مشكلة .. افالون .. موية الراديتر مخلصه وداخله عند السايق عندي !َ من جد غريبه

[يفوق الوصف]

السلام عليكم

اخواني الكرام الخبراء

وانا ماشي بالطريق لقيت الحراره فوق النص واحنا بجو بارد واوقف السياره واتركها تبرد ولا موية الراديتر مخلصه مافيها شي ابد ؟؟ مع ان صار لها سنه ما نقصت ابد من شهر اخر مره شيكت


انا ضربت مطب من فتره ومدري كان له علاقه

المهم


اليوم الصباح تارك السياره من امس

ويوم جيت اركب لقيت ارضيه السايق عند الاقدام عزكم الله السجاد كله مويه ؟؟

من وين جا

وشيكت على الراديتر من بعد ما تركته امس الليل مليان لقيته ناقص شوي يعني حق علبتين مويه




اخواني الكرام صراحه شي يعجب !!!

[المغترب979]

المشكلة الظاهر سلمك الله من نظام الدفاية ماصورة الدفاية تهرب ماء
الحل اما تغير ماصورة دفاية
او انك تقفلها بالمرة وتريح نفسك حتى المكيف يبرد بعد

[ابوفاضل2]

مثل ماقال اخوي المغترب....
هذا رديتر للمكيف الحار داخل الطبلون
تحصله مشقوق او احد الليات حقته تهرب
تحياااااااااااااااتي

[جال النفود]

هذي شغلة بالمكيف طال عمرك شيك على الثلاجة أو المواسير

وبالتوفيق لك يارب .

[يفوق الوصف]

عجيبه والله طيب يالربع تعرفون واحد زين في شمال الرياض والله كل ما رحنا عند واحد نصب علينا
:(

بدون ذكر جنسيات عربيه والله ما خليت احد سوداني سوري يماني سعودي كلهم مريت عليهم والله واجد ياخذون

يالربع بشمال الرياض

[شبح الموت]

^
^
^
شمال الرياض انحش سرق ونهب وبدون خبره

انصحك بصناعية القديمة او صناعية 100 بالنسيم وابعد عن المراكز الكبيرة

[ولد وايل]

هذا اديتر الداخلي حق التدفئه رح عند حق المكيفات

[ملك الفكتوريا]

يا راجل مشكله سهله



بوصف لك كهربائي ممتاز بشرق الرياض اقرب لك من الجنوب وانا اكثر من مره يقول العطل من الشئ الفلاني غيره ويضبط وهو معروف


يالغالي قله يسد هيتر الماء الحار بإقل من 50 ريال وبكذا ما تستخدم المكيف الحار واذا تبغى تغيره غيره

الوصف

وانت طالع من الدائري على خريص رايح شرق ( للشرقيه ) امش وادخل مع طريق عبدالرحمن الناصر وهو المخرج بعد مخرج انكاس وتأخذ يسار بين وكالة مرسيدس وجيب ويصير اتجاهك شمال امش حتى اول اشاره تلقى على اليمين بالزاويه محطة نفط فيها سوادني اسمه خليل كهربائي ممتاز وعن تجربه


ووصف ثاني اقرب لك

تمسك طريق الملك عبدالله وتتعدى اشاره انكاس وانت رايح شرق ( لطريق جابر ) حتى تجيك الاشاره بعد تقاطع انكاس وهو شارع الحسن بن حسين ( المعرفه ) وتأخذ يمين وتتجه جنوب وسيده حتى يجيك حرف T وهو شارع الكهرباء وتاخذ يمين من الاشاره الاولى يصير وجهك غرب ويكون على يمينك هرفي والاشاره على طول قدامك يعني تلف يمين وتوقف للاشاره وتأخذ يسار ويصر حلويات السلام على يمينك وانت متجه جنوب تمشي مسافه تجيك الاشاره الاولى تقاطع مع طريق الامير بندر تعدها سيده للاشاره الثانيه تلقى المحطة بالزاوية على يسارك محطة نفط



بالتوفيق وان شاء الله الوصف سهل

[بدوي جنوبي]

انتظر قبل تروح بالسياره
لازم تفصل الليات او المواصير المتجهه للدفايه
عشان المويه ما تخلص عليك
ويخبط المحرك لا سمح الله

ترا فصلها سهل

انظر الصور

http://www.mekshat.com/pix/upload04/images188/mk32037_cooling_system.gif


http://www.mekshat.com/pix/upload04/images188/mk32037_cooling-system-radiator1.jpg


http://www.mekshat.com/pix/upload04/images188/mk32037_suzuki_cooling_system.jpg


http://www.mekshat.com/pix/upload04/images188/mk32037_g6coolantflow.jpg