دفرنس الشروكي استخدام ياباني

[عزوز تبوك]

حبايبي المكشاتيه السلام عليكم ورحمة الله وبركاته
عندي شروكي استخدام امريكي كلاسك قير تماتيك اربع ابواب موديل 1998
غيرت له دفرنس خلفي استخدام ياباني من السكراب اللي يجي مقصص لقيت دفرنس الياباني اصغر من الدفرنس الامريكي. مع انه نفس القوه39/11 ويقول لي صاحب التشليح أن الياباني أفضل لأن فيه (كلتشات) لمنع الانزلاق يعني(الزحلطه) أبيكم ياحبايبي تجاوبوني على سؤالين لاهنتوا/
1-ليش دفرنس الياباني اصغر مع انه نفس القوة وهل فيه ضرر على السيارة
2- الكلتشات وش الفايده منها ويش الضرر منها.
واللي يجاوب له دعوات صادقه من اعماق قلبي . والسلام عليكم

[K.S.A.A]

والله الدفرنس له دور فعال في عزم الموتر وفي آخر الممشى طبعا مو الدفرنس الدفرنس المقصود ( الكرونه والبنيون )
يعني لما تكون الكرونه كبيره تشوف الموتر عزمه ثقيل بس بآخر الممشى يعجبك ويكون يمشي على راحته لاحنه ولاشي
أما لما تكون الكرونه صغيره تشوف العزم والفزه بس آخر الممشى حنه وتحس الموتر محشور بقوه .

أما الكلتشات ماعندي خلفيه فيها .
بس أنت لما تاخذ يوتيرن تسمع صوت بالدفرنس ؟؟؟؟
أذا تسمع صوت فأعرف أن الدفرنس الخلفي مشبوك ..

وسلامتك وتقبل مروري ..

[ولد وايل]

يقولون دفرنس الكابرس 88 يركب عليه ويكون افضل

[هايبر]

باجاوبك على السؤال الثاني فايدة الكلتشات : دفرنس الشيروكي الاتوماتيك يجي توعين ون شيفت و تو شيفت ون شيفت مثل دفرنسك الاول الكبير بدون كلتشات و التو شيفت يجي كلتشات فايدة الكلتشات تخلي الكفرين الخلفيه تمشي مع بعض بنفس الدعسه بعني توزيع الحمل على الكفرات حسب الحاجه طبعا فايدة كبيره في المرقى و المنعطفات و المطر .بس عيوبه الكلتشات ما تطول عمرها الافتراضي قصير و قيمتها حول 300 ريال عند التغير .

[عزوز تبوك]

أخوي K.SA.A صدقت والله اني لاحظت قوة الفزه . على العموم الله يوفقك ويرزقك الرزق الواسع على الافاده العطره وكل من شارك بالرد على الموضوع.