كم ياخذ من علبة زيت الباترول الفتك ..؟

[الكرك الاكحل]

السلام عليكم ورحة الله وبركاته ...
حي الله اعضاء ومشرفين مكشات كلن بسمة
عندي استفسار كم ياخذ من علبة زيت الباترول الفتك ..؟
علماً انا معي باترول فتك 2006 ..
لان احترت ناس تقول بالكاتلوج مكتوب 6.5 بدون سيفون ومع السيفون 6.8
وناس تقول 7 بدون سيفون ومع السيفون 7.5
وناس تقول 7 بدون سيفون ومع السيفون 8

والسلام خير الختام

[ابونواف نيسان]

صباح الخير اخوي انا معي باترول فتك وغير عند البنشر 6.5 بدون سيفون ومع السيفون 6.8

[عين حصنان]

8 علب مع السيفون عند الوكاله

اعاير الزيت القاه 100 % ماهو زايد

سيارتي سفاري 2006

انصحك بالفلتر الاصلي من عند الوكيل او الوكاله

لا تاخذ الفلتر من عند محلات البنشر لانه تقليد

ويسبب طقطقه في البلوف عند التشغيل

الله يوفقنا وياك

[الثويرات]

كثير من الناس تتفلفس على غير علم.

انصحك انت وكل صاحب فتك بالكميه هذي 6.5 بدون سيفون ومع السيفون 6.8

[صباح القايله]

نعم مثل مذكرا اخوي الثويرات
ومذكور في الكتلوج

[جهام القصيم]

حط 6 علب إو ريح بالك نص علبة لايؤثر ابداً بل ينفع بعدم تهريب الصوف الكلام من واقع تجربة

[راعي طويلات]

وعليكم السلام ورحمة الله وبركاته
أخوي أنا مستخدم أكثر من فتك قير تماتيك وكلهم وزنيتهم 7 علب كاملة بدون سيفون ومع السيفون 7 وربع طبعا العيار بيكون على نهاية العلامة أما الأخوان الي يزودنه عن هالحد فبيكون الزيت زايد وواصل لحرف H والي ينقصونه راح يكون تحت العلامة أو الشرطة الأخيرة قبل H
أما العادي بحكم التجربة ياخذ 7 وربع بدون سيفون و7 نصف مع السيفون ويكون العيار مضبوط 100%
والأفضل تعايره بنفسك علشان تشوف وش وزنية موترك بالزيت ولاتحتار من الأراء الي تجيك

[عين حصنان]

كثير من الناس تتفلفس على غير علم.

انصحك انت وكل صاحب فتك بالكميه هذي 6.5 بدون سيفون ومع السيفون 6.8



الله يجزاك خير ... كسبنا أجرك

[برايدوي عنيد]

هلا بك اخوووي .........

معي فتك 2003 كنت اغير له 7 علب مع السيفون وتقريبا 6,8 بدون السيفون ومقياس العيار ممتاز جدا يعني تقريبا بين الخط وحرف H.

وقريت من كلام بعض الاخوان اللي بالمنتدى وبعض يتكلم عن الكتالوج يقول 6,8 مع السيفون و6,5 بدون سيفون , والان اغير نفس كلام الاخوان يكون على الخط تقريبا اول اقل بقليل .

يعني كل الفرق تقريبا 300 مل يعني مامنه مضره ان شاء الله .

الزود يسبب خراب صوف وكذلك النقص يضر المكينه , وعلى قولتهم الزود اخو النقص .

وبالاخير اتمنى من الاخوان لايكون بينهم شي علشان شي كلن يتكلم من واقع تجربتهم لان الخلاف لايفسد للود قضيه .

هذا مالدي وتقبل مروري....

[الكرك الاكحل]

الله يجزاكم خير جميعاً

[رحال 007]

أنا عندي ربع فتك 2015 والله أني أعبيه 6.8 مع السيفون يطلع ناقص عن المعيار المطلوب وايضا 7 علب مع السيفون طلع ناقص تحت الشرطه وعبيته 7 علب ونص ممكن تحت النص وفوق الربع وطلع معي المعيار المطلوب الي هو على الشرطه الي قبل حرف ال H يعني ممكن نقول تختلف الكارتيرات من فتك إلا فتك ثاني والوكاله ماعاد اصدق كلامهم يقولون 6.8 ويطلع معي ناقص الي عنده خلفيه في الموضوع الله يجزاه خير يقولنا وش السبب لأنني في حيره من امري ناس يقولون 7 إلا ربع مع السيفون ويطلع معهم صح وأنا يطلع عندي ناقص واعبيه الآن 7 ونص وممكن ينقص من النص شي بسيط ويطلع المعيار مضبوط ممكن المشكلة في معيار الزيت وموتري جديد ماشاءالله ماشي الآن 12 الف ربع ستاندر قير عايدي يعلم الله يا إخوان احترت منه

[1824]

يا اخوان حرف H مو معناته فل هذا مو معيار الفل اذا نظام المعيار عندكم غير عن السيارات الثانية الي هو C و H يعني الزيت بارد والزيت حار اذا السيارة سخنتها بعد تغيرك للزيت ما يقل عن 5 دقايق وطفيتها 2 دقيقتين على الاقل وتشيك بتشوفه H بتغير 6.8 مع السيفون زي ما ذكر الكتلوج واي شيء فوق كذا يعتبر زايد وبيفقع لك الصوف مستقبلآ بالتوفيق لكم واتمنى اكون افدتكم

[رحال 007]

صادق أخي الغالي وأشكرك وأنا معك في النقطة الي تتكلم عنها لكن القصد بعد تغيير الزيت اليوم الثاني بعد مايوقف اقل شي 9 ساعات في مكان معتدل ومستوي أعاير معيار الزيت الاقًيه ناقص عن الشرطه اقل شي نص علبه هذا يعني ان تعباتي 6.8 غلط لا زم يزيد نصف علبه يعني مع السيفون اعبي 7 وربع ويطلع معي المعيار صح وسلامتك

[ابوسند9]

يا جماعة الخير
معانا فكتات ماشيه الان اكثر من نص ميلون كيلوووو وما نغير اللى على 9000 الف كيلو
مكتوب با الكتالوج 6,5 لتر بدون سيفووووون
و 6.8 لتر مع السسسسسسسسسسيفون
وعيار الفتك اذا كان بين الخطين ما عندك مشكله
وانا ما ادري بعض الناس يجيك يغير زيت ومن ثم يسحب العيارويشوف الزيت؟؟؟؟؟؟؟؟؟؟؟؟؟ لا ويشغل السياره عند البشر ومن ثم يجلس يعاير السياره !!!

مكينة الفتك يجلس الزيت ساعات ما نزل الزيت للكرتيل
طيب ليه ؟ اتمنى اجد جوووب !! ما دام ما عندك تهريب صوف

[فتك08]

يا جماعة الخير
معانا فكتات ماشيه الان اكثر من نص ميلون كيلوووو وما نغير اللى على 9000 الف كيلو
مكتوب با الكتالوج 6,5 لتر بدون سيفووووون
و 6.8 لتر مع السسسسسسسسسسيفون
وعيار الفتك اذا كان بين الخطين ما عندك مشكله
وانا ما ادري بعض الناس يجيك يغير زيت ومن ثم يسحب العيارويشوف الزيت؟؟؟؟؟؟؟؟؟؟؟؟؟ لا ويشغل السياره عند البشر ومن ثم يجلس يعاير السياره !!!

مكينة الفتك يجلس الزيت ساعات ما نزل الزيت للكرتيل
طيب ليه ؟ اتمنى اجد جوووب !! ما دام ما عندك تهريب صوف

كلامك يابوسند :good:
نفس مكتبت هو ماهو موصى به في دليل المالك من الصانع و هو ماأطبقه

[مليك]

مع السسيفون ثمان الا ربع ...
وبدون سيفون سبع الا ربع وتاكد من القياس بنفسك

[كن متفائلا]

السلام عليكم

سيارتي فتك 2014 صالون غيرت الزيت المجاني بعد 1000 كم عند الوكالة

وامس ثاني تغييره على 10,000 خارج الوكاله مع السيفون

قلت للبنشري يعبيه 6,8 حسب دليل المستخدم

اليوم عايرته لقيته تحت الخط العلوي شوي

زدته باقي العلبه السابعة طلع تماما على الخط

وهذه هي الوزنية اللي بأعتمدها دائما وهي

تغيير الزيت كل 10 الاف كم مع السيفون 7 علب نوعية كاسترول 30-10

[التعـ King ـديل]

صحيح الموضوع قديم ولكن للفائده


مع السيفون 7 علب وبدون سيفون 6.5

الافضل زيت ثقيل 20/50

[المتلولس]

الارقام اللي بالكتلوج هي اللي صح

[vtc-6688]

6.5 بدون سيفون ومع السيفون 6.8
هذا العلم الوكاد وسلامتكم ,,,

[مجالس الرجال]

صحيح الموضوع قديم ولكن للفائده




مع السيفون 7 علب وبدون سيفون 6.5


الافضل زيت ثقيل 20/50





ياليت توضح ليش الثقيل هو الأفضل مع ان الموصى به يبدأ من الخفيف والثقيل خيار اخيرهل كلامك خاص بالباترول 4800 و 4500 او عام

[ابو العطاء]

كلام طويل

الاختصار افضل اللي عند المشحمه مهوب فاضي يقراء السوالف عطونا كم علبه وفكونا من القرق

[ابوسند9]

كم ياخذ
البنشري لو الود وده كان حط كرتون
والمصنع والتالوج يقول
6.5 لتر بدون سيفون
مع السيفون 6.8 لتر