وش رايكم بكفرات ميشلان

[ابوقاسم]

السلام عليكم ورحمة الله وبركاته
ابي انشدكم عن كفرات ميشلان وش هي من لحية
هل هي تصلح للبر والا قاسية مثل البريجستون
وهل سعرها مناسب تراي محصلها 540 ريال ضمان 5سنوات
وشتنصحوني فيه
اركبها او نوع ثاني
تراني ناوي اركب طقم على الباث
والمقاس255/70/16
تحياتي

[برهان1]

افضل كفر جربته وممتاز للبر وللخطوط والمدينه بس لا تاخذ اللا ياباني تراه انواع وان كان فيه فرنسي احسن واحسن

[حبران والمسمى]

فيه ناس يقولون قاسي
لكن انا من واقع تجربة افضل كفر من ناحية التحمل وضمانه مفتوح ما هو خمس سنوات
وفيه انواع
وانا ركبت لكراون فكتوريا ميشلان تايلاندي ومن احسن ما يكون كديته كد ومد في الشهر اقطع فيه 4000كيلو علشان الدوام الله لايعيده
وجربتها مده طويله بالسوبربان وكان مافيه الا نوع اذكره انه امريكي قديم شوي وهالحين انواع كثير
وهالحين مركبه على جيب وكد ومد بالديره والبر والسفر
ولكن فيه نقطه ركز على سالفة مقاس الكفر لازم يكون مطابق للي موجود بالكاتلوج علشان مايتعب السياره ويخدم معك وطولت عليكم لكن اسأل مجرب ولا تسأل بنشري
وبالتوفيق

[شقردي]

الميشلان كنت مقتنع به في السابق
لكن بعد انسلخ علي وبنشر عدة مرات
خاصة أني دافع أكثر للميشلان الفرنسي
ومع ذلك رحت للوكالة في الرياض
وذلوني
ولا وافقوا على تغير الكفر على الضمان

.

لكن دور أي نوع ياباني أصلي
مثل الدنلوب وتوكل على الله
حسافة الدراهم على ميشلان

[ابو هياا]

وعليكم السلام ورحمة الله وبركاته

كفرات ميشلان من أفضل وأجود أنواع الكفرات الموجوده في السوق
وأهم شي تهتم في الكفر من ناحيه قياس الهواء في المدينة وعلى الخط

ويعتبر قاسي نوعاً ما .. لكن في قوة التحمل والتحميل لا يعلى عليه

أيضاً كفران الدنلوب ممتازة ..

وأنواع كثيره ممتازه بس اهم شي تكون يابانية الصنع

أخيراً الله يوفقكـ لما يحب ويرضا

[ابوقاسم]

افضل كفر جربته وممتاز للبر وللخطوط والمدينه بس لا تاخذ اللا ياباني تراه انواع وان كان فيه فرنسي احسن واحسن


مشكور اخوي برهان
راعي المحل يقول الكفر امريكي ويوم سألته هل هو قاسي قال ايه تراه قاسي
وش رايك
ويعطيك العافية

[ابوقاسم]

فيه ناس يقولون قاسي

لكن انا من واقع تجربة افضل كفر من ناحية التحمل وضمانه مفتوح ما هو خمس سنوات
وفيه انواع
وانا ركبت لكراون فكتوريا ميشلان تايلاندي ومن احسن ما يكون كديته كد ومد في الشهر اقطع فيه 4000كيلو علشان الدوام الله لايعيده
وجربتها مده طويله بالسوبربان وكان مافيه الا نوع اذكره انه امريكي قديم شوي وهالحين انواع كثير
وهالحين مركبه على جيب وكد ومد بالديره والبر والسفر
ولكن فيه نقطه ركز على سالفة مقاس الكفر لازم يكون مطابق للي موجود بالكاتلوج علشان مايتعب السياره ويخدم معك وطولت عليكم لكن اسأل مجرب ولا تسأل بنشري

وبالتوفيق

مشكور اخوي حبران والمسمى
اي نعم اخوي قال لي راعي المحل تراه قاسي وايضا في بعض البناشر قالي الضمان مفتوح الين تروح الدعسة والدعسة ما ضنتي تطول اكثر من 5سنوات
ولكن سؤالي للمجربين هل هو فعلا قاسي يعني يصلح للرمل او لا
وما قصرت على ردك يخوك

[ابوقاسم]

الميشلان كنت مقتنع به في السابق
لكن بعد انسلخ علي وبنشر عدة مرات
خاصة أني دافع أكثر للميشلان الفرنسي
ومع ذلك رحت للوكالة في الرياض
وذلوني
ولا وافقوا على تغير الكفر على الضمان


.


لكن دور أي نوع ياباني أصلي
مثل الدنلوب وتوكل على الله

حسافة الدراهم على ميشلان



مشكور على ردك اخوي شقردي
يعني رايك الضمان خرطي
يعني لو صار ماصار ما يعوضونك بشي
والدانلوب هل هو يعتمد عليه وكم ضمانة يخوك
تحياتي على نصيحتك ودمت سالما

[ابوقاسم]

وعليكم السلام ورحمة الله وبركاته

كفرات ميشلان من أفضل وأجود أنواع الكفرات الموجوده في السوق
وأهم شي تهتم في الكفر من ناحيه قياس الهواء في المدينة وعلى الخط

ويعتبر قاسي نوعاً ما .. لكن في قوة التحمل والتحميل لا يعلى عليه

أيضاً كفران الدنلوب ممتازة ..

وأنواع كثيره ممتازه بس اهم شي تكون يابانية الصنع

أخيراً الله يوفقكـ لما يحب ويرضا



مشكور اخوي ابو هيا على مرورك
بارك الله فيك على دعائك والله يوفقني واياك وجميع المسلمين لما يحب ويرضاه
لكن انا ابي الكفرات للخط والبر هل يصلحن في رايك واهتمامي بضغط الهواء في الكفرات لك عليه يعني الكفر لازم يستحملني شوي تراي مهمل
والميشلان هل هو ياباني او امريكي لان راعي المحل قالي انه امريكي
وياليت تسمي لي نوع انت مجربه للخط والرمل
والله لايحرمنا من شورك

[الذيب 502]

كفرات ممتازه يا أبو قاسم ولا تعداها

بس أظنها مقطوعه من السوق

لاني قبل شهر درت الغرابي وشارع الريل وعجزت القاها

وموتري باثفندر

مالقيت الا جوود يير

والكوبر الامريكي

وياكوهوما و تويو

وبرجوستن

والله يوفقك بكفر هوى بالك

[شقردي]

هذا المشلان

http://www.mekshat.com/vb/showthread.php?t=143147&page=25

[PATHFINDER 4]

اسأل مجرب انا مركب على موتري الباث الان مشلان وقبله كان هانكوك وقبله كان بردجستون
من ناحية الراحة (طبعا بعد استبعاد البرجستون نهائي)
عندي ان المشلان اريح من الهانكوك بوااااجد
انصحك فيه وممتاز
طبعا موتري جنط 17
وانت تقول ال 16 بـ 540 اجل ال 17 بكم !!

[ابوقاسم]

كفرات ممتازه يا أبو قاسم ولا تعداها

بس أظنها مقطوعه من السوق

لاني قبل شهر درت الغرابي وشارع الريل وعجزت القاها

وموتري باثفندر

مالقيت الا جوود يير

والكوبر الامريكي

وياكوهوما و تويو

وبرجوستن

والله يوفقك بكفر هوى بالك



مشكور يالذيب على ردك
ورايك اني اركب الميشلان ترى الضمان مفتوح وعند بعض المحلات 5سنوات
بس وشلونها بالبر يخوك
وعسى ربي يسمع منك والاقي الكفر اللي عليه الكلام

[ابوقاسم]

هذا المشلان

http://www.mekshat.com/vb/showthread.php?t=143147&page=25



مشكور على الموضوع اخوي شقردي
والصراحة الموضوع مليان بالخبرات عن جميع انواع الكفرات
مشكور مرة ثانية

[ابوقاسم]

اسأل مجرب انا مركب على موتري الباث الان مشلان وقبله كان هانكوك وقبله كان بردجستون
من ناحية الراحة (طبعا بعد استبعاد البرجستون نهائي)
عندي ان المشلان اريح من الهانكوك بوااااجد
انصحك فيه وممتاز
طبعا موتري جنط 17
وانت تقول ال 16 بـ 540 اجل ال 17 بكم !!



مشكور على نصيحتك اخوي باثفايندر4
لكن وش رايك فيه بالبر
تحياتي

[PATHFINDER 4]

والله يالغالي مالي الا شهر ويمكن اقل مركبه (شاريه مستعمل) لكني طلعت به للنفود مرة وحدة
واشوفه ممتاز للنفود لان نقشته ناعمه لكن اذا شعبان ما ادري وانصحك تدور غيره
احسه انعم من الهانكووك بوااجد والهانكوك ماتصبر على الشعبان
لكن الاكيد انه اريح في الزفلت من الهانكوك
الا قلي ورا ماتاخذ الماكسس كل الشباب في الرابطة يمدحونه وممتاز للنفود والبر ورخيص

[ابوقاسم]

الظاهر يخوي بركب ماكسس وخصوصا اني مجربه ولازال راكب على السيارة وله اكثر من سنتين وشاد معاي
ونصايح الاخوان بالماكسس يشجعني على البقاء معاه اكثر
تحياتي لكل من شارك برايه معنا واسدى النصح لنا
مشكوريييييييييييييييييييييييييييييين جميع

[الذيب 502]

الظاهر يخوي بركب ماكسس وخصوصا اني مجربه ولازال راكب على السيارة وله اكثر من سنتين وشاد معاي
ونصايح الاخوان بالماكسس يشجعني على البقاء معاه اكثر
تحياتي لكل من شارك برايه معنا واسدى النصح لنا
مشكوريييييييييييييييييييييييييييييين جميع

حي الله الشيخ أبو قاسم

رايي انك ما تعدى المشلان

أولا جيده في الرمل

ثانيا قويه وتصلح للشعبان

بس تراها قاسيه شووي

وتراها ممتازه في الخط

ويكفيك أنها مشلان أقل شئ تمشي وأنت مرتاح

>>> تراى واجد من ربعي وأقرباي راحوا بسبب كفر مغشوش ولا رخيص

أما عن اللي يقول أن المشلان ألين من الهانوك

فأقول له مالك لواا وش جاب الثرا للثريا

على فكرة >> ترى هانكوك تهج ولا تمسك فرامل زين

وفيها ليونه تحوم الكبد >>> من واقع تجربه

والماكسس فيه ناس تمدحها وتطيرها في السماء

وفيه ناس تذمها ذم

عموما تراي قبل شهر أو شهر ونص في السوق وكانت مقطوعه من السوق

>> طبعا مقاس الباثفندر

ولا تنسى تشوف تاريخ الكفر

وقوة تحمله للحرارة

وتراكشن الكفر

عموما الله يرزقك باللي تمناه

[ابوقاسم]

حي الله الشيخ أبو قاسم

رايي انك ما تعدى المشلان

أولا جيده في الرمل

ثانيا قويه وتصلح للشعبان

بس تراها قاسيه شووي

وتراها ممتازه في الخط

ويكفيك أنها مشلان أقل شئ تمشي وأنت مرتاح

>>> تراى واجد من ربعي وأقرباي راحوا بسبب كفر مغشوش ولا رخيص

أما عن اللي يقول أن المشلان ألين من الهانوك

فأقول له مالك لواا وش جاب الثرا للثريا

على فكرة >> ترى هانكوك تهج ولا تمسك فرامل زين

وفيها ليونه تحوم الكبد >>> من واقع تجربه

والماكسس فيه ناس تمدحها وتطيرها في السماء

وفيه ناس تذمها ذم

عموما تراي قبل شهر أو شهر ونص في السوق وكانت مقطوعه من السوق

>> طبعا مقاس الباثفندر

ولا تنسى تشوف تاريخ الكفر

وقوة تحمله للحرارة

وتراكشن الكفر

عموما الله يرزقك باللي تمناه




مشكور الذيب على ردك واهتمامك
وشورك في خاطري من هالكفر ولكن نصايح الشباب وتجربتي للماكسس ترجعني له
وهو الحين غلق معاي سنتين وشوي ولا شفت منه الا الزين
بر وخط
تحياتي لك وللجماعة