فزعتكم يالخبره بالدفلك

[وضح النقى11]

أنا رجال طلعت للبر قبل كم يوم وجيت أنزل مع طعس صغير أمر
أعشق الدبل الخفيف وأشغل الدفلك . وانزل . طبعا النزول بالعرض يعني
مو بالطول
ويوم نزلت أمر يجي وينشب الموتر . يتعلق :p. وأعشق الثقيل واعطيه
الثاني والاول
ويمين ويسار :eek: . عيا يطلع مع إني مشغل الدفلك قبل مايتعلق:eek:. ما أدري وش المشكله وليش الدفلك مانفع . إن مانفع بهالموقف متى ينفع .:mad:

طبعا الموتر شاص

[zzx503]

يمكن ماشبك الدفلك

[عبدالإله9933]

الدف لوك ما يشبك إلا مع الدبل الثقيل

[وضح النقى11]

يمكن ماشبك الدفلك


شاكر لك مرورك

لكن انا سامع الصوت يوم شغلته . أمر يشبك . له طقه . واضحه .!

[وضح النقى11]

الدف لوك ما يشبك إلا مع الدبل الثقيل


شاكر لك مرورك
غريبه أنا اليوم رحت علشان أجرب . وأشوف وش المشكله ونطيت نفود بالعرض أبي
علشان أشوف شغال الدفلك وإلا لا . ومع ذالك شغال زي الفل . مع إنه كان بالخفيف

لكن ذاك اليوم ماأدري وش المشكلة ياليت أحد يفيدنا .

[وضح النقى11]

نرتفع فوق طعس لعل أحد يشوفنا . من اهل الخبره

[وضح النقى11]

نلوح .. بالشماغ

[بارق تميم1]

الدفلوك مايشبك الا مع الدبل الثقيل بس (إلا اذا معدل بأسلاك الكهرب )

في كل الاحوال اذا ماشبك معك نهائيا فاغلب الاحتمالات يكون يحتاج تنظيف

[بارق تميم1]

http://www.mekshat.com/vb/showthread.php?t=349113
هذا الرابط راح يفيدك إن شاء الله

[D I K T O O R]

الدفلوك مايشبك الا مع الدبل الثقيل بس (إلا اذا معدل بأسلاك الكهرب )

في كل الاحوال اذا ماشبك معك نهائيا فاغلب الاحتمالات يكون يحتاج تنظيف

يالغلا ,,

حبيت اصحح معلومتك انت ,, والا الاخ اللي فوق

بخصوص ان الدف لوك مايشبك الا بالدبل الثقيل ,, وهذا غير صحيح

الدف لوك يشبك مع الخفيف وبعد تقدر تشبكه بدون ماتشبك الدبل كله ,, يعني دف لوك لحاله بس ماتقدر تمسك الموتر مع الافاات على طول يرد ووجهه

وشكراً

[وضح النقى11]

الدفلوك مايشبك الا مع الدبل الثقيل بس (إلا اذا معدل بأسلاك الكهرب )

في كل الاحوال اذا ماشبك معك نهائيا فاغلب الاحتمالات يكون يحتاج تنظيف

أولا شكرا لعطرك الفواح

لكن الموتر مديل جديد ولا عدلت بأسلاك ولا بأي شيء

لكن يحتاج تنظيف هذي غريبه .؟

[وضح النقى11]

يالغلا ,,

حبيت اصحح معلومتك انت ,, والا الاخ اللي فوق

بخصوص ان الدف لوك مايشبك الا بالدبل الثقيل ,, وهذا غير صحيح

الدف لوك يشبك مع الخفيف وبعد تقدر تشبكه بدون ماتشبك الدبل كله ,, يعني دف لوك لحاله بس ماتقدر تمسك الموتر مع الافاات على طول يرد ووجهه

وشكراً


شكرا لك أخوي دكتور .

لكن خويك عنده حب إستطلاع <<<<< اللي هو أنا :D

وجربت الدفلك بدون دبل مايشبك .
قبل فتره

لكن مع الدبل شغال سواءا خفيف وإلا ثقيل .

[بارق تميم1]

يالغلا ,,

حبيت اصحح معلومتك انت ,, والا الاخ اللي فوق

بخصوص ان الدف لوك مايشبك الا بالدبل الثقيل ,, وهذا غير صحيح

الدف لوك يشبك مع الخفيف وبعد تقدر تشبكه بدون ماتشبك الدبل كله ,, يعني دف لوك لحاله بس ماتقدر تمسك الموتر مع الافاات على طول يرد ووجهه

وشكراً

حياك الله اخوي دكتور
اذا بتصحح معلوماتي وانا مستخدم اربع جيوب وكلهم على يدي وكاله فاكيد ان الوكاله لعبو علي لأني الوحيد من الناس كلهم الدفلوك مايشبك إلا على الثقيل :)
(طبعا كلامي محصور على التويوتا انا ماعندي اي خلفيه عن النيسان وغيره )
ارجع واقول ان الدفلوك مايشبك إلا على الدبل الثقيل
وسعدت بالنقاش معك اخوي دكتور
اخوي وضحى النقى 11
انا موتري 2009 ونضفت الدفلوك مرتين فلاتستغرب
وترى شغلت التنضيف ماراح تاخذ من وقتك ساعه لكن قبل تفكه اشترلك معجون (سيلكون حق المحركات لونه احمر) علشان اذا خلصت منضفه تحط المعجون على الغطا والرابط الي فوق راح يفيدك كثير

[وضح النقى11]

حياك الله اخوي دكتور
اذا بتصحح معلوماتي وانا مستخدم اربع جيوب وكلهم على يدي وكاله فاكيد ان الوكاله لعبو علي لأني الوحيد من الناس كلهم الدفلوك مايشبك إلا على الثقيل :)
(طبعا كلامي محصور على التويوتا انا ماعندي اي خلفيه عن النيسان وغيره )
ارجع واقول ان الدفلوك مايشبك إلا على الدبل الثقيل
وسعدت بالنقاش معك اخوي دكتور
اخوي وضحى النقى 11
انا موتري 2009 ونضفت الدفلوك مرتين فلاتستغرب
وترى شغلت التنضيف ماراح تاخذ من وقتك ساعه لكن قبل تفكه اشترلك معجون (سيلكون حق المحركات لونه احمر) علشان اذا خلصت منضفه تحط المعجون على الغطا والرابط الي فوق راح يفيدك كثير


شكرا لك أخوي بارق .

أنا دخلت على الرابط صراحة بدون مجامله إستفدت منه

لكن سالفه إنه مايشبك إلا مع الثقيل .. ما ادري يا أخي ..

نجرب بعدين ونشوف لكن ,. اللمبة حقت الدفلك تأشر ما تولع على طول ما أدري فيه مشكله أكيده يعني . إذا كانت تأشر .

[بارق تميم1]

لاشكر على واجب اخوي وضح النقى11
إذا كانت تاشر معناته انه ماشبك الدفلك
انت كل الاثنين مايشبكن ولا بس الخلفي ؟
(إذا شبك الدفلك لمبته تكون مولعه على طول )

[K.S.A.A]

الدفلوك يشبك مع الخفيف والثقيل
لكن بعدين الدفلوك له تعشيقتين
الأوله تشغل الكفرات ورى مع بعض
والثانية تخلي الأربع تشتغل كلها
لكن أنتبه تلف وأنت مشغل الكفرات الأربع
لأنه يمكن يضر الموتر أو يكسر شي ..
هذا بالنسبة للدفلوك .

أما تغريزتك فممكن كان هواء الكفرات واجد والموتر في هالحاله ماراح يطلع لو تشغل 20 دفلوك
الدفلوك ينفع إذا ثولث الموتر , يعني إذا تكى على جهه وحده .

تقبل مروري .

[وضح النقى11]

لاشكر على واجب اخوي وضح النقى11

إذا كانت تاشر معناته انه ماشبك الدفلك
انت كل الاثنين مايشبكن ولا بس الخلفي ؟
(إذا شبك الدفلك لمبته تكون مولعه على طول )




الله يجازيك بالخير

لا أنا اللي قدام واللي ورا . كلهن يأشرن . ما يولعن على طول .

لكن اللي قدام أسمع صوته إذا شغلته يطق او يقفل . اما اللي ورا فهو على الصامت .

[وضح النقى11]

أخوي k.s.a.a
شكرا لمرورك .


الهواء كان بالكفرات تقريبا 16
لكن اللي فاتني ما صورت الموتر وهو متكي . علشان أوريك إياه . لأنه كان متكي على جهتين متقابلات .
قدام يمين ويسار ورا هالجهتين متكيات .
لأني انا خابر الدفلك إذا شغلته يمشي الموتر بالغصب . مهما كان قدام الكفر .


بس ما قلتلي وش المشكله من تشغيل الدفلك وألف بالموتر قوه .؟

[وضح النقى11]

نرفع الموضوع نشوف

[alimuhammed]

اخوي انا احاكيك من واقع تجربة للباترول
الدف لوك يشبك ولو ما شبكت الدبل
ثانيا نظاما لدف لوك قفل المخالفة فلازم تتقابل السنن حتى يشبك اذا كان يحضر للشبك تأشر اللمبة
و اذا شبك تكون اضاءة اللمبة مستمرة

جرب الدف لوك الخلفي اشبكه و انتظر حتى تكون اضاءة اللمبة مستمرة و جرب شغله
فان استمرت تأشر فحرك السيارة قليلا مع الانعطاف قليلا يمين و لا يسار حتى تستمر اضاءة اللمبة فان لم يتم ذلك فلابد من الكشف على الدف لوك ففيه عطل
و ان اضاءت باستمرار فهو شغال
ما عليك اذا وقعت في مثل الموقف السابق ان يكون تحريكك للكفر ببطء حتى تلتقي السنن و يشبك الدف لوك

انا حصل معي ان خولفت الكفرات و استعجلت فلم يشبك معي و لما طولت النفس معه شبك

[قطب 999]

أنا رجال طلعت للبر قبل كم يوم وجيت أنزل مع طعس صغير أمر

أعشق الدبل الخفيف وأشغل الدفلك . وانزل . طبعا النزول بالعرض يعني
مو بالطول
ويوم نزلت أمر يجي وينشب الموتر . يتعلق :p. وأعشق الثقيل واعطيه
الثاني والاول
ويمين ويسار :eek: . عيا يطلع مع إني مشغل الدفلك قبل مايتعلق:eek:. ما أدري وش المشكله وليش الدفلك مانفع . إن مانفع بهالموقف متى ينفع .:mad:



طبعا الموتر شاص


المشكله مشكله ان قلنا مشكله وان ما قلنا مشكله :j

[وضح النقى11]

المشكله مشكله ان قلنا مشكله وان ما قلنا مشكله :j



ههههههههههههههه

كرر :D