مقناص رقم2 خروبx خروب (مجموعة ترفع)

[المترو]

السلام عليكم ورحمة الله وبركاته ومساء الخير جميعا

وكل عام وانتم بخير ومن العايدين جميعا
وكما وعدتكم سابقا بلقاء قادم بعد مقناص قبل العيد وسبع الحباري (مجموعة ترفع ) بقيادة امير العدل والمساواة ابوصالح الله يحفظه ويعطيه الصحه والعافية وبقية الربع من (مجموعة ترفع)

وها هو المقناص الثاني بعد العيد مع (مجموعة ترفعوا) واميرنا بالمقانيص
1- الغالي ابوصالح
2-ابوفارس اللي بغا يقضي علي ولكن سلمت ولله الحمد تعرفون الله يحفضكم انتبهو تركبون مع راعي طير اذا هد طيره قسم بالله انه مايطالع وش بالارض عيونه بالسماء وهاذي شجرة يقشها وهاذي حصاة كبر الكفر يتوطاها وهذا جرف يطمره عشرة متر بالهواء والوكاد اني يوم وصلت لموقع طرحت الحبارى الا وانا دايخ وفاقد الذاكره مؤقتا

3-وطبعا ابو سعيد ابوقـــ...............كما وصفه احدهم الله يحفظه راعي الدحول اه منك يا(دفنن مندحل)
4-ابو محسن هذا الله يسلمكم سم حمربقص جرة الحبارى مظهرها مظهرها الله لايعوق بشر ماشالله عليه طايره تمشي تركض تحبري بقاع بصفا تركض تطير
يشوف المطير وماشالله عليه يمشي الى ان يوقف على مطبها كأنه اريل توجيهي ومتزند الجهاز اليدوي كما يتضح بالصوره وكأنه هذاك اللي يوجه الطائرات بالمدرج عند وقوفها نسيت وش اسمه

5-ابوريان راعي التوجيهات الصارمه والصائبه دوما وراعي معنا الله يحفظه
6-ابو ابراهيم طبعا هذا بخيص بالامور ماشالله عليه مايخفاه شيء بامور المقانيص الله يحفظه ويرعاه ويعطيه الصحه والعافيه
7ابوسلطان راعي الفلكوووون الله يحفظه
8-ابو محمد طبعا حبيب الجميع الله يحفظه
9- ابو ناصر محاكيكم
وافتقدنا راكان ابو اريام الله يجمعنا وياهم على خير
وادري اني طولتها وهي قصيره ووكثرت عليكم الهذره لكن تخيلو انا جميعا جالسين حول الضو ونسولف عقب مهدين او ثلاثه بخلا خالي باطراف شعاف لوقه او احد نقار عقارب اوباحد فياض الصمان وابو فارس او احد الربع يحوف دلتين هيل على النار وثالثتهن عويدي والكبيسه على النار
اقول يا دحم اخلص وحط الصور
وفيه واحد دق على يقول ماتخاف من العين لذلك لن اذكر عدد الحباري
ولمن لايعرف الخرب وجمعها خروب لغير الصقارين هو ذكر الحبارى الراقل بتاعها







http://www.mekshat.com/pix/upload04/images188/mk3016_mek1.jpg

وهذه لوحة على الطريق تدل ان المحميه فقط عن الرعي والاحتطاب فقط
مع الغرابه وجود اسم الصمان كا محميه مع العلم انه غير محمي






http://www.mekshat.com/pix/upload04/images188/mk3016_mek2.jpg




ويبداء البحث عن هذه المزيونه معشوقة الصقاقير والشيوخ واي واحد عند ذوق

http://www.mekshat.com/pix/upload04/images188/mk3016_mek3.jpg


ويبداء البحث عن الجره بكل مكان وفجاءة يطلع لي حصني والغريب انه ماهج وقف يتفرج علي
ولي قصه مع الحصني قبل كم سنه قانصين واشوف هاك الشيء يدورق وراء شجره قلت اكيد حبارى وانادي على الربع قلت يا الربع عندي شيء وراء شجره ويدورق وحنا الصبح وفيه شوي ضباب ومير اكمل قلت لالا حصني اشوف ذيله وشوي الا ويطير الحصني وانادي على الجهاز طار طار قالو هو اللي طار الحصني وتفشلت معهم قلت يا الربع انا اتكلم عن حصني صدق لكن طار من عنده طير اثره بومه كان يدرقها يبي يقول فيه فطور

http://www.mekshat.com/pix/upload04/images188/mk3016_mek4.jpg


وهذا اول الضحايا من الخروب المغروره وجابه الله وواضج كبره تحت الطير






http://www.mekshat.com/pix/upload04/images188/mk3016_mek5.jpg




وهذا ماتبقى منه يتم قياسه بالمعشا وبعد شبة الضوي وتدارس الخطط ليوم الغد للاطاحه بخرب اخر











http://www.mekshat.com/pix/upload04/images188/mk3016_6.jpg


وهذا ضحية اليوم الثاني ومعافرة للطير وذهب مع صيد العام


http://www.mekshat.com/pix/upload04/images188/mk3016_mek7.jpg



وهذه الروس واعتقد سوف احذف هذه الصوره فهي مرعبه



http://www.mekshat.com/pix/upload04/images188/mk3016_8.jpg


وهذا الامير يحمل الخرب ويتضح سواد غلوبه والله ياهو داهيه

http://www.mekshat.com/pix/upload04/images188/mk3016_9.jpg


اخرى لخرب اخر


http://www.mekshat.com/pix/upload04/images188/mk3016_mek11.jpg



وهذا ابو محسن السم الحمر على الحبارى وجرتها اللي ذكرته سابقا



يتبع

[المترو]

http://www.mekshat.com/pix/upload04/images188/mk3016_mek13.jpg


وهذا احد الربع يحمل الخرب ويحظنه يعد ما هدو عليه وخلصوه




http://www.mekshat.com/pix/upload04/images188/mk3016_mek14.jpg


وهذا انا احمل هذا الجني اللي نقصه من الساعه 8 الصباح الى العصر ولكن الله خلف تعبنا وجابه الله بعد هجيج ومره يطير ويوقع ومره يربض الصراحه اتعب خرب وامتع مهد



http://www.mekshat.com/pix/upload04/images188/mk3016_mek15.jpg
صوره ليليه للطيورماشالله تبارك الله بعد غرابيل الخروب الله يمتع اهلها فيها ويجعلها صايده دائم ان شالله





http://www.mekshat.com/pix/upload04/images188/mk3016_mek16.jpg


وهذا سم الحباري والجهاز اليدوي يحمله ويوجه الجره ولو مسافات طويله





http://www.mekshat.com/pix/upload04/images188/mk3016_mek17.jpg


وهنا غربت شمس المقناص وحانت العوده الى الديار بالنسبه لي واغلب الربع














وتدرون هنا اشرق القمر بشوفتكم



http://www.mekshat.com/pix/upload04/images188/mk3016_mek18.jpg


ولكم وافر الود والمحبه


ابوناصر

[حر ((قصاص))]

ماشاء الله تبارك الله صايد وفايد والله يجعلها متبوعه لامقطوعه ماخليتولنا شي الله لا يضركم والطيور ان طابت فهو من صقاقيرها واشكرك بعنف:D،،،تقبل محبتي واحترامي،،،

[][ الأصيل ][]

فالك طيب يابو ناصر

خوش مقناص الله يبارك فيك وفي خوياك
وفالكم اكثر ان شاء الله

[ولد جياش]

دوم ان شاء الله صااااايدين وفاااايدين والله يوفقكم ويوفقك الجميع !!!!!!! تقبل مروري

[شامان...]

ماشاء الله تبارك الله صايد وفايد تقبل مروري

[بو غازي]

ماشاءالله تبارك الرحمن
تسلم تسلم يابو ناصر وعسى الله لايغير عليكم:)

[راعي طلاع]

ما شا الله تبارك الله صايدين وفايدين جعلها دوم......

[قرناس شماالي]

مشكور اخوي ابوناصر
والف مبروك على الطرح وفالكم
الاجوال الطيبه
وعليكم بلعافيه

[الصارم1]

ما شالله الله يستر عليك وعلى الطيور

[الشامري711]

ما شاء الله عسى الله يرزقكم من فضله ..


تقبل مروري ..

[قنيص غير]

ما شا الله تبارك الله صايدين وفايدين

[قنيص غبر]

صايد وفايد . مني لك خالص التحيه

[صاحب نوماس]

ماشاء الله

صايد وفايد

[الــمــعــانــي]

بسم الله ماشاء الله
الله يعطيك العافيه اخوي على هالموضوع الي اكثر من رائع والصراحه اني دخلت جو المقناص والاجره وابشرووووبها شوووف العين ههههههههههههههههههههه
يالحلوووكم والله
الله لا يفرقكم يارب ولا يوريكم مكرووه ,,
المتروو بأنتظار جديدك ,,,
دمت بحفظ الله ,,

[مذخور]

ماشاء الله تبارك الله
الله يعطيك العافيه اخوي على الموضوع
مقناص جميل جدآ بارك الله فيكم جميعآ
ولاتحرمنا من جديدك لاهنت ,,,

[fesl]

كفو والله
الله يعطيك العافيه
صايد وفايد

[محمد الفهيد]

تقرير مميز عسى الله يمتعك دوم بالصيد والخوه الطيبه

[mish3al-]

ماشاءالله
تسلم يابو ناصر وعسى الله لايغير عليكم
ومشكور على التصوير الراااااائع

[ذراع الذيب]

السلام عليكم ورحمة الله وبركاته,,
مسيت بالخير يالمترو,,

ماشالله تبارك الله موضوع طيب وراعيه اطيب لاهنت وتصيدون وتفيدون,,
امتعتنا الله يمتعك دنيا واخره ومن يقرى والله يعطيك العافيه ويبارك فيك,,
تحياتي لك,,

[501]

يا جعلكم يالمترو دووووم صايديـــــــــــــــن وفايـــــــــــدين
501

[سطام F15]

بيض الله وجيهكم يالنشاما وتستاهلون الطيب يالذيابة تنومستكم ماشاء الله عليكم

تحياتي لك ولخوياك كلهم

[falcon 1]

السلام عليكم ورحمة الله وبركاته
ما شاء الله تبارك الرحمن ...صايد وفايد ان شاء الله وعساها متبوعه بالاجوال ما هي بمجبوعه ..الله يرزقكم من واسع فضله ويرزق جميع المسلمين

تحياتي الطيبه
اخوكم فالكن 1
والسلام عليكم ورحمة الله وبركاته

[ابو سلطان العتيبي]

ما شاء الله عليكم

صايدين وفايدين

والله يجمعكم على العزه

عشت معاكم جو

بارك الله فيك يامستشارنا

[صقرالعوسي]

ماشاء الله
الله يعطيك الف عافية
والله طيبت خاطرنا بهل صور الروعة
مشكورين وما قصرت يالغالي

[wwmfs]

مبروووووووووووك

صايدين وفايدين

[Abdulmalik]

منور الموقع بصورتك ابو ناصر

يا مال العافيه والله

ابو زياد

[مالك المصرى]

ما شاء الله

[راعي الجمس200]

ما شاء الله صايدين وفايدين

[أبو رداد]

ابوفارس اللي بغا يقضي علي ولكن سلمت ولله الحمد تعرفون الله يحفضكم انتبهو تركبون مع راعي طير اذا هد طيره قسم بالله انه مايطالع وش بالارض عيونه بالسماء وهاذي شجرة يقشها وهاذي حصاة كبر الكفر يتوطاها وهذا جرف يطمره عشرة متر بالهواء والوكاد اني يوم وصلت لموقع طرحت الحبارى الا وانا دايخ وفاقد الذاكره مؤقتا

هههههههههههه
الحمد لله على السلامه يابوناصر
وسلمت ايدك على هالتقرير الطيب

[نمر الصحراء]

مبروك مبروك اخوي صايدوفايد

[شرهان 4449]

فالكم الجول الله كريم