرير الماء وانا متأكد من الصوت100%.
آمل من الله ثم من لديه حل لهذه المشكله السرعه في ابلاغي والرد علي.
شاكراً لكم ومقدر وجعله الله في موازين حسناتكم،،،،،،،،،،،،،،،،،

[الشمالي 1]

رفــــــــــــع

[_دربيل_999]

ياهلا فيك اخوي..
لاتخاف الصوت اللي تسمعه صوت الماء في( الدفاية)للسيارة..
هناك ليات ماء تدخل من الراديتر لداخل السيارة مروراً بدفاية السيارة داخل الطبلون..
تقدر تفصلهم نهائياً من الكبوت لاكن الله يعينك على البرد..


انا اعتقد بأن موية الراديتر فيها نقص بسيط هو اللي يصدر الأصوات..
وفقك الله


الروقي

[كاشت وحداني]

كلام اخونا دربيل -999
صحيح
وتاكد ان الماء غير ناقص في الردتير .

[حبران والمسمى]

صارت معي سيارة سوبربان
صوت خرير الماء اللي تقول
ورحت لكهربائي وفصل الليات وراح يقول الثلاجه حقت التدفئه خربانه واصلاحها مكلف والفايده للتدفئه فقط شغل يد 600 غير القطع:f
قلت افصلها والتدفئه بجامه برومان واذا احتاج الأمر دفايه زيت وخلصنا:D
والرياض دايم جوها:s الله يجيب الخير

[الشمالي 1]

الله يعطيكم العافيه ريحتوني الله يريحكم وبالنسبه للبرد انا في ينبع نسمع بالبرد بالتلفزيون فقط.

[الشمالي 1]

مساء الخير يااخوان الماء مو ناقص بالاديتر والصوت له تقريبا حول 10 ايام لكن بروح الليله ان شاء الله للورش وابحث عن الثلاجه

[_دربيل_999]

اخوي الشمالي
ترى غطاء الراديتر إذا كان مو أصلي أو قديم
يسوي كذا ..


واذا فصلت ليات الثلاجة الحارة لازم تسوس نفخ الهواء لأخراج المياة اللي باقية في الثلاجة عشان ماتصدر صوت أو تتسبب في اتساخ المياه
خلهم بعد النفخ يغلقون الفتحات الخاصة بالثلاجة..


وفقك الله


الروقي

[الشمالي 1]

هلا بك اخوي الروقي والله يصلح لك قلبك وعملك ان شاء الله
اخوي انا شريت السياره من شخص اعرفه يجيب السيارات من الامارات ويبيعها هنا وانا فحصت السياره واعجبتني لكن اللي لاحظته بعد الاستخدام ان السياره مشلحه في غالب القطع وشبه اكيد ان غطاء الاديتر احد القطع مثال القطع اللي مبدله عندي هوايه اديتر تجاري ودينمو قزاز امامي تجاري وخرب معي مباشره ومنظم هواء مكيف تجاري والمساعدات خربانه وفلتر الهواء تجاري وربلات الابواب الاربعه تجاري رغم ان السياره لايوجد بها سمكره وهذا يثبت احتمال انه تعرضت السياره لللتشليح كما ذكرت سابقا.
وتقبل تحياتي،،،،،،

[_دربيل_999]

اخوي الشمالي..
نصيحة بما أن السيارة مافيها حرارة أعتقد الصوت مايؤثر..
لأنك لامن رحت للورش بيعبثون في سيارتك وبيدفعونك مبالغ مالها داعي وهذا طبعهم..
استخدم سيارتك والصوت اذا هو مزعجك جرب ابدأ بأبسط الأشياء بنفسك
مثل جرب غطاء راديتر قبل تشتريه اذا نفع اشتر الآصلي


واتمنى ماتكون السيارة غالية عند مشتراها وفيها ذالعيوب اللي انت عديتها..


وفقك الله


الروقي

[بوخليفه77]

انشاء الله يفيدونك الخوه اصحاب الخبره
تحياتي

[الشمالي 1]

41000 واللون اسود ياوالله من الاستعجال عندي

[_دربيل_999]

اخوي الشمالي..
الله يعرضك خيرها ويكفيك شرها قل آمين..
الله يحفظك 41000 تجيب لك نفس الموديل سعودية(ووردة)
ويمكن تجيب موديل احدث..
لكن العجلة مافيها خير وسيارات دبي حولها علامات استفام كبيرة بكل صراحة..
لو استشرت ع الأقل اخوانك في مكشات كان افادوك..
يالله هذا المكتوب والله يعرضك خيرها ويكفيك شرها..

اجمل تحية..

الروقي

[ابوناهض.]

اخوي الصوت هذا كل ماركبت كامري نفس الموديل اسمع الصوت ذا لاتخاف وعرظه على فنين وسو لها فحص كمبيوتر ومالك الا وسع الخاطر وتساهيل وناخووك تساهيل

[metub1404]

للرفع..........

[ابومعزي]

ياخوي عادي انا عندي كامري ثمانية وتسعين ومن يوم شريتها والصوت هذا فيها ولافيها خراب ولله الحمد فانا انصحك لاتروح لورش ولا شي

[الشمالي 1]

الله يجزاكم خير جميعا

[الشمالي 1]

السلام عليكم ورحمه الله وبركاته
مريت الصناعيه على الطاير اثنين كهربائيه وقلت لهم مشكله سيارتي.
تدرون وش قالوا لي.........(وهم) وانا اسكر الكبوت واروح البيت.
على العموم غطاء الاديتر اصلي والماء مو ناقص لكن على الراتب باستلم الكهربائيه واحد واحد عناد بهم الا يصدقون لكلامكم.

[swead]

نفس المشكلة عندي بس أنا بكورلا اذا مشيت بها تحس أحيانا بهدير مويه ( جغغغغغغغغ ) من جهة الطبلون .. غيرت الرديتر والغطاء وما فاد .. وفي الأخير ضرب راس المكينة وخلط الزيت مع الموية .. مرتين ضرب الراس علي والمره الثانية غيرته بس بقي الصوت .. فافحص راس المكينة وشيك على بلف الحراره ...

[tmem]

ااخوي الصوت عاادي وتجي في مواتر واجد ولاتشيل هم ولا تخسر عمرك
موتري فيه الصوت من مبطي ولاظرر ولاظرار الحمدلله

[الشمالي 1]

الله يستر بستره
نصيحه ابعدوا عن سيارات الامارات.