الكربريتر بهذلني

[النو]

السلام عليكم ورحمة الله

يا اخوان معي ددسن 98 مكيف ودبلت تسبدي بالتقطيع والدخان الاسود
وسويت إصلاح وشكله ما ظبط
وسويت طريقة الزيت مع البنزين برضو ما مفيه فايده
وخبركم كربريتر الوكاله غااالي جدا لكن فيه واحد من الشباب ذكر كربريتر
صناعه تايلنديه من اللي يقدر يفيدني وش اسوي بهاالعله او من يدلني على ورشه
متخصصه

وله الدعااااء

[خالدk]

هلابك اخوي النو الكربليتر الوكاله ما مثله شفلك واحد خبير بلكربليتر مو اي واحد يقدر يغير له اصلاح
وخلك عنده وشف وش يسوي عشان تتاكد من الشغل
تحياتي

[النو]

هلابك اخوي خالد

والله وانا اخوك مدري بس الظاهر إني بركب إصلاح ثااني واشوف عسى يظبط


بس اللي بعرف من قد جريب الكربريتر التايلندي حق الددسن وكم سعره

[أبو واسم]

عندي نفس المشكلة السيارة دادسن 94 وزد عليها الموتر أطفيه ويقعد له ساعة يرتج ما يطفأ
سو خير من شاف مشكلتك خله يشوف مشكلتي بعد مع إن فيه ميكانيكي قال قاعدة الكلبليتر مكسورة بس ما أتوقع لأنه مرة يرج ومرات مايرج

[أبو فضي]

حبيبي عندي مشكله في الكبريتر له فترة مجنني ماخليت كهربائي ولا مكانيكي واخر شيء أنا الي سويته كل كبريتر له حساس وموصل فيه كهرباء فصلت سلك الحساس وصلته مع نور السيارة للأختبار اذا شغلت النور يشتغل الموتر ومافيه شيء واذا طفيت النور بداء التخبيط وتطفي السيارة وعرفت خرابها والحمدالله بعد التوصيل الصحيح لكهربة الحساس الى الان السيارة ممتازة

[عين حصنان]

عل قلبي كلبريتر جيب عشه 84

50 مره اغير اصلاح ويرجع يخرب

هالمره خرب وقال المهندس مافيه فايده

لازم جديد حق الوكاله

قلت في عقلي

دامه خربااااااان خربان

لازم اجرب فيه طريقه في مخي من زمان

شريت بخاخ تنظيف كلبريتر أي سي ديلكو الاصلي بــ 15 ريال

شريت بواجي جدد اصليه و ركبتهن

فكيت القربه و كشفت راس الكلبليتر

شغلت السياره و لها دخااااان اسود و انواع التقطيع والتفتفه والرجه

صرت ادعس على الابنص بيدي من عند الكلبليتر و ابخ من العلبه فيه

واكتم له بيدي و افتح وادعس و ابخ و اكتم له و افتح

وعلى كذا لين خلصت نص العلبه والموتر طلع سحابه من الدخان كتم هل الحاره

لكن اقسم بالله العظيم صفى الموتر تقال وكاله

بعد كذا عبيت التانكي بنزين احمر وجلدت الموتر يمكن 50 كيلو روحه و 50 رجعه

ولا هالحين له اكثر من شهر ماشاء الله تبارك الله

تقال وكاله هذا زينه

والحمد لله

مانت خسران شي جرب لعل الله يفرجها عليك

[محمد العوني]

خابر لك هندي في صناعية النسيم تخصص كبليتر ..

يجونه من خارج مدينة الرياض حس ماسمعت ..

اذا تبي وصفه راسلني انزله بنفس الموضوع هذا ليستفيد منه الاعضاء..

وبالتوفيق

[metub1404]

الله يعينكم

[bassam7770]

نصيحت اخ لك تعب مع الكربريتر السفاري

ماضبط الا يوم وديته لواحد حشااااااااااش ههههههههههههههه
حشش ونظفه وغسله وركب له اصلاح ووزنه
وطلع مثل الساعه تك تك حتى استهلاك البنزين اختلف معي

فشاهد ابحث لك عن شخص مضبوط وبأذن الله راح ترتاح

[قناص خلاوي]

لو الموتر لي اخوي ما تكاثرت كلبريتر أصلي عليه
الكلبريتر نصف المكينة
خذ جديد وريح راسك
لو تبي تجمع قيمة تصليحات هاللي علك الظاهر وصلت قيمة الجديد..

[قدر مكتوب]

اخوي احلت كل مكينته لابارك الله فيها وركب بخاخ احسن لك