السيارة باث فندر 2003 يدق سلف لكن ما يشتغل .. ارجو المساعده

[قرنديزر]

السلام عليكم ورحمة الله وبركاته ..


تحيه طيبه للجميع من محمية .. نفود العريق .. غرب محافظة ضريه

السياره .. باث فاندر 2003 قير تماتيك



المشكله وطريقة حدوثها :

شغلت الصباح ومافيه أي مشكله وتركت السيارة تحتمي ..

وطلعت اتمشى في البر ممكن قرابة الساعتين .. في خطوط صحراويه ما بين ارض قاسيه وارض رمليه ..

رجعت لمقر اقامتي بعد ساعتين تقريبا وطفيت السياره .. وبعد خمس دقايق .. شغلت ..

واشتغلت السياره اجزاء من الثانية وبدأ امبير ضغط الابنص بالتنازل .. حتى قامت السيارة تترتر .. إلى أن انطفئت ..

اعدت تشغيلها ولكن دون جدوى ..


شيكت على الفيوزات جميعا اللي في الغماره واللي في الكبوت وكلها سليمه ....



تقديري للمشكله انها متعلقة بعدم وصول البنزين .. لسبب لا اعرفه .. ولكن قمت بسحب السياره .. والمرور على مطاب ورقلات في الخطوط الصحراويه .. وحاولت التشغيل .. وبعد فتره اشتغلت السياره ...

وكانت ميه بالميه ..

تعدمت السير في خطوط فيها مطاب لكي يسقط ما قد يكون علق في صفاية البنزين ..

وبعدها سرت مح خط ازفلت ... بسرعة 180 كلم .. ولم الاحظ أي شيء ..

رجعت الى مقر اقامتي وطفيت السياره .. وانتظرت قليلا .. ثم شغلت ...

وعادت نفس المشكله .. في البدايه اشتغلت وتنازل الضغط من واحد الى الصفر مع ترتره في السياره ..

ولم تشتغل بعد ذلك ...

دقة السلف ممتازه واشارات الطبلون الزيت الماكينه و و و كلها تعمل بشكلها المعتاد ..


بعد انتظار اربع خمس ساعات .. شغلتها واشتغلت مره اخرى دون مشاكل ..


الخلاصه .. كل ما اجي من مشوار طويل نوعا ماء .. لا تشتغل السياره


............؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


اين تقع صفاية النزين وهل ممكن تكون سببا ..؟؟؟

هل هنالك حساس واين يقع وكيف اتأكد منه ..؟؟

كيف اتأكد من وصول البانزين ..؟؟ لاني فتحت الكبوت ولقيت ليات كثيره واحترت بينها ..


ارجو المساعده

[abo tayyar]

هلا بك أخوي قرنديزر ..
الحقيقة ما عندي علم عن المشكله وأستبعد أنها تكون من صفاية البنزين لكن غيرها واعتبرها قطعه استهلاكيه مكانها عند تانكي البنزين من الخلف..


الله يسهل أمرك

[الباثفندر 3.5]

اول شي لازم تسويه بدل فلتر هوا المكينه بواحد اصلي من الوكاله
و ان شاء الله راح يصير الموتر 100%

[هيبه ملك]

اخوي شيك علي طرمبة البنزين والصفايه

[الذيب 502]

حياك الله أخوي أولا الله يعينك على الباثفندر

وترى معي نفس موترك

أستبعد انها من صفاية البانزين عموما ترى موقعها على يسار الدفرنس إذا السياره قدامك

يبغى لك تنزل الاستنبته على شان تاخذ راحتك وأنت تغيرها

عموما شيك على الحساسات (حساس الهواء , حساس الكرنك ... الخ

وشيك على طرمبة البانزين

والله يسهل أمرك

[عاشق vip]

هلا فيك أخوي

هذي المشكله صارت مع أحد أقربائي .. معاه فورد .. ولما راح سأل الميكانيكي .. قاله من أحد الحساسات يسخن فوق المعتاد .. وما تشتغل السياره .. وكانت مشكلته نفس مشكلتك بالضبط .. يعني إن شاء الله تكون شغلتها سهله .. بإنتظار المشرفين والخبراء لتأكيد الحل ..

موفق خير

[aljnobey]

يا هلا بك وانا اخوك

انا باقلك وش تسوي

انت بالاول افصل الحساس اللي يجي بعد فلتر الهواء
يسمونه منظم هواء

واذا فصلته شغل السيارة وجرب تشغلها

واذا ما اشتغلت معاك ما لك الى ورشة عنده كمبيوتر لان الباث فيه حساسات يا كثرها

وياليت ترد لنا خبر وش كان عندك لو صلحت الموتر

[محترف]

السلام عليكم
الموضوع بإختصار ان طرمبة البنزين خصوصا اذا كان البنزين حول الربع تسخن وتقطع وتبي تتأكد ؟ إذا تفتف الموتر عب بنزين وإذا اشتغل انه منها وهذا الإحتمال الكبير (حصلت معي بنفس السياره)
وتحياتي لك ,,,,

[قرنديزر]

يعطيكم العافيه اول شيء على التواصل

المشكله تتكرر سواء كان البنزين فل اول اقل


المشكلة صارت في الكهرباء .. تتبعتها مع العامل ..

حتى اكتشفنا ان الخلل .. من كتاوت موجود في شنطة السيارة

اذا فتحت باب الشنطة اخلع التلبيسه اللي على يدك اليسرى وانت مقابل للشنطة وتجد الكتاوت موجود باحد الاسلاك ..

فصلنا و وصلنا مكانه سلك .. كحل مؤقت << بحكم اني في مكان نائي وبعيد عن المدن الكبيره ولا يوجد به قطع غيار



شكرا للجميع ..

[التورنيدو]

طرمبة البنزين لها عمر. متى غيرتها؟؟؟؟ غيرها وتسلك امورك اللي حاصل ان الطرمبه مره تفوت بنزين ومره تقفل من كثر الرواسب. ولا تعبث في موترك وان ماسلكت امورك فاقرب وكاله او ورشة كمبيوتر. لا تنساني من الدعاء.

[slj1416]

يعطيكم العافيه اول شيء على التواصل

المشكله تتكرر سواء كان البنزين فل اول اقل


المشكلة صارت في الكهرباء .. تتبعتها مع العامل ..

حتى اكتشفنا ان الخلل .. من كتاوت موجود في شنطة السيارة

اذا فتحت باب الشنطة اخلع التلبيسه اللي على يدك اليسرى وانت مقابل للشنطة وتجد الكتاوت موجود باحد الاسلاك ..

فصلنا و وصلنا مكانه سلك .. كحل مؤقت << بحكم اني في مكان نائي وبعيد عن المدن الكبيره ولا يوجد به قطع غيار



شكرا للجميع ..

الله يعطيك العافيه على طرح الموضوع وحل المشكله
الواحد لازم يتتبع ويفحص سيارته قبل لايروح الورش

[محمد العوني]

هذا ذنوبك يوم تكشت وتخليني في الرياض..:D

المره الجايه خلني على الباب الايمن :D