استفسار ياجماعة مكشات

[كشتة بدوي]

بسم الله الرحمن الرحيم

السلام عليكم ورحمتة الله وبركاتة:

يااخواني انا عندي سلقة لما تطرد الجربوع وتطيد الجربوع تأكلة وش الحل معة

[abo.hamad]

عودها على دجاج مشوي

تقبل مروري abo.hamad

[صقر الشماااال]

ياهلا والله بك اخوي كشتة بدوي

الحل عندي
يوم السلقه تعض الجربوع اول ماتاكله لحق عليها وحط ملح ساسا ولا خشن
داخل فمها وراح تشوف حالة استفراغ عندك وبعدها ما راح تأكله

والطريقه انا بنفسي مجربها

تقبل مروري اخــوووكـ : صقر الشماااال

[الذود العفر]

أهم شي لاتكون جوعانه ولا تلوم السلوقي لا أكل الجربوع بسبب الجوع ,,

وطلعها مع سلق ماتأكل الجربوع ومع الوقت تعود وتشوف السلقان تجيب لك الجربوع وأذا جابته لك مسح عليها

وأذا أكلته حاول بقدر المستطاع أنك تطلعه من حلقها عشان ماتعود تأكله نيء ,,

أتمنى أن أكون أدتك لو بالقليل ..

[طيــر شلــوى]

يالله حيه ،

يابعدي لاتحط لها ملح ولا شيء .. ( عشان ان حطيت على فمها ملح تصير تكره الجربوع ولاتطرده ) ..

طلعها مع سلق ماتاكل الجربوع مره مرتين ثلاث وبعدها شفهاا ..

وان شاء الله تظبط معاك والله يوفقك ، ..

[كشتة بدوي]

مشكورين اخواني علي الردود الجميلة

[طير بيروت]

لاتجوع السلقه يابدوي يابن الحلال ترى السلق تاكل الصيده من الجوع وتنقطع من الجوع السلق ماهي زي الطيور يابن الحلال زي واحدلقيته مجوع سلقه يقول يومين ما اكلن الا الماء فقط واشكالهن صايره هياكل عظميه والعياذ باالله لازم تاكل السلق قبل الطرد وانا ما اقول شبعهن عطهن شي يسد جوعهن في المقناص
والوقت اللي مافيه مقناص عطهن واكرمهن

[بدوي.]

ما قصرووو الشباب وفو وكفو

[الــحـاكــمــ]

أولا" تجويع السلق أكــــبر غــــــــــــــلـط

ثانيا" السلقه إذا طرحت الجربوع أمسكها

وإخنقها خنق خـــــــفيف

وقلها عــــــــيب عـــيب

وكرر معها وإن شاء الله تضبط معك

[الشلفان]

افادوك الاخوان
ولا تجوووووع السلقه

[مراقب الصيد]

عودها على الاكل المطبوخ والمشوي .

[شامان...]

يفدونك الاخوان

[التميمي11121]

لاتكون جوعانه وزي ماقالو الاخوان

[حكيم زماانه]

افادوك الاخوان

[فتى الحماد2]

ماقصرو الاخوان