اهل السفاري الفرارات تكفون

[راشد المخلفي]

السلام عليكم ورحمة الله وبركاته سوال عن الفرارات هل الدبل يشتغل اذا الفرارات مي مشتغلة و هل لازم اطفيها باستمرار و هل لها تاثير اذا جلست مشتغله و شكرا ...

[كلاسيكو]

حسب عرفي عنها انها تعفي الدبل وعمود الدبل عن الدوران ونت تمشي يعني تريح الموتر بس لاتنسى انك تكون حاطها اما على ofاو 4*2 بهالحاله تكون بدون دبل يعني مريح المجموعه الاماميه من عمود وكارونه
يخف الموتر معك وتفرق صرفية البانزين حتى لو كنت معشق الدبل مايضر لان العمود مفصول بيكون دفع السياره خلفي بس

اما التأثير احرص على الاصليه لجل ماتنفرط معاك لان التجاريه مرات تخون وتنفرط

وغيري يفيدك اكثر
كلاسيكو

[راشد المخلفي]

شكرا يا كلاسيكو و الكلاسيكو الريال و البرشا قريبا

[ابو هياا]

وعليكم السلام ورحمة الله وبركاته

ما أزيد على كلام أخوي كلاسيكو ما شاء الله عليه

وتعتبر الفرارات مهمه صراحه

كثير من أصحاب الجيوب يحرص على تركيبها .. لراحة السيارة لعدم دوران عمود الدبل

وإذا كنت محتاج للدبل حضر الفرارات (( ضعها على وضع 4*4 )) ويكون عمود الدبل شغال معك (( يرجع الوضع مثل شد بلد )) طبعاً الفرارات عملها تفصل العمود عن الدوران فقط

أخيراً الله يوفقكـ لما يحب ويرضا