الباترول كلبريتر مايحمي الصباح

[المماتوس]

إلى مهندسي وخبراء مكشات مع التحية والتقدير
مشكلة في الباترول كلبريتر مايسخن الصباح من نفسه لازم ابقى على دواسة البانزين وسمعت فيه قطعة بالكلبريتر تستبدل وناوي اشتغل بيدي
إن شاء الله
وباقي توجيهكم لاعدمناكم وعلى فكرة إذا كان المكيف شغال وشبك الفريون أحيانا يبقى الضغط تحت الواحد مايرتفع هل فيه علاقة بين المشكلتين

[سارق الكحل]

شف طال عمرك

فيه حساس يباع سعره جديد بـ 260 ريال او تاخذه من التشاليخ حول الـ 80 ريال

طبعا موقعه يسار داخل الكبوت تحت القزاز يدخل فيه هوز ويطلع منه هوز للكربريتر

طبعا هو مسئول اذا اشتغل المكيف يرفع الريس

[المماتوس]

يعطيك العافية وصف دقيق

[المماتوس]

شف طال عمرك

فيه حساس يباع سعره جديد بـ 260 ريال او تاخذه من التشاليخ حول الـ 80 ريال

طبعا موقعه يسار داخل الكبوت تحت القزاز يدخل فيه هوز ويطلع منه هوز للكربريتر

طبعا هو مسئول اذا اشتغل المكيف يرفع الريس


هلا أخوي
تقصد فلتر لاصق في البدي مباشرة فيه ليات هواء للكربريتر
يعطيك العافية
وتبقى المشكلة الرئيسية

[ابوريما99]

والله يا خوك مانيب مهندس
بس قد حصل معي مثلك وإستشرت واحد فاهم وقال لي
سو صيانه للكلبليتر ،، يعني غير الإصلاح حقه وفلتر الهواء
وأهم شي ليات الهواء اللي داخله وطالعه من الكلبليتر
مع بواجي وأسلاك بواجي وبوبينه وبليتين جديد
وهذي كلها تسمى تصفيه الماكينه والمفروض
كل سنه الواحد يسوي التصفيه للمكينه

بس دامك ناوي تشتغل بيدك
إنتبه لـ ليات الهواء لاتفصل شي الا وانت عارف مكانه
عشان ماينقلب راسك ويحوسك

وبالتوفيق

[المماتوس]

أبو ريما99 كلك خير وبركة
المشكلة صارت معي سابقا في سيارة فورد وطلع قطعة صغيرة كهربائية ودفعت مبلغ 100 ريال
على فك برغيين بسكروب!!!

[رفيع المقآم]

^^^^^^^^^^^^^^^^^^^^^
القطعه اللي يقصدها اخوي بالفورد
هي حساس الهواء
وانا شريت مفكات بـ20 ريال وفكيتها بنفسي ونظفتها ببخاخ الكترونيات وركبتها واشتغلت صح
القطعه مكانها فوق الشوته
وتنفك بمفكات زي الجوال بس اكبر ومفتوحه من الداخل

[ابـــوزيــاد]

الاخ المماتوس (http://www.mekshat.com/vb/member.php?u=128062) بنسبه لتحميه الصباح فيه تماتيك يجي خلف الكبليتر لونه اسود يركب فيه سلك واحد كهرب
وله ميزانيه تحت يمكن مرخي فيها ونكانك من الرياض جبه لي وصلحه لك مجاني لن اشغله هذي كيد هبلتبي

بس هالحين عرفتلها من كثر مامريت المهندسين

[المماتوس]

^^^^^^^^^^^^^^^^^^^^^
القطعه اللي يقصدها اخوي بالفورد
هي حساس الهواء
وانا شريت مفكات بـ20 ريال وفكيتها بنفسي ونظفتها ببخاخ الكترونيات وركبتها واشتغلت صح
القطعه مكانها فوق الشوته
وتنفك بمفكات زي الجوال بس اكبر ومفتوحه من الداخل


صدقت بالضبط مثل ماتفضلت والله دروس وازيدك فيه مثلث ربل مجوف خلف الشوته إذا انثقب أوطاح منه لي تقول السيارة خبطت
وقيمته 10 ريال ويركب بدون قفزان ولولا رحمة ربك كان صار يمين ال 10 صفرين

[المماتوس]

الاخ المماتوس (http://www.mekshat.com/vb/member.php?u=128062) بنسبه لتحميه الصباح فيه تماتيك يجي خلف الكبليتر لونه اسود يركب فيه سلك واحد كهرب
وله ميزانيه تحت يمكن مرخي فيها ونكانك من الرياض جبه لي وصلحه لك مجاني لن اشغله هذي كيد هبلتبي


بس هالحين عرفتلها من كثر مامريت المهندسين
أبو زياد بيض الله وجهك وكثر من أمثالك ودي أشتغله بنفسي بتبع وصفك ويا أنا يا هو فاكه فاكه :hot:

[ابوريما99]

أخوي الـ المماتوس (http://www.mekshat.com/vb/member.php?u=128062)
بالله إذا بديت تشتغل فيها وجبت كل الاغراض والمفكات
أبي منك خدمه
شغل كاميرا الجوال
وصور الخطوات اللي سويت كلها
وإن شاء الله إنها بتضبط ومايروح تعبك خساره
وتفيدنا بالنتايج ونطبقها مثلك يامال العافيه
وبالتوفيق

[المماتوس]

هذا منظر جوي للكربريتر والليات اللي عليها الأسهم ملغاه مسكره عمدا؟؟
فكيت الغطاء وحصلت أشكال لخبطتني وعلى وصف الأخ أبو زياد صار الفيش رقم 3 وفكيته طلع فيه نابض حلزوني يضغط على حديدة صغيرة تفتح العين في الكربريتر وسرعان ماصابني الإحباط واليأس لقل الخبرة ونذالة العمالة تسألة ويلف ويدور علشان ماتعلم حسبي الله عليهم :mad: والمشكلة سيارتي الثانية بخاخات ولا أقدر أقارن بينهم حظ أبو هنود
.
.
http://www.mekshat.com/pix/upload04/images188/mk128062_100000.jpg

[المماتوس]

العلب 1-2-4 هل لها شغل بالتحمية فيها ليات بدون كهرباء أحد مرت عليه

[ابـــوزيــاد]

هذا منظر جوي للكربريتر والليات اللي عليها الأسهم ملغاه مسكره عمدا؟؟

فكيت الغطاء وحصلت أشكال لخبطتني وعلى وصف الأخ أبو زياد صار الفيش رقم 3 وفكيته طلع فيه نابض حلزوني يضغط على حديدة صغيرة تفتح العين في الكربريتر وسرعان ماصابني الإحباط واليأس لقل الخبرة ونذالة العمالة تسألة ويلف ويدور علشان ماتعلم حسبي الله عليهم :mad: والمشكلة سيارتي الثانية بخاخات ولا أقدر أقارن بينهم حظ أبو هنود
.
.

http://www.mekshat.com/pix/upload04/images188/mk128062_100000.jpg



لايصيبك احباط الى انت كاتب عليه رقم 3 فيه ثلات مسامير ارخ فيهن ولفه شوي جهت الرفرف لايمن ونشالله يظبط

[المماتوس]

بجرب إن شاء الله
علما أن المكينة صافية مافيه تقطيع والعزم ممتاز ولله الحمد والمشكلة عندي في الصباح والسيارة باردة وودي أنظف الكربريتر كصيانة ولو بخاخات كان أبدعت فيها لكن هذا أخاف أجيب العيد

ومن القلب أقولك
جزاك الله خير على اهتمامك وحرصك على مصلحة اخوانك

[You Like Me]

مدام الموتر صافي ومافيه الا العافيه
ما شاء الله تبارك الله
لا تحوس على نفسك الكاربريتر ترا حرك تبلش
انا نفس الشي عندك موتري كان ياسلام سلم ومافيه الا العافيه
بس مشكلتي بتحميه الصباح قلت الشتاء جاء خلني ازينه وافتك
وورطت عمري يليتني ما تلقفت ولمست الكاربريتر الحين الموتر يتفتف
ويدخن ومن ورشة لورشة آخرتها في ورشة التركي قالي غير الكاربريتر
وغيرته ولي شهرين الحين كل يومين ارجع له نفس المشكله والله اني استحيت من كثر
ما ارجع اقوله خرب مره ثانيه

[وسيع البنايد]

مدام الموتر صافي ومافيه الا العافيه

ما شاء الله تبارك الله
لا تحوس على نفسك الكاربريتر ترا حرك تبلش
انا نفس الشي عندك موتري كان ياسلام سلم ومافيه الا العافيه
بس مشكلتي بتحميه الصباح قلت الشتاء جاء خلني ازينه وافتك
وورطت عمري يليتني ما تلقفت ولمست الكاربريتر الحين الموتر يتفتف
ويدخن ومن ورشة لورشة آخرتها في ورشة التركي قالي غير الكاربريتر
وغيرته ولي شهرين الحين كل يومين ارجع له نفس المشكله والله اني استحيت من كثر

ما ارجع اقوله خرب مره ثانيه



هذا الكلام الصحيح وان كان الدعوه تحميه خلك داعس الدواسه دقيقتين بس لين تحتمي المكينه وتضمن انها ما تطفي ولا تحرك في الكلبريتر تبلش به

[الباحث_6610]

إلى مهندسي وخبراء مكشات مع التحية والتقدير

مشكلة في الباترول كلبريتر مايسخن الصباح من نفسه لازم ابقى على دواسة البانزين وسمعت فيه قطعة بالكلبريتر تستبدل وناوي اشتغل بيدي
إن شاء الله

وباقي توجيهكم لاعدمناكم وعلى فكرة إذا كان المكيف شغال وشبك الفريون أحيانا يبقى الضغط تحت الواحد مايرتفع هل فيه علاقة بين المشكلتين

ياهلا والله اسف ماعندي خبرة بس الأخوان ما يقصرون

[sa3t]

لله درك يا ابوزيادعندي نفس مشكلت صاحبنا من الشتاالماضي واتبعت طريقتك ولفيت القطعه رقم3 ورجع موتري مثل الاول وكثر الله من امثالك

[هلا هيلو]

السلام عليكم ورحمة الله ة وبركاته
الشباب ماقصروا وأنا ابظيف على كلامهم نقطه واحده وهي أن الذي يتكلمون عنه يسمى الشفاط
الشفاط قطعه بلاستيكيه لونها أبيض تجي خلف الكلبريتر وهي لها دخل في تحمية الموتر لانها تثبة الابنص على الدعسه الاولى

[alimuhammed]

اخوي قبل ما تتعبث في القطعة رقم ثلاثة ثأكد من لهات الشفاط لا يكون اللي قبلك رابطها ما تسكر حركها بيدك جهة الاغلاق فان تحركت و سكرت فممتاز سرنا نحو الاتجاه الصحيح

يبقي الهيتر الاسود المرقم برقم 3 في الصورة عمليته اذا فتحت السويك توصل الكهرباء للهيتر فيسخن و يتمدد و يبتعد عن اللهات فتفتح
اذا صار باردالهيتر يغلق اللهات

------------------
اذا فكيته لازم عند التركيب تنتبه للهيتر ان يكون مسند للذراع تبع اللهات و يغلقها

[alimuhammed]

شوف اللهات المقصودة هي الرقم 5
حرك الهيتر رقم 3 حسب اتجاه السهم الى ان يغلق ثلثين اللهات وجرب فان نفع و الا زد الى ثلاثة ارباع الاغلاق
حسب الصورة المعدلة
http://www.mekshat.com/pix/upload04/images189/mk170914_mk128062_100000.jpg

[المماتوس]

أخوي الـ المماتوس (http://www.mekshat.com/vb/member.php?u=128062)
بالله إذا بديت تشتغل فيها وجبت كل الاغراض والمفكات
أبي منك خدمه
شغل كاميرا الجوال
وصور الخطوات اللي سويت كلها
وإن شاء الله إنها بتضبط ومايروح تعبك خساره
وتفيدنا بالنتايج ونطبقها مثلك يامال العافيه
وبالتوفيق


المعذرة يابو ريما صابتني ربشة ماشفت ردك
وعذرا على التأخير أخذت شوي برد وقمت أتفتف مثل كلبريتري :D

[المماتوس]

الأخ You Like Me
والأخ وسيع البنايد
والأخ الباحث
يعطيكم العافية
أهم شئ أتعلم وأطلع بشئ
وإن خرب الله لايخسر
أشكر مروركم

[المماتوس]

لله درك يا ابوزيادعندي نفس مشكلت صاحبنا من الشتاالماضي واتبعت طريقتك ولفيت القطعه رقم3 ورجع موتري مثل الاول وكثر الله من امثالك

ماشاء الله ومبروك عليك
كل ماتشغل موترك ويحمي تدعي لأبو زياد :)

[المماتوس]

السلام عليكم ورحمة الله ة وبركاته
الشباب ماقصروا وأنا ابظيف على كلامهم نقطه واحده وهي أن الذي يتكلمون عنه يسمى الشفاط
الشفاط قطعه بلاستيكيه لونها أبيض تجي خلف الكلبريتر وهي لها دخل في تحمية الموتر لانها تثبة الابنص على الدعسه الاولى
يعطيك العافية نعم هي القطعة اللي في الصورة

[المماتوس]

اخوي قبل ما تتعبث في القطعة رقم ثلاثة ثأكد من لهات الشفاط لا يكون اللي قبلك رابطها ما تسكر حركها بيدك جهة الاغلاق فان تحركت و سكرت فممتاز سرنا نحو الاتجاه الصحيح

يبقي الهيتر الاسود المرقم برقم 3 في الصورة عمليته اذا فتحت السويك توصل الكهرباء للهيتر فيسخن و يتمدد و يبتعد عن اللهات فتفتح
اذا صار باردالهيتر يغلق اللهات

------------------
اذا فكيته لازم عند التركيب تنتبه للهيتر ان يكون مسند للذراع تبع اللهات و يغلقها


:good2: الله يجزاك خير
فعلا اللهاة واقفة تحرك جزئيا وتقف
والهيتر فكيته ورجعته زي ماكان ووجهني أبو زياد في رد سابق لتحريكه قليلا ولم أفعل
لأن السيارة ماتصفي على الضغط رقم 1
والآن بعد ماطبقت كل شي شغلت السيارة بصعوبة وبعد ما أدعس على الدواسة تقطع ع 1 وتحته صافية مشيت فيها تقطيع عجيب وصوت في الدبة تحت السواق (قرقعة) ودخان أبيض وأزرق والعزم ضعف مشيت عليها مشوار وصفت ورجعت صافية !!
وناوي أشيل الكلبريتر من جذورة وأشتري طقم إصلاح وبخاخ وأقطع قلبه وأعيد تركيبه
أخوي الباترول 97 مركب له مكينة باترول 2002 م 4500
ليش اللي قبلي ثبت اللهاة؟
وليش بعض لياة الهوى ملغاة؟


بيض الله وجهك ووجه من أدلى بخبرته
وبإنتظارك أخي وأنتظار بقية الإخوة

[بومهاوش]

نصيحة لوجه الله يا اخ مماتوس

و كانك تتعض اقرأ كلام You like me فوق كلامه صحيح

الكربريتر لا تلمسه دام اموره طيبة بينحاس عليك و تندم و تسب الساعة اللي لمسته فيها لانه مهما سويت ما راح يرجع زي الشد بلد و التقطيع بيصير فيك فيك و انسى عزم السيارة .

ملاحظة: الكربريتر الجديد بحول الـ2000

[alimuhammed]

:good2: الله يجزاك خير
فعلا اللهاة واقفة تحرك جزئيا وتقف
والهيتر فكيته ورجعته زي ماكان ووجهني أبو زياد في رد سابق لتحريكه قليلا ولم أفعل
لأن السيارة ماتصفي على الضغط رقم 1
والآن بعد ماطبقت كل شي شغلت السيارة بصعوبة وبعد ما أدعس على الدواسة تقطع ع 1 وتحته صافية مشيت فيها تقطيع عجيب وصوت في الدبة تحت السواق (قرقعة) ودخان أبيض وأزرق والعزم ضعف مشيت عليها مشوار وصفت ورجعت صافية !!
وناوي أشيل الكلبريتر من جذورة وأشتري طقم إصلاح وبخاخ وأقطع قلبه وأعيد تركيبه
أخوي الباترول 97 مركب له مكينة باترول 2002 م 4500
ليش اللي قبلي ثبت اللهاة؟
وليش بعض لياة الهوى ملغاة؟


بيض الله وجهك ووجه من أدلى بخبرته
وبإنتظارك أخي وأنتظار بقية الإخوة

لا لا تشيله من جذوره ما دامه كان صافي
ارجع لرقم ثلاثة و خفف من الفرة التي فريتها قليلا حتى اذا شغلت السيارة الصبح يحمي و لا يكتم السيارة

اللي انت سويته انك زودت الشفاط الى ان صار يعطي بنزين زيادة

================
يبقى عليك انك تحاول في اللهاة انها تكون حركتها سلسة ما يرجعها الا السبرنق

[alimuhammed]

بالنسبة لتثبيت اللهاة يلجأ له لتلافي زيادة البنزين عند التحمية صباحا
و حلها زي ما قلت لك بالوزنة الصح للشفاط


اما اغلاق الليات فالسيارة جديدة تكون البلوف التي تعمل على الفاكيوم جديدة و ليس فيها تنسيم من اهتراء الربلات من الحرارة
لكن اذا استقدمت السيارة فتكون الربلات التي في البلوف مهترئة و تدخل هواء للكربريتر فتصبح السيارة غير صافية حتى لو حاولت بشتى الوسائل لتصفيتها
فيكون ليس هناك حل الا اغلاق هذه الليات لتصبح السيارة صافية
الليات المهمة و التي لابد من تشغيلها و شبكها في الكربريتر
1 - لي الديلكو
2 - لي المكيف
3 - لي الباكم
طبعا الغالب ان لي الباكم و المكيف يشبك في الثلاجة على طول وليس في الكربريتر الا في بعض السيارات

[هوايتي مكشات]

الله يعطيك العافية.......

[المماتوس]

بالنسبة لتثبيت اللهاة يلجأ له لتلافي زيادة البنزين عند التحمية صباحا
و حلها زي ما قلت لك بالوزنة الصح للشفاط


اما اغلاق الليات فالسيارة جديدة تكون البلوف التي تعمل على الفاكيوم جديدة و ليس فيها تنسيم من اهتراء الربلات من الحرارة
لكن اذا استقدمت السيارة فتكون الربلات التي في البلوف مهترئة و تدخل هواء للكربريتر فتصبح السيارة غير صافية حتى لو حاولت بشتى الوسائل لتصفيتها
فيكون ليس هناك حل الا اغلاق هذه الليات لتصبح السيارة صافية
الليات المهمة و التي لابد من تشغيلها و شبكها في الكربريتر
1 - لي الديلكو
2 - لي المكيف
3 - لي الباكم
طبعا الغالب ان لي الباكم و المكيف يشبك في الثلاجة على طول وليس في الكربريتر الا في بعض السيارات

بيض الله وجهك
شرح متمكن دون تكلف واضح
ما قصرت الله يزيدك من فضله