تكفون اعطوني سعر هالجيب كم يسوى--- بسرعة البرق لاهنتوا :

[الزعيم222]

السلام عليكم ورحمة الله وبركاته 000

اخواني الاعزاء 000 كل عام وانتم بخير ومن العايدين الفايزين 000

حصلت جيب في اكس ار موديل 1994

فية دقة خفيفة من الرفرف الايسر بسيطة والباقي للامانة : والله نظيف بالحيل
مواصفاتة كالتالي :

قير اوتوماتيك
فتحة بالسقف
بخاخ
سبير علاقي بابين
اللون ابيض
جلد من الداخل
الفرش لون ازرق

يقولي راعية فية حنة خفيففففففففففة على الثمانين مايدري وشي ولاراح فية للصناعية لحد الحين

والسيارة محدودة 37000 الف ريال
((السيارة تراهي زوينة ونظيفة بالحيل من ناحية البودي والمحركات ))

ياجماعة الخير هل السيارة تساهل هالقيمة أو فية مبالغة بسعرها
واللي عندة معلومة عن سعرها التقريبي
لايبخل علينا فية

وبارك الله فيكم اجمعين

[قاطع أشاره..؟]

شف يالغالي ,,
,, اذا انت مقتنع والله لو نجتمع كل اعضاء المنتدى نبي نقنعك عشان ماتشتري ماافيه امل الا بأذن الله ,,
,, يعني المسأله هنا قنااعه ,, والشي رااجع لك ,, وقبل كل شي اللي كااتبه الله بيصير ,,

,, اوما عن الموتر فمن نظرتي المتوااضعه اضنها سوومه جداااا حلووه ,, ورغم انه فكسار الله يعينك عالبنزيزن خصوصا القديم ,,

,, وشف وضعك وشاور نااس ثقاات واستخر وتوكل على الله ,,

,, بالنسبه للحنه تأكد هل هي بالكاارونه اذا بالكارونه فالله يعينك ,, وهذي ماتطلع ألا اذا صاار الموتر معلووك ومجلوود واسال مجرب وبتتعب مع الدفرنس ماتلاقي نظييييييف ,,

[عناز الحره]

اوافق اخوى قاطع الاشاره
وان قدرت تطرح منه 2000 تراك ماخذه بلاش

[ملهاب]

كم ممشــــــــــــاه

وترى قير تماتيك 6 سلندر مايصلح

[ابوميس الحلوه]

السلام عليكم جميع
عزالله اللي قال ان 6 سلندر قير اوتوماتيك مايصلح انا ايده
لانه وانا اخوك معي قير عايدي 95 VXR يالله يخارج عمره ومعه واحد مغرز :D.
اذا لقيت عايدي خذ ولا تشاور بعدين انتبه الحين اي قطعه غيار تبيها يبيلك تدور على
محلات قطع الغيار شوي .
هو بتلقاها لكن فيه اشياء يقولك ماعاد نجيبها ماعاد عليها طلب لأن الموتر قديم
رحت ادور بليتين الكتروني يالله لقيت وحبه وحده في صناعية النسيم .
تطلعلك اشياء تنكد عليك انصحك تدور لك من 98 وطالع مع اني عارف ماراح تكون مثل صبر 97 ونازل .
الله يكتب لنا ولك اللي فيه خير وصالح للجميع .

[العنابي 616]

سعره ممتاز جدا

و أستغرب من بعض الردود و لله الحمد أنا معي 95 قير عادي كربريتر يمشيني بالخط 750 كيلو
و عزمه ممتاز جدا يطارح المديلات الجديدة عن تجربة
و بالنسبة لقطع الغيار كل القطع اللي أبغاها لقيتها على طول و بدون أي إنتظار

[راعي المجزل]

تماتيك وموديل 94 والداخلي ازرق حد اقصى والله اعلم 35 الف ريال

[white heart]

تماتيك وموديل 94 والداخلي ازرق حد اقصى والله اعلم 35 الف ريال

كلام مزبوط

[metub1404]

اوافق اخوي قاطع اشارة واقول لة انتبة من ساهر
والله يرزقك

[ffaa1100]

ياخوي انحش خله يولي أنا بايعه موديل 97 نظيف زي الوردة اقسم بالله أنه نظيف جنيه بايعه 37000 رغم أني أعرف أسعار السيارات, مايسوى فص بصل , قسما بالله أن تندم إذا شريته تماتيك ماينفع أبد,ياخوي نصيحة قبل لايقع الفاس في الراس, أكيد هذا شريطي وناوي يحطه بحلقك والله غالي مرة جدا جدا , أقسم بالله نصيحة من القلب بعد ما جربته سنوات لاأريد الإ الحق