فكره قد تفيدكم في صيد الكنعد

[كشات]

http://www.geocities.com/hraaar_1/1100218787_starting_word.gif

اخواني هواة صيد الكنعد خصوصا

واعضاء وزوار منتدى مكشات عموماً

لدي فكره ربما يستفيد منها من يرغب في صيد الكنعد

ساحاول ان اشرح لكم الفكره وان لم تصل سوف اقوم بتصويرها كي يستفيد منها الجميع

الفكره عباره عن طريقه لجذب السمك للطعم وخصوصا الكنعد بحكم انه مرغوب

المقادير
1-زيت الصل (زيت السردين) اللي يدهنون فيه البوانيش الخشبيه ويمكن الاستعاضه بزيت التونه المعلبه
2-اسفنج صناعي او قطن حسب المتوفر

كأني اجهز لبرامج الطبخ في رمضان ;)

الطريقه نضع قطعة الاسفنج او القطن في بطن السلس او الدويلمي او الينيس طبعا بعد وضع الميادير ومن ثم نقوم بغمر الاسفنجه بزيت السردين(الصل) ونخيط البطن او نخيط البطن ومن ثم نضخ الزيت باستعمال ابرة او عبوة قطرة عيون لصغر الفتحه
(وكي لايصل الزيت لليد)

المرجو من الفكره هو انه اثناء وجود الطعم في البحر فان الزيت يتسرب من بطن الطعم وينتشر في ارجاء المكان وبالتالي تنجذب له الاسماك

الفكره لها فتره في بالي و حبيت احطها هنا حتى اعرف رأي الاعضاء فيها هل من الممكن انها تنجح والا لا؟؟؟

طبيعي الغالبيه يبون يعرفون من اين يحصلون على (الصل)
وهنا مربط الفرس

اخوكم ابو علي شاري له كميه ويبي يصرفها برخيص :D
نص لتر ب 10 ريال بس هههههههههههه ومع البيعه 2 كيلو سلوس وكيلو دويلمي صغير وسنارة ابو قارسيا ومكينة ميتشل فرنسيه اصليه
لاتستغربون ان شفتوني باسط عند الفن تايم وصاف لي كم غرشة صل بصندوق الشاص :eek:

ماتحته خط لمجرد الدعابه
والمرجو منكم هو رائيكم بالفكره هل تنجح ام لا

[النوخذة]

السلام عليكم ورحمة الله وبركاته
والله فكرة غريبة يابوعلي لكن ممكن تكون فعالة وطرحك للموضوع ممكن يعطينا نتايج تجارب الشباب
وبالنسبة لجذب الأسماك بالريحة فأنا شفت منتجات واجد في النت مخصصة للغرض هذا لكن ماهيب عندنا
خلني أقولك قصتي مع جذب الأسماك بالريحة بس هههااااااااااااااااااااه انتبه لاتضحك علي ولا تسرق الفكرة
طال عمرك يوم كنت صغير ( راعي بحر على صغر ) فكرت في هالطريقة وقلت احسن حل اني افظي علبة تنظيف الزجاج وانفذ طريقتي فيها وفعلا فظيت علبة وحطيت 6 حبات ربيان ( إلى هنا كويسين ) والمغامرة بدت عقب ماحطيت الخطة تحت سريري :eek: وعلشان تصير الريحة جامدة شوي خليت هالمحلول الغريب تقريبا اسبوع وشوي :j لما فقعت الريحة في الدور الثاني كله واعلنت حالة الطوارئ في البيت :alarm: وبعد البحث والتحري تذكرت انا المبيد السمكي اللي انا اخترعته وابوي تذكر وين حط عقاله آخر مرة :rolleyes: وعليكم تحليل باقي القصة
;) تقبل تحياتي و لا تعلم احد ;)

[gulfhunter]

السلام عليكم ورحمة الله وبركاته

حياك الله اخوي ابوعلي........ تسلم اخوي على الفكره اللي شكله ممتازه......والله يعطيك العافيه على المجهود اللي تقوم فيه لخدمة زاور وأعضاء المنتدى........

اخوي ابوعتيق ...... الله يمسيك بالخير ..... ماشاء الله عليك ماتخلي سوالفك ...... حتى وانت صغير........ لكن نبي نبحث في الموضوع ونشوفه.....

الله يوفقك ويبارك فيك

[ابوسعد]

السلام عليكم ورحمة الله وبركاته


دام الفكره من عند اخي كشات اكيد ناجحة ..............


سبق وان واحد من الشباب قال لي فكره لصيد الصافي بالقرقور انك تعلق ثوم في داخل القرقور راح تشوف العجب :eek:


واذا كنت تغوص وانجحر عليك هامور رش في الجحر حليب السعوديه يجيك على وجهه :p (علشان عندي اسهم في سدافكو ههههههه )



ابوسعد


سهم الشمال

[الخيول2002]

اسعد الله صباحكم

فكره لاباس فيه اخي مكشات بحاول اجربه واقولك عن النتايج وخصوصا اللحين موسم الكنعد

تحياتي للجميع

[lone]

حياك الله اخوي كشات... وفكره شكلها رائعه ومليئة بالزفر...

بس انا عندي لك حل اخف واسهل... وبدون قطن وبدون ما تمشي علينا البضاعة اللي عندك ... :D

فيه محل رياضة وادوات صيد في شارع خالد في الخبر... ولقيت عندهم علبه فيها ست حبات كأنها حبات فيتامين سي القديمة بس لونها شفاف... هذي من تقطها في مكان ترست لك المكان كله زفره وجمعة لك السمك عليها...

فانت خلك كريم ... وكل سلس زغده حبه ودفه بحر... وانشاء الله ما يصير خاطرك الا طيب... :good2:

بس سؤال اخير... هل العرض اللي انت حاطه في مشاركتك الاولى ساري المفعول... واذا كانت اجابتك نعم... ياليت تحجز لي كيلوين مع الهدايا...
:D
اخوك...
ابوعبدالله...

[كشات]

http://www.geocities.com/hraaar_1/1100218787_starting_word.gif

هلا وغلا باخوي ابو عتيق

ههههههههههههههه
اجل الوالد الله يطول عمره تذكر وين العقال بالنهايه والا انا غلطان
منت سهل يابو عتيق
راعي افكار منذ الصغر

بالنسبه لكلامك عن المنتجات اللي بالنت سبق لي وجربتها ولكن من غير نتيجه
خصوصا انهم حاطينها لكل نوع من السمك ريحه خاصه
يعني تبخ هالمنتج على سلس على اساس تبي تصيد فيه كنعد لو مر على السلس هامور والا دويلمي اتوقع (بطق اللطمه) ويصد عن الطعم :D


شكرا على تفاعلك واثراءك الموضوع بتجربه حلوه :p


الأخ الغالي gulfhunter
الف شكر على مرورك وتعليقك
ولا شكر على واجب
فهذا المنتدى له افضال كبيره علي انا تحديدا وهذا اقل ما اقدمه تجاه هذا المنهل العظيم


الاخ العزيز ابوسعد
وانت كل سالفه لازم تجيب طاري الحمسه والمقلقل
اجل ثوم بقرقور لا بعد يقولون لو تحط صلصة (ندى) والا بصل هندي بيدخل القرقور شعوم وسبيطي
بس عاد مادري البصل مقطع حلقات والا مبشور ناعم :rolleyes:
بالنسبه لحليب السعوديه
لازم حليب ساده ؟ والا ممكن نكهات ؟ :D

الف شكر يابو سعد على التعليق والتفاعل
ويمكن الاخوان يعطونا من تجاربهم وخصوصا (التمر بالكافيار)



هلا وسهلا اخوي الخيول2002
اتمنى تنجح الفكره وتصيد اكبر كنعده بحياتك
واتمنى تطلعنا على تجربتك باقرب وقت

شكر على اثراء الموضوع بمشاركتك
اخوك (( كشات )) لاتودينا بداهيه مع (( مكشات )) :(



الاخ العزيز ابو عبدالله lone

بدينا نكسر سوق بعض من اولها
ياخي يقولون ان الكبسولات فعلا تجلب السمك
لكن ماتخليك تصيد الا التشم والمتشوا واذا حظك حلو ضربت عليك حياسه
<<<<< يبي يخرب باي شكل ;)
ابو عبدالله انت تبي الزيت والا الهدايا؟
نظرا للأقبال الشديد على المنتج فأننا وبكل اسف نبغلكم ان الهدايا نفذت تماما وكذلك سعر المنتج ارتفع 200%
وقريبا يمكنك المشاركه عبر الاتصال على 7009001 والاجابه عن السؤال التالي
في عام 1402 هـ وفي كورنيش الخبر قام صياد فلبيني بصيد سمكة قرقفان تزن (250 غرام)
السؤال :- ما نوع زيت مكينة سيارة جيران هذا الفلبيني ؟؟؟ :confused:

عندي لك اقتراح ابو عبدالله
بما انك انت اللي تعرف وين هذه الكبسولات
اقترح تشري للاخوان كم علبه وتزوعها مجانا عشان يعطوننا رايهم
شرايك

[النوخذة]

السلام عليكم ورحمة الله وبركاته

على فكرة ابو علي , هالأيام هاذي طلعت لنا افكار جديدة وغريبة ومجربة
وأذكر منها صيد السبيطي بالجبن والظاهر انها موظة هالسنة لأن اللي يمدحون هالطريقة واجد
وصيد الصافي في القرقور بالجت ( البرسيم )
وسمعت من واحد يقول انه صايد سبيطي بشحمة خروف مطبوخة
والطريقة اللي شفتها بعيوني , واحد حاط له ميدارين في خيطه والطعم طال عمرك ميدار ثوم , وميدار بصل والكلام هذا كان في العقير والغريب اني جيت اتلقف على الرجال ابي اسأله عن الصيد ولقيته يطعم من جديد (مسوي فيها راحت ريحة الطعم ) عاد انا سألته (وكان ولد شباب ومتحمس مرة )قلت له وش تصيد قال سبيطي وقلت وش طعمك قال هذا وأشر على صحن مافيه الا بصل وثوم عاد انا ابتسمت ومشيت من عنده بسرعة قبل لا انفجر من الضحك ولا تلموني لانه طعم غريب

[lone]

اخوي كشات... بدينا بالكلام اللي ما يصلح!!!!!
يعني لازم تحرجنا قدام الشباب في المنتدى؟؟؟؟؟؟ انت عارف انه اخر الشهر وتوني كاسر الحصاله عشان اخذ اللي فيها !!!!! :(
والا ترا الشباب يستاهلون...<<<<<<< يبي يرقعها :D

لكن عشان ما تزعل ولا تقول هذا يبي يكسر سوقي... باخذ منك كيلو على النوته والحساب بعد العيد...
مثلك عارف صرفية رمضان... وعقبه العيد... وما يندرا ايش يطلعلك بعدين...

هاه ايش قلت...قل تم :good2:

[كشات]

http://www.geocities.com/hraaar_1/1100218787_starting_word.gif


هلا وغلا باخوي النوخذه ابو عتيق

اما كلامك اشهد انه صحيح 100%
الافكار الجديده كثير ولاتدخل العقل الا من يشوفها بعينه او يسويها بنفسه
بس بشرط
لا يقول الا للي يثقون فيه لانها غالبا ما تدخل المخ

وكلامك على متمه يابو عتيق
شخص عزيز علي وله صوره حطيتها هنا(اللي شايل هامور وسبيطي ويشرب ببسي) قال لي من كم سنه انهم كانو طالعين هاف مون ويشوون دجاج وبعد مايكلون يقطون العظام بالبحر
المهم قال لي ما تتصور يابو علي شلون البحر بدى يطبخ وماتسمع الا مكافخ على السيف

الرجال ماكذب خبر
وبحكم انه من الزفرين ف سيارته لاتخلو من وجود خيط وكم ميادر طايحين هنا وهناك
الرجال (ردع)له خيط وحط له قطعة دجاج مشوي
يحلف انه مامداه يقطه الا (بحلجه)ويصيد على ماذكر 12 سبيطي ومازال الضرب مستمر
الا ان قال لي وحده اعتبرها قويه على المنتدى(اخاف ماتنبلع) بس انا مصدقه
يقول ضرب عليه سبيطيين حلالي :confused: وهو يسحبهم فلت واحد منهم وبعدهاتغير حال البحر وصار كانه بركه(ولا كأن فيه شي اسمه سمك)

ادري قويه :D بس شسوي تحمست مع السالفه ولازم اقولها




ابو عبدالله
الشباب اكيد يستاهلون ويستحقون اكثر واكثر
وبما انك مطفر ورمضان ومصاريفه مقبله
ماقول الا

ياحظك عندك فلوس بتصرفها برمضان والعيد
;)
<<<<احسن من اللي مايدري هو بيلقا مسجد يفطر فيه والا لا




اللهم لك الحمد على نعمك التي لاتحصى

[shark2005]

الفكره روعة بس اهل الغربيه محتاجين مترجم عشان نفهم بعض المصطلحات
وفقك الله