مساكين يا راعين الكشتات ماوراكم الا التعب

[عصيقيل]

بسم الله الرحمن الرحيم


السلام عليكم ورحمة الله وبركاته أما بعد
لدي موضوع ودي اكلمكم فيه وهو يخص الكثير من أعضاء لمنتدا الغالي وزواره
والموضوع عن الكشتات البريه.
يا أخواني ما تحلاظون أن الذين يعشقون البر والكشتات البريه مبالغين في ذلك
الكشتات البريه التي أو أيدها هي كشته من بعد صلاة الفجر حتى أذان المغرب ومن ثم العوده إلى المنزل بعد ان يكون الشخص قد غير من جو المدينه وشم له هوا نظيف وروح عن نفسه .
لكن يوجد هناك فئه من الناس وهم كثر يذهبون للبر يومين أو أربع أيام ومنهم أسبوع ومنه أكثر حقيقه لا أرا سبب مقنع لذلك الشي سوا ان الواحد ينغث ويتعب ويشهب دق خيمه فك الخيمه وتكسير حطب والأكل وش نقول الطبخات مهيب بنفس اللي ياكلها الواحد في بيته إذا حطو لك قرص جمر جا نصفه رمل وإذا ضبطو المشاوي النصف ني والنصف الثاني مفحم محترق وإذا شبيتو الضو لعبت فيك الدخنه غير ان الواحد يصير اشهب اللهب سنونه صايره بلون البرتقاله من الوساخه وعدم تفريشها وإذا جا عقب الظهر بهذلك الذباب والهبايب والله شي غير طبيعي حقيقه يجب على من يذهب للبر أكثر من نصف يوم يراجع نفسه
هذا وتقبلو رئيي بصدر رحب وشكرا لكم

[درب الصحراء]

انا من الناس الي تكشت يوم واحد يعني من الصبح الين مغيب الشمس ونرجع للديرة

لكن الناس الي تخيم هذولي يبعدون ويكون ما فيه وقت انه يروح ويرجع في نفس اليوم

لذلك يخيمون ليله او ليلتين

[سفاري فتك2009]

انا من الناس الي تكشت يوم واحد يعني من الصبح الين مغيب الشمس ونرجع للديرة

لكن الناس الي تخيم هذولي يبعدون ويكون ما فيه وقت انه يروح ويرجع في نفس اليوم

لذلك يخيمون ليله او ليلتين
:good2::good2: الي يروحون بعيد صعب عليهم يرجعون في نفس اليوم لازم يجلسون ليله ولا ليلتين ولا أكثر

[جنرآل الصيد]

هههههههههه لالا ووانا اخوك السآآآلفة ماهي مثل ما تعتقد

اسباب الكشتات تختلف فيه ناس تكشت تغيير جو مثل الفئة اللي ذكرتها بموضوعك بس فيه ناس تختلف اسبابهم مثل الصقاره اللي يقنصون عشآآن الحباري وهذي هي اللي تقعد يومين او اكثر لانهم يلقون جرة الحبارى ويضطرون يقعدون عندها حتى ما يقص احد الجرة غيرهم (وهذي القوانين عند اهل الطير كلهم اللي يسبق على الجرة ما يحق لاحد يقصها غيره)

وفيه ناس نفس ما ذكر اخوي درب الصحراء يبعدون عن الديار فما يكون فيه وقت يرجعون بنفس اليوم

والعالم لها اسبابها اما ما ذكرت انه يكرف ويحطب ويشيل خيمه وينزل خيمة هذي حلات الكشته عند كثير من الناس

تـــــقـــبـــل مــروري

اخوكــــ جنرآل الصيد

[كاشت وحداني]

زي ما افادو الاخوان
كل واحد وله اسبابه او افكاره في الكشته
وكذلك تحكمها الظروف كظروف عمل او ظروف عائلية ولا يستطيع احد ان يحدد وقت يكون متعارف عليه للكشتات .
فانا قد حصل اني طلعت من الفجر الى المغرب
وفيه ايام كشت اربعاء وخميس وجمعه
وفيه مرات طلعت انا وناس شرواكم 16 يوم ما عرفنا الزفلت ولا السمنت ولا البيوت
في هالبران وخيمتنا معانا وعزبتنا وتوانكي وكل شئ
وانا سمعت ان فيه ناس تقعد بالشهر وال45 يوم حقين المقناص
وكل واحد له هوايته

[باث 3]

تأكد أن ما قلته هو وجهة نظر

[أميرالمحبين]

وعليكم السلام ورحمة الله وبركاته
اخي الكريم
هناك الكثير لايجد راحته الا في المبيت
وايضاً المسافه لها دور
يعني المحل الي بوصله في نص ساعه مو مثل المكان الي يبعد 300 او 400 كم
وايضاً طلعات القنص تحتاج لعدة ايام

اما بالنسبه للتعب وفك الخيمه والحطب وغيره
هذي هي لذة البر وحلاوته

[alimuhammed]

مسكين مرة وحده اخوي التعب حاصل حاصل بس تعب بطراة نفس احسن من تعب بضغوط (( خلق الانسان في كبد ))
فلو بحثت عن الراحة في الجلوس لأحسست بالتعب من الجلوس

اصلا حلاة الرحلة بالشهاب و اللهاب اللي انت ما تبيه

و الناس في ما يعشقون مذاهب

نروح رحلة لمدة ثمانية ايام و بعض الاحيان اربعة و اقل شيء يومين ما شلنا معنا خيمة رواق يكفي و السيارة توردك الشجر اذا احتجت ظل و ما لقيت شجر او غار يظللك رواق يكفي للتظلل

البر له عشاقه و الكشتات لها عشاقها

و ليس كل طلعات البر تخييم

[الثويرات]

المسكين انت بين ها الجدران ...
كل ينام على الجنب الي يريحه. محد جبر احد على البر او الديره ولافيه احد مغصوب على نومة البر عشان تقول مساكين

[العاذر]

الله يحفظك
ما فيها مبالغة
الا ذا فيه ناس ما تعرف الشغل وتدبير الامور هذا اكيد بيتعب
لكن اهل الخبرة والممارسة ما يلقى تعب لانه متعود و مضبط اموره ومستعد لكل شئ
حتى في الطبخ لا يحترق شئ وكل شئ تمام لانه خبره
نعم فيه ناس تتبهذل ويشق على نفسه لانه يفتقر الى الممارسة
ولا تنس المهتوي يهون عنده كل شئ
عموما ..
ما يتعب الا اللي ما تعود وما استعد ولا يعرف للطبخ وباقي الامور
وهذا مشاهد اذا طلع معك واحد ما تعود تشفق عليه ..

تحياتي

[sultan18]

حلاة الصيد صعوبته

[satam1389]

والله الظاهر ان لك من اسمك نصيب

[دخنآوي]

.
.


لآلآ أعوذ بالله ..
يآخوي حلآة الصيد بالتعب ~
وانا والله تو دخلت البيت من قبل تقريبآ 5 أيآم قانصين حبآري ..
ولآ ازيدك من الشعر بيت مآحصلنآ شئ
لكن الحمد لله حصلت الوناسة وطيبة الخآطر ..



واعرف لك شااااايب
كان قانص حباري و60 ليله طقطقهآ بالبر ..
والولع مشكله بالطير
والأبل بعد


تقبل تحيتي ْ
ووجهة نظرك لآتصلح لي بتآتآ البته :D

[شرق الصمان]

(اخشوشنوا فان النعمة لا تدوم)

[الدبيخي]

كلنا يرى الناس بعين طبعهـ يا خلفهم والله يوفقك

[باث 3]

والله الظاهر ان لك من اسمك نصيب

خخخخخخ
الله يرجك شوي شوي على الرجال

[مشاري الجوف]

ياخوووي اذا مانمت ليلتين الى ثلاث مابها حلا الكشته جلسة الليل وسمرتة علىضوء القمر تسوى وتستوي خاصه اذا نمت وصحيت الفجر وشبيت نارك وسويت قهوتك ومعاميلك ومن ثم سجيت تدور هالصيد ياسلام

[wrs3975]

أخوي الغالي عصيقيل أشكرك على هذا الموضوع.... كلامك جميل ومنطقي لكن الناس يختلفون في وناستهم بالكشته فمثلا هناك من يكفيه ساعه أو ساعتين بالبر ويرجع للبيت مستانس وهناك من يكفيه يوم أو يومين ويرجع مبسوط وهناك قسم ثالث يحتاج إلى أسبوع أو عشرة أيام حتى يرجع مبسوط .. وعلى العموم كل شخص أدرى باحتياجاته ... أكرر شكري وتقديري لك وللجميع

[a7md al-q9em]

الله يحفظك
ما فيها مبالغة
الا ذا فيه ناس ما تعرف الشغل وتدبير الامور هذا اكيد بيتعب
لكن اهل الخبرة والممارسة ما يلقى تعب لانه متعود و مضبط اموره ومستعد لكل شئ
حتى في الطبخ لا يحترق شئ وكل شئ تمام لانه خبره
نعم فيه ناس تتبهذل ويشق على نفسه لانه يفتقر الى الممارسة
ولا تنس المهتوي يهون عنده كل شئ
عموما ..
ما يتعب الا اللي ما تعود وما استعد ولا يعرف للطبخ وباقي الامور
وهذا مشاهد اذا طلع معك واحد ما تعود تشفق عليه ..

تحياتي


نفس كـلآم الآخ الجميل العآذر ... :D


:good2:

[رحال الصمان]

الى تعتبره تعب ومشقه ونكد هذا لاهل البر والكشتات قمة المتعه والمرجله الله يرعاك

[بريداوي اصليm]

الحين أنت تقول مهب لازم النوم بالبر
طيب الي مبعد وضاربن مشوار علشان فيضه بيخيم به يومين ثلاث
ويمشي أحسن من أضرب مشوار أقعد نصف ساعه ساعه بالكثير وأمشي
معليش موضوعك قبح

[ẤℓqηαṣṤ ««•]

والله ياخوك انا لاجاز لي الجو جلست شهر ماهو يوم

للجلسات يعني من بعد المغـــرب الى الساعه 12 او 1 فالليل
.....

[ديزب]

على حسب الجو والخويا أحيانا ودك تقعد اسبوع

وأحيانا ودك ترجع ما تكمل يوم ..

[الشقردي 999]

انا ما احس اني مغير جو الى اذا قعدت يومين ثلاث
وكلن له وجهت نظر

[أحب القمرا]

تراهم يمدحون الكس بوكس احسن البلايستيشون

[عاشق الموطن]

وعليك السلام ورحمة الله وبركاته
وجهة نظرك وانا اخوك على العين والراس ولها احترامها وازيدك من القصيد بيت
البعض يطلع من العصر الى المغرب وثلاجات الشاي والقهوه معه يتقهوى ويلعبون بزرانه الى المغرب ويرجع
ويحس انه ونس نفسه واولاده وغير جو......
لاكن هناك مزايا واوقات لطلعات البر او البحر لايفرط فيها الكشاته مثل صلاة الفجر في البر وتقوم تسوي القهوه والشاهي او الحليب الزنجبيل والحنيني وتفطر وتتونس مع اخوياك وعاد بعدها كلن يدور رزقه اهل البر لصيد البر واهل البحر لصيد البحر وينقضي اليوم وتغرب الشمس ويظلم الليل وتشبون ناركم وتسون عشاكم وتتعللون وتتسامرون وكلن يدخله بكيسه ويذكر ربه وينام في هدؤ الليل التام لاازعاج لابواري لاصياح ورعان
بصراحه طلعات البر او البحر الكشتات عموما تصحي الذهن تجدد النشاط تغير في الروتين الممل
واعرف بعضهم والله كان يسألني اذا طلعتم كذا للبحركم يوم كيف تقضون حاجتكم؟ ياقلة الدبره



اسف كل الاسف اطلت عليكم لاكن وجهة نظر ابديتها ......فهناك كثير من الامور محروم منها الكثير من الناس ولايعرفها الا اذا لمسها ومارسها


ادخل على هذا الرابط امكن تعرف امور عمرك ماسمعت عنها قد تستفيد منها


http://www.mekshat.com/vb/showthread.php?t=351153

[راعي كيف]

بسم الله الرحمن الرحيم


السلام عليكم ورحمة الله وبركاته أما بعد
لدي موضوع ودي اكلمكم فيه وهو يخص الكثير من أعضاء لمنتدا الغالي وزواره
والموضوع عن الكشتات البريه.
يا أخواني ما تحلاظون أن الذين يعشقون البر والكشتات البريه مبالغين في ذلك
الكشتات البريه التي أو أيدها هي كشته من بعد صلاة الفجر حتى أذان المغرب ومن ثم العوده إلى المنزل بعد ان يكون الشخص قد غير من جو المدينه وشم له هوا نظيف وروح عن نفسه .
لكن يوجد هناك فئه من الناس وهم كثر يذهبون للبر يومين أو أربع أيام ومنهم أسبوع ومنه أكثر حقيقه لا أرا سبب مقنع لذلك الشي سوا ان الواحد ينغث ويتعب ويشهب دق خيمه فك الخيمه وتكسير حطب والأكل وش نقول الطبخات مهيب بنفس اللي ياكلها الواحد في بيته إذا حطو لك قرص جمر جا نصفه رمل وإذا ضبطو المشاوي النصف ني والنصف الثاني مفحم محترق وإذا شبيتو الضو لعبت فيك الدخنه غير ان الواحد يصير اشهب اللهب سنونه صايره بلون البرتقاله من الوساخه وعدم تفريشها وإذا جا عقب الظهر بهذلك الذباب والهبايب والله شي غير طبيعي حقيقه يجب على من يذهب للبر أكثر من نصف يوم يراجع نفسه
هذا وتقبلو رئيي بصدر رحب وشكرا لكم


هههههههههههههههههههه
ياحبيلك حنا ندور الغثاء ولى وش مزين البر إلا غثاة
(( إخشوشنو فإن النعم لاتدوم ))

[المماتوس]

كل على همه سرى

[نجم الصداوي]

..
.. البركة في السنيدي ومحلات تجهيز الرحلات .. زد عليهم منتديات الرحلات والمكاشيت هي اللي (أغــر ت) فــئة تدعي حب البر والطلعات وهي خكاريــا ماتظلم العين إلا والدهــون ملطخ خششههم..
..
.. لكن فيه نماذج شقردية وسناعيس يعجبونك ... إن طلعوا للبر.. فهم رجال ..لاخالفوا منهج الناس .. ولاشذوا عن طيب الفعايل..
..
.. نعــم .. هناك صور لرحالة أو كشاشيت الواجب إنهم ما يتعدون عتبة دارهم .. لكن الشكوى لله ..
..

..
.. هــذا رأيي .. إذا مــا أعجبك ..ديور لأقرب رد يناسبك .. والله يحفظك

[صقر منحاش]

اقول خل عنك البر دامة من الفجر اللين المغرب هاذي طلعة عوائل الله يهديك

وسنونك اللي بتصفر في يومين خذ معك مسواك واغراضك الشخصية
البر اذا ما فية نوم وقومة الفجر وشبة الضوء ما صار طلعة بر :f
وفي الاخير ما اصادر وجهة نظرك وتحياتي للجميع

[ابويزيد1]

لكن يوجد هناك فئه من الناس وهم كثر يذهبون للبر يومين أو أربع أيام ومنهم أسبوع ومنه أكثر حقيقه لا أرا سبب مقنع لذلك الشي سوا ان الواحد ينغث ويتعب ويشهب == هذا ردي على رايك
ذكروة الى قبلي من الشباب انت ماجربت قومت الفجر وبعد الصلاة شبه النار وتجهيز معاميل القهوه والشاي والحليب يا بعدي
وانا اشوف انك انت والى يطلع من بعد شروق الشمس لحد المغرب هو الى يتعب هذا راي وسمحلي

[دايم الخير]

كشته بدون تعب ما اسميها كشته

ياحلالاة اكون اشهب الهب مرتاح البال و الضمير و اكون ناعم متنعم و نظيف و بالي فيه مليون شغله و ضميري تعيس من متاعب الدنيا

الفرق بجو البر .. لأنه جو مريح .. تلاقينا نجلس فيه اكبر وقت ممكن نقدر عليه .. يعني ما يكفينا من الفجر للمغرب !! فضلا انه يكون موسم قنص او ما شابه فيزداد الحلا حلا.

[ألم وعشناه]

عن نفسي صراحة احب ان اقضي اطول فتره ممكنه في البر مليت من الناس وزيف الحضاره ولا ارتاح الا في البر سبحان الله وامنية حياتي اشتري يارب كرفان وابل وابعد عن هرجة القيل والقال والفتن ماصغر منها وماكبر

[عود رمثه]

يقول المثل الصيني الي باللوذة على اليسار :::
""الحدب يعرف ينام""
كلن على الجنب الي يريحه حتى فيه ناس هاجه من البيت مو حب بالبر ههههههه انا مو منهم اخاف يصيدن ساهر

[ملقاط بن جمر]

والله ياخوك كلن له هدف في خروجه للبر وللنفاة ..

عن نفسي أكلمك .. غالب طلعتي مع الأهل تكون من الفجر إلى الغروب إلا في ماندر نكمل إلى الليل ..

لكن إذا بس شباب نطلع من عقب العشاء حتى الفجر .. وتكون خفيفة .. إذا ما كان وقت مطر ..

أما وقت المطر غالب ما نطلع في الفجر الى الليل .. وفي الليل مالنا مطلع أبد إلا نادرا ..

مثل ماقلت لك كل واحد له نظرة في الخروج .. ولا نختلف عن المقصد إنه الوناسة فقط ..

[عون الخوي]

عز الله المسكين اللي مايعرف البر وتنشق هواه
ولو يخاويني واحد وبيتذمر من الكشته والا المقناص
ويقول تعبت علي الملازيم ماعاد يدرجها معي شبر ..
واذا كان ملزم على الفرشة والمعجون بعطيه بشامه يتسوك بها
وأعرف ان الرخاء ماهو دايم .. والزمن له صواديف

[برج المعيدي]

يكفينا اكثر ثمان اشهور وحنا بالبيوت
يارجل البر بريره اذا ماتنام وزي ماقالو
الاخوان تشب نارك الصبح وتجلس لك
ثلاث ايام اقل شي فمعناته ماكشت ابد

[التيس المفترس]

ياماحـــلا والنار يضـــوي لهبها ,, في فيضــة فيها الحيا مابعد شــيف



في خــــــيمة منصوبة في خببها ,, ودلال صـــفر ماشريته من الســيف


في مجلس فيه النشامى وأدبها ,, قصـــــــــيد ينقونه ولاهوب تصفــيف


وســـوالف رجال معادن ذهبها ,, مع قهوة تطرب هل الراس والكــيف


والجيب والعدة وباقي زهبهـــا ,, وســـمان ماطـبت شـــبوك وتعــليف
وزود شعاع الشمس عنا حجبها ,, جانــــا حـــــليبه دون خــلط وتغـليف


وشحنة سمر وإرطا من أرضه حطبها ,, النار عنوانه كروكي وتوصيف


وذبيــــحة للضــيف لاجـــا ســـــحبها ,, ماحسب حسابه ولابه تحاسيف


وطــــباخ له خــبرة قديــــم كســـــبها ,, ماحاقه الهندي ولاسالم الشيف


هــذي منـــاتي لابطــايف ولا أبهـــــــا ,, وأيضا ولالندن وباريس وجنيف


هذا عـــــلاج النفس ســــاعة عطـبها ,, مابي المدينة بين عادم وتكييف


وصـــلاة ربي عــد ســــيل بشـــــعبها ,, وعداد مانبت الحيا وأزهر الريف


على النبي الهاشـــمي من عـــــربها ,, اللي صدع من دون كذب وتزييف

[راعي المقانيص]

اخي الفاضل والكريم وجهة نظرك احترمها وأقدرها لكن خل ابي اعطيك فوائد تعلمناها من البر والمكشات والصيد


1- تعلمنا المرجله وطردنا الخوف ورجالنا يدير عشرات الرجال من حقين المدينة
2- تعلمنا الصبر والجلاده
3- تعلمنا تحمل المسؤولية وعدم الاتكاليه
4- تعلمنا وشلون الخوي يشيل خويه في الرخاء والشده
5- تلعمنا سلوم وعيشة أبائنا وأجدادنا
6- تعلمنا وشلون نعرف ندبر انفسنا في اسوء الحالات الاضطرارية
7- تعلمنا وشلون نوجد شي من العدم في بعض استخداماتنا اليوميه ( والدليل شف اختراعات وابتكارات الكشاتيه في قسم خيمة السيارات والعدد واداوات الرحلات )



كل الاشياء هذي وانا اخوك ماراح احد يتعلمها في طلعة نصف يوم لانك طالع ومعك كل اغراضك ومسافتك قصيره ماتتعدا 40 كلم ومع ذلك راح تحس نفسك طفشت من طول الطريق فكيف راح تتعلم الصبر ؟ ؟ ؟

اكلك كله هرمونات وكيماويات سواء دجاج والا لحم ليش ماتجرب اكل الصيد وتشوف الفرق ؟ ؟ ؟

نومك بين الجدران واصوات الازعاج في الشارع ومن الجيران ليش ماتجرب تنام في خيمة والا في العرا وتشوف لذة النوم في الهدوء وتقوم الصباح نشيط ؟ ؟ ؟

خل نتكلم بصفة عامة

لنفرض انا او انت او الثاني والثالث من اهل طلعات النصف يوم هذي ومتعود ياخذ غداه او عشاه من المطعم او طبخ الزوجه في البيت
يوم من الايام قمت من النوم او انك في قريه عزوبي لاحولك مطاعم ولا زوجه من وين تبي تاكل وانت ماتعرف تطبخ ؟ ؟ ؟

لكن النقطة الاهم في الموضوع كله واعتذر اني كثرت الكلام

انت تبي تطلع نصف يوم لمسافة ماتتجاوز 80 كلم والعالم كلهم حايسين المحل ولاعبين فيه وغير الاوساخ والنفايات وحقين الدبابات والازعاج والمغازل وتبي ترجع لبيتك مليان غبار وتراب وسياراتك جميع انواع الاوساخ فيها والثمامة خير شاهد

ولكن لو طلعت لمسافة 300 كلم وقعدت يوم واحد بس ولقيت الربيع والجو الزين ولا فيه ازعاج ولا صجه ولا لجه وكل شي نظيف وشاب نارك ومعك اخويا على الكيف شيلتهم وحده وفنجال القهوة والسوالف والاكل الزين والطبخ الزين

صار فيه فرق الان والا لا ؟ ؟ ؟

[منتج رسمي]

أنت أكشت مع أمثال

أحمد الشبعان


دهران


الأطلسي



وهذولا مثال بسيط جدا ولا يهون الكثير والكثير والكثير من الرجال والنشاما واللى تنشرى خوتهم وجلسة معهم بالبر تنشرى بفلوس ترتيب وتنظيم ووناسة


كان عرفت ليش نطلع للبر ونبطى :good2:

[عكشات]

كلن له شقا الي له وكلن يحط راسه على الوساده الي تريحه بما احله الله ووجهه نظري الي ما امسى خلاوي امحروم وجهه نظر

[العاذر]

عز الله المسكين اللي مايعرف البر وتنشق هواه

ولو يخاويني واحد وبيتذمر من الكشته والا المقناص
ويقول تعبت علي الملازيم ماعاد يدرجها معي شبر ..
واذا كان ملزم على الفرشة والمعجون بعطيه بشامه يتسوك بها

وأعرف ان الرخاء ماهو دايم .. والزمن له صواديف


:good::good::good:

[الوسمي44]

شكلك ماخذ موقف من كشته سيئه انا اقول علاجك كشته مرتبه في جو زين وعده ممتازه

[كتاب]

ما شاء الله الاخوان كفوا ووفوا
والخلاصة في نقطتين تفضل بهما الاخوان :

النقطة الأولى : التعود على أسلوب المعيشة الخشن لأن النعم لا تدوم
حتى لو دامت في المجتمع فربما شخص واحد أو جماعة يشوفون أنفسهم في مكان خشن وضايعين وما عندهم إلا ما في سياراتهم فلو عاشوا في لين طول الوقت فما بيعيشون خمس دقايق في بر لو ضاعوا فيه

النقطة الثانية : الترفيه عن النفس كم ساعة أو كم يوم والابتعاد عن صخب الحياة المعاصرة وأذاها
وبعد الكم يوم يرجع الواحد نشيط ومخه صافي وأعصابه هادئة

وأضيف هذه الملاحظة الصغيرة لأخينا العزيز صاحب الموضوع
إذا احنا كاشتين بسياراتنا وخيمنا الراهية اللي كأنها غرف بيوت وعندنا مواقد ومناقل وشايلين أكل يكفي لنا وللضيف وحتى العود ما نتركه ... أجل وشبتقول إذا شفت الأمريكان والأجانب وهم ما غير شنطة على الظهر ويا طالعين جبل أو نازلين وادي على رجولهم .


http://www.thesyncpack.com/images/backpackers-cr.jpg

وشبتقول ههههه ؟؟؟

الناس في ما يعشقون مذاهب

[صميدع]

انت يا عصيقيل ليتك تطلع معي كم يوم نغذيك كود جسمك يرد لك
اجل تقول ماورانا الا الشقا من طلعات البر الله يصلح حالك نجلس نتحرى
الشتا متى يدخل عشان الواحد يتونس ويروح ويجي وانت تقول من الفجر للمغرب
شكلك انت ماقد تعديت شعيب صلبوخ

[برق الشفاء]

شكلك بيتوتي يعصيقيل
بس البر طب لبو قلب عليل
والمرض للي جلس للمكيف وزكمه

[أهم 1]

مساااااااااكين مره وحده قويه شوي

[مكشآتي آصيل]

وعليكم السلام ورحمة الله وبركاته
اخي الكريم
هناك الكثير لايجد راحته الا في المبيت
وايضاً المسافه لها دور
يعني المحل الي بوصله في نص ساعه مو مثل المكان الي يبعد 300 او 400 كم
وايضاً طلعات القنص تحتاج لعدة ايام

اما بالنسبه للتعب وفك الخيمه والحطب وغيره
هذي هي لذة البر وحلاوته

[حبران والمسمى]

والله اللي ساكن في الرياض وده يسكن في البر ويجي يتمشى في الديره واذا غابت الشمس رجع للبر
.............................واحد معتل من الزحمه...............................

[عاشق الماركيز]

لاووالله يالغالي انا اخالفك بها النقطه انا من النوع الى نطلع للبر ونخيم نجلس اقل شي اسبوع اصلنن الطلعه تغير جو وتفتك من زحمة الديره ولازعاج وكل شي له حل وانا اخوك الطبخ الحمدالله معنا ناس تضبطه ضبط وكل رجال له شغله يعني انت مثلن عليك الطبخ وغسيل الصحون بس وانا علي تركيب الخيام وفكها وعلى هالحال لنا اكثر من خمس سنين ومستانسين ولله الحمد

[طفران بس بطران]

اخ عصيقيل ارى انك وضعت نفسك في مكان لاتحسد علاه ورغم ان الموضوع مجرد فكرة لان الناس ونا منهم طبعنا المكشات

[abo_hoor]

هلا اخوي العزيز موضوعك طيب
بس ممكن مااتفق معاك بنقطه واحد
انت تقول مفروض الشخص مايطول بالبر بعكس اذا عنده اجازه واي فرصه قدامه
وحاب يروح للبر ويستانس ويروح كشته طويله عادي مافيها شي صدقني اذا راح مايحس بالتعب او اي شي ثاني
راح يستانس ويكون خالي من الهموم وازعاج مدن

[جمره]

ياسعـود شفي من هـوى البر ماطـاب
خلوا حـبـيـس الـدار يبرد غـلـيـلـــــه
يكفـيه من طـول السنه صكت الـبـاب
ويكـفـيه من طـول السنين الـمـحـيـلـه
خـلوه يسـلى عـن هـمـومه والاتـعـاب
ويـسـج رجـلـه بالـفـيـاض الظـلـيـلــه
والصبح يشرف له على راس مرقاب
ويـشـم ريح الشيح وسـط الـخـمـيـلــه
بالبـر نـسـلى عن هـوى تلع الارقـاب
اللي عـلى شـوفـه نـسـوق الـجـلـيـلـــه
ونسلى عن هـمـوم المدينه والانـشـاب
ومـن لا سـلى بالـبـر سـيـلٍ يـشــيــلـه

[غرة سهيل]

ياسعـود شفي من هـوى البر ماطـاب
خلوا حـبـيـس الـدار يبرد غـلـيـلـــــه
يكفـيه من طـول السنه صكت الـبـاب
ويكـفـيه من طـول السنين الـمـحـيـلـه
خـلوه يسـلى عـن هـمـومه والاتـعـاب
ويـسـج رجـلـه بالـفـيـاض الظـلـيـلــه
والصبح يشرف له على راس مرقاب
ويـشـم ريح الشيح وسـط الـخـمـيـلــه
بالبـر نـسـلى عن هـوى تلع الارقـاب
اللي عـلى شـوفـه نـسـوق الـجـلـيـلـــه
ونسلى عن هـمـوم المدينه والانـشـاب
ومـن لا سـلى بالـبـر سـيـلٍ يـشــيــلـه


< صح لسانك >

[المرقب99]

لااقول الا كلمه موجزه (البر بريره والزعل بديره)

[طفران بس بطران]

ترا المكشات علاج نفسيييييييييييييييييييي

[امير الامراء]

المهتوي يقطع الملتوي
هاذي ابيات من قصيدت ناصر القحطاني والفنان خالد عبد الرحمن
البر يشرح كل صـدر و يقلـب الضيقـة سـرور
و أنا إلى جيته يمر الوقت ما أحسب لـه حسـاب
يا ما حلا طوي الخبوت و سجة الخاطـر شهـور
ولا معك غير النشامـي اللـي يعـزون الجنـاب

[ابو دحيم1]

هذي هي الحقيقه بس بعض الاماكن الحلوه بعيده تسوجب النوم ولا ما مثل المكيف السبلت والفراش الحلو

[القابوس]

باختصار


الكشاته انواع وطبعا وجهت نظرك مقبوله

[سرهيد]

السلام عليكم

مرحبا بك اخي الكريم

وفعلا ان فيه ناس ما يبي الا يوم ويبي يعود للبيت ، وهؤلاء لهم حريتهم ولا احد يجبرهم ...

بل فيه ناس ما تحب نومة البر ..

لكن لا يعني ان غيرهم مبهذلين انفسهم ... ابدا ، ولا اعتقد ان الواحد يسوي شي الا مقتنع منه ..

انا عني احلى ما اشوف في البر المبيت والنومة وخاصة في الاجواء المعتدلة مثل هالأيام واللي قبلها ... شيء يطرب النفس ويرد الروح لها ...

تتنفس هواء نقي ..

تصدق ان الهدوء يصجنا في البر :):):)

من كثر ما نسمع ازعاج في المدينة صار الهدوء مستنكر :) الله المستعان

انا من محبي البر يوم ويومين وثلاثة ... او اكثر

يوم لمن يهواه معي من الربع ويومين او ثلاثة أو اكثر ، انا ومن يخاويني ممن يحبون هالشيء ..

انت ما جربت شبت الضو قبل تنطر الشمس وقبل تسمع العصافير ... اه لو تجربها ان كان تعرف ليس احنا نحب المبيت ..

والا حزت مسيان اللي تسوى ملايين بهدوءها وما غير شعلة النار تسولف عليك :) اه يا قلبي ... تراني من سوالفي تهيضت ابي الكشتة بس الدوام وين نروح منه :(

واشياء واشياء في البر يمكن انك ما تعرفها .

ويا ما حلاها طقة الخيمة وتقريب الدلال وشبة النار مع ذيك البرقات اللي تطربك شيفتها بجنب النار ، ويا ما حلاها تغسيل المواعين وكل شيء يتعلق بالبر احبه لو انه يتعب :)

وموفق خير يا ابن الاجواد

تقبل احترامي

وكل نفس وما اشتهت

[أبو مالك ibb]

اجمل ايامينا في الكشته والمتعه
وخاصة اخر كشته قبل كم يوم في جزيرة سقطرى
حيث المتعه وجمال الطبيعه
الكشته الاكل فيه اطعم والذ والجلسه رائعه بحق
اهم شيئ ترتب امورك وتفهم كيف تدير الكشته على طريق المكشاتين

[مدمن مرقوق]

كلن على همة سرى
كل واحد ومايهوى

[احب بريدة]

شكرا اخوي عصيقيل على طرح الموضوع
ووجهة نظرك احترمها
وذكرتن بواحد يقول وش تبون بالبر والهسهسه والعنة الجدف< الهسهه صوت الاسنان مع حبات الرمل..
الكشته ترا مهب لازم تتوسخ وتصير (طمل) واشهب .. عن نفسي اخذ فكس وفازلين وكل ادواتي الخاصه منها مكينة الحلاقه وشامبو وخلافه ومستمتع , وبعض الناس اذا ماصار طمل ومحكك من الوسخ ماتسنه كشت :D
انا اكشت طلعة خفيفة مثل ماتفضلت بس تكون قريبه للديرة وهذي المشكله
وارغب المبيت بعيدا عن الديرة وهذي حلاته مع التمشي يعني كل يومين بمحل.
واخيرا الكشته والمبيت يتوقف على الربع الي معك
عذرا على الاطاله اخوي عصيقيل وتقبل مروري المتواضع

[جلمود1]

هلا والله اخونا عصيقيل..... ومرحبا بك أخا عزيزا في منتدانا

بالنسبة لوجهة نظرك .... فهي محل احترام وتقدير .... ولكن هذا لا يعني أنني أوافقك ...!!

فلنخرج من دائرة الرحلات البرية .... لانني متعصب جدا لرأيي حولها ....!!

ولنضرب مثال على أي هواية أخرى .... ولك الخيار في ذلك ....!!

سوف تجد أي هواية تستهلك الوقت والجهد والمال ..... من صاحبها .... وتجدها أيضا محل اهتمامه وحديثة ...!!

ولكن هذا لا يعني أن هوايته هذي ... وإن كانت غير مقنعة للآخرين .... انها خطأ فادح .... أو ينتقد بسببها ....!!

ولكنه شيء يجد فيه المتعة .... واشباع رغبته ...!!

فلو طبقنا هذه القاعدة على الصيد والرحلات البرية ....!!

لوجدت أن (( راعي المكاشيت )) تتهلل أساريره .... عندما يخرج من البلد ... ويتجه للبر ....!!

نعم أعارض وبشدة ... من قصر تجاه اسرته .... وواجباته .... لمجرد رحلة برية يستطيع تعويضها في أي وقت آخر ....!!

ولكن ليس في الرحلات البرية .... أو الصيد .... ما يتعارض مع العرف أو الدين ..... إن التزم الشخص بآدابها الدينية .... والمتعارف عليها ....!!

أرجو ان تكون النقاط واضحة .....!!

وأخيرا ...!!

ما يعجبك لا يلزم أن يعجب غيرك ..... ولولا اختلاف الاذواق لبارت السلع ..... أليس كذلك ....؟؟

=======

سوف أعطيك نبذة قصيرة عن البر .... ورحلات البر ....!!

الفوائد :-

1- تعلم الصبر والتحمل والجلد

2- تعلم الاعتماد على النفس

3- تعلم معرفة الطرق والمسالك وأتواع التضاريس والتعامل معها

4- الاختلاء بالنفس .... لتصفية الذهن

5- تقربك أكثر من أصحابك ورفاقك المصاحبين لك بالكشته

هذه مجرد أمثلة على سبيل المثال لا الحصر

وقد يفيدك الاخوان أكثر مني

هذا والله أعلم

والسلام ختام

[طفران بس بطران]

هلا والله اخونا عصيقيل..... ومرحبا بك أخا عزيزا في منتدانا

بالنسبة لوجهة نظرك .... فهي محل احترام وتقدير .... ولكن هذا لا يعني أنني أوافقك ...!!

فلنخرج من دائرة الرحلات البرية .... لانني متعصب جدا لرأيي حولها ....!!

ولنضرب مثال على أي هواية أخرى .... ولك الخيار في ذلك ....!!

سوف تجد أي هواية تستهلك الوقت والجهد والمال ..... من صاحبها .... وتجدها أيضا محل اهتمامه وحديثة ...!!

ولكن هذا لا يعني أن هوايته هذي ... وإن كانت غير مقنعة للآخرين .... انها خطأ فادح .... أو ينتقد بسببها ....!!

ولكنه شيء يجد فيه المتعة .... واشباع رغبته ...!!

فلو طبقنا هذه القاعدة على الصيد والرحلات البرية ....!!

لوجدت أن (( راعي المكاشيت )) تتهلل أساريره .... عندما يخرج من البلد ... ويتجه للبر ....!!

نعم أعارض وبشدة ... من قصر تجاه اسرته .... وواجباته .... لمجرد رحلة برية يستطيع تعويضها في أي وقت آخر ....!!

ولكن ليس في الرحلات البرية .... أو الصيد .... ما يتعارض مع العرف أو الدين ..... إن التزم الشخص بآدابها الدينية .... والمتعارف عليها ....!!

أرجو ان تكون النقاط واضحة .....!!

وأخيرا ...!!

ما يعجبك لا يلزم أن يعجب غيرك ..... ولولا اختلاف الاذواق لبارت السلع ..... أليس كذلك ....؟؟

=======

سوف أعطيك نبذة قصيرة عن البر .... ورحلات البر ....!!

الفوائد :-

1- تعلم الصبر والتحمل والجلد

2- تعلم الاعتماد على النفس

3- تعلم معرفة الطرق والمسالك وأتواع التضاريس والتعامل معها

4- الاختلاء بالنفس .... لتصفية الذهن

5- تقربك أكثر من أصحابك ورفاقك المصاحبين لك بالكشته

هذه مجرد أمثلة على سبيل المثال لا الحصر

وقد يفيدك الاخوان أكثر مني

هذا والله أعلم

والسلام ختام
والله ردك ميعلا علاة الا كلام الله ورسولة

[ذئب الدهناء]

اخي الكريم ..........تذكر ان الكلافه في البر قدتكون اشرح صدرا من مشاكل الديره

[وادي الحنينية]

محد مسكين الا الي يروح للبر وهو مو حاسب للطلعة حساب

رايك منقود
تحياتي

[مرير الشوق]

والله مادام .. أن قرصكم الجمرية اللي تسوونها .. نصفها تراب ومدري وشو

واللحم اللي تشوونه نصفه ( ني ) ما استوى


فهذا دليل على أن حياتك خسارة وأنا اخوك هههههههه


وربعك اللي يطلعون معك موب شقردية


الله يعوضك بربع غيرهم


لأن أساس الكشتات .. هم الصحبه الطيبة

وبالتوفيق لك

[ASSEER_KAU]

الرجال راح وطي ...

[أيام العبور]

وعليكم السلام ورحمة الله وبركاته
اخي عصيقيل . الرجل المسلم والمؤمن دائما نضيف ويهتم لنضافة مكانه وماحوله ودائما مسواكه معاه ويتوضىئ باليوم خمس مرات وريحته دائما طيبه وسنونه انظف واطهر من راعي الفرشاه والمعجون بكثير. والنضافه من الايمان في بالبيت وفي البر . والموضوع يطول الاكلام فيه .!
ولكن انصح بأستخدام السواك والحرص على الوضوء والنظافه والصلاة وان شاء الله تزول الاعراض اللي ذكرتها . كلها .

وبارك الله فيك وهدانا وياك لما يحبه ويرضاه . انه واسع عليم . ذو فضل عظيم

دمت بخير اخي الكريم بحفظ الرحمن

[N-G-D--KSA]

انا من الناس الي يجلسون خمسة ايام ولا هو عيب من بعد الفجر الى المغرب ما يكفي ماداك توصل الى وهو مذن المغرب وانا ابغى اروح الدهناء ولا الصمان

[ابوحيد 2011]

وجهت نظرك


وانا اؤيد الرحلة 4ايام وفوق

وبالتوفيق

[السنونو]

والله أنت المسكين والمحروم من الطلعات الطويلة اللي تربي الرجال وتعلمهم المرجلة في كل مرة

وبعدين وش اللي حارق رزك على الناس والا حاسدهم على سعة الصدر والفلة

[العاذر]

كل واحد له وجهة نظر تختلف عن الاخرين

[عاشق القطا.]

عطـوك آلذيآبـه آلعلـم آللي يجمد على الشآرب

وخلـك على رآيك !

BrB
مكشآت طول العممر هههههههههههههههآآي

[دل البحار]

يا اخي الكشتات زينه ولكن بحدود المعقول اما اجلس اذري في ذا الصحاري الين تتغير الواني وتضعف قوتي ويقل قوتي وأنسى جماعتي ومسجدي وربعي وجيراني وأقاربي وأرحامي وأنا من بر في بر ولا تقول معسكر منتخب هذا الجفا بعينه وكل شيء اذا زاد عن حده انقلب ضده..

[الغسق البعيد]

والله ياخوى انا كنت اقول كذا


بس طلعت مع عيال عمى اسبوع كااااامل بالبر بعيدا عن وسائل الراحه


والله ياهى وناسه وفلة حجاج ماتسمع غير نسايم الهواء وشطشطت النااار:f وحفيف


الاشجار


عااادلا تدققون بالوصف:D



واهم شى قومت الصبح الى ترد العافيه


وان شاء الله نعيدها باجازة الربيع عقب الاختبارا:good2:

[سوبر152]

الناس في ما يعشقون مذاهب

[راصد أبن راصد]

ياسلام على البر ويازين القرص بالرمل و المشوي نص استوى تحس انك غيرة من جد
وياسلام لما ترجع البيت وانت كل عرق فيك ينبض من التعب كذا انت راعي كشتات ترى الرمل واللحم النص سوى يقوي المعدة ويخليك أسد يأسد
(لاتكثرون على أخونا عصيقيل أكيد هو من أكبرعشاق البر بس يبي ينزل موضوع )


http://www.aqarcity.com/images/smilies/big/sm39.gif

[راعي اليتامى]

والله انا من الناس اللي ما انبسط

الا لما اقعد بالبر اكثر من ثلاث ايام واكثر.....

[طفران بس بطران]

hggi dudkm الله يعينة لو ني منه اعتزل المنتدى اثركم وحوش

[الذيب ذيب .]

أولا
السلام عليكم ورحمة الله وبركاته

ثانيا
اتقبل وجهة نظرك بكل صدر رحب
ثالثا
بالنسبة لي والله القعدة في البر ثلاث ايام واربع لها طعم خاص
وتغير الروتين اليومي في المدينة
في المدينة ما فيه تعب ولا شي مخدوم ومحشوم
اما في البر تعتمد على نفسك وتوسع صدرك والتعب في البر له طعم

هذي وجهة نظري

وشكرا...

[jeddah girl]

حسب هوى الشخص
ناس طالعة عشان تصيد
وناس ما تحلى لها الطلعة الا بالتعب والمبيت
وناس حدها كم ساعة وتطفش
يعني المسألة نسبية نوعاً ما ..

[طائي الجبل]

شكل عصيقيل طار بالعجه
أجزم جزم ان جواله ماعمره أنقطع من الأتصال
الله من قرب المعشى
هذا اللي مزين البر المشكله لو كل الناس تمرح بالبران

[يالبى قلبك 11]

قالوا كشت .؟ قلت ايه ! قالوا شهبت.؟ قلت لا ! قالوا اجل ماكشت:D

كل واحد وهواه :)
بس انت شكلك من اللي يحبون يطلعون ويجلسون من الصبح الا المغرب ولا يلمسون ولا عود اللهم يشغل السياره ويمشي:D
لكن فيه ناس تحب تشتغل تحب تطبخ وتنفخ
بس اولا واخيرا كل شيء يعتمد على الخويا ... فيه خويا تاريخهم تاريخ زبادي وفيه ناس تاريخ شابوره وناس لو تقعد معهم ساعه مليت وفكرت بالانتحار:D

[الشقردي 205]

السلام عليكم . . .


أخوي / عصيقيل . . .



انا أحترم وجهة نظرك . . .


وكل واحد له وجهة نظر وانا أحترم وجهة نظر الغير . . .


وانا من عشاق البر ألى حد الجنون . . .


وكل شي في وقتة حلو . . .


البر يازينة زيناة مافيه احلى من البر . . .



البر وناسة وسعة صدر وراحة بال . . .


وبنفس الوقت تعب . . .


طلعة البر حلوة لا كان الجو حلو ومع ناس فلة وشقردية وانا من النوع اللي ما استانس الا لا صارت الطلعة من 4 وفوق . . .


بشرط انك ما تخيس بالبر . . .


يعني لو تبي تكشت فترة طويلة اكثر من اسبوع لازم تروح للمدينة باستمرار ولحد يقنعني يقول انا اطلع للبر اكثر من اسبوع وما اطلع للمدينة ليه . . . ؟؟؟


لانه التخييم يحتاج اشياء كثيرة واشياء تستهلك مثل الماي والاكل والسوالف هذي . . .


يعني لو تبي تبطي حلو انك تروح للمدينة أو المحطة وتاخذ اللي يلزمك بدون قاصر . . .


والبر مانروح له الا نبي ( نستانس ) . . .

[الدرعيه]

لو علي كيفي في البر على طول كل الشتاء

[الخادم]

حلاوة البر تكون بعيد عن الديره و ازعاجها
و تجلس مع ناس طيبه شرواكم
و شوفت القمر و نار شابه

[صاحب حي]

الله يحفظك
ما فيها مبالغة
الا ذا فيه ناس ما تعرف الشغل وتدبير الامور هذا اكيد بيتعب
لكن اهل الخبرة والممارسة ما يلقى تعب لانه متعود و مضبط اموره ومستعد لكل شئ
حتى في الطبخ لا يحترق شئ وكل شئ تمام لانه خبره
نعم فيه ناس تتبهذل ويشق على نفسه لانه يفتقر الى الممارسة
ولا تنس المهتوي يهون عنده كل شئ
عموما ..
ما يتعب الا اللي ما تعود وما استعد ولا يعرف للطبخ وباقي الامور
وهذا مشاهد اذا طلع معك واحد ما تعود تشفق عليه ..

تحياتي

[غربي هواوي]

زمن الكشتة يتحكم فيه عدة أمور

منها بعد المكان ومدة الاجازة اللي معك ( للموظف) طبيعة المكان ( يعني اذا ربيع ما يكفيك يوم)

وكلن وهواه في مناطق ما تمل من الجلسة فيها والخوه الطيبه لها دور

[سفاري959]

وش رايك تجي تعلمنا وشلون نكشت ياخي كلن ينام على الجنب الي يريحه انت تشوف انها تعب وغيرك يشوفها راحه لو كنا نبحث عن الراحه والأكل الي تقول قعدنا في بيوتنا ولا طلعنا ولا احد اجبرك تقدر تقعد لا تطلع ؟؟؟؟؟؟؟؟؟؟؟؟؟؟؟

[عادل بن جابر]

ياحبي لك





قبل 25 سنه كنا أذا طلعنا بعطلت الربيع نقد باللبر 12 يوم وودنا بالزود


أشهد أنك حمست سبدي


يقول الشاعر مطلق النهار


ليت الوزاره تطول عطلت الربيع ,,,, مدة ثلاثين يوم(ن) مع لياليها

خمسة عشر يوم عنا تنقضي سريع ,,,, أيامها قليله ما نهتني فيها

نبي لا طاح المطر والبرق له لميع ,,,, والكل من له خيام(ن) راح يبنيها

تلقى الكواشيت في بر الله الوسيع ,,,, ياحلو شوف الخيام ومن سكن فسها




وأنت تقول يوم واحد



مالك بالبر أتركه عنك ولا تعذرب فيه ومن يروده

ولو أني أحس أنك تستهبل :D





تحياتي لك

[سفاري فتك2009]

الظاهر ان لك من اسمك نصيب :D

(اخشوشنوا فان النعمة لاتدوم)

طيب فيه احد قالك تروح للبر لاتروح ابد انثبر مكانك

[سفاري فتك2009]

سبحان الله وبحمدة سبحان الله العظيم

[.عبد العزيز.]

وناسة الطلعات

[العرندس909]

النوم في البر
في الهدوء والسكينة

هذا لوحده علاج

[rb3 2008]

لكن يوجد هناك فئه من الناس وهم كثر يذهبون للبر يومين أو أربع أيام ومنهم أسبوع


هذاك قلتها , الكثيررررر من الناس

يعني لو اقليه كان يمكن تقول شاذين مابالك بالاكثريه ؟

اذا انت تشوف ان البر من الفجر الى المغرب غيرك مايشوف كذا

وبالاخير اذواق ورغبات الناس تختلف من شخص لآخر يعني استغرابك ليس في محله

تقبل مروري اخي العزيز

[كحيلان تميم]

والله الناس اذواق ورغبات واهواء .. ومادامه ماسوا شىء غلط ولا ترك صلاته وعبادته وماشي صح براحته ان شاء الله يسكن بالبر ..

ش

[فياض الربيع]

يازين البر اذكر رحله امتدت الى 10 ايام من الدهناء الى الشوكي والصمان ورحنا جبه بحايل ثم رحنا لام دباب لاهل التطعيس قبل يسكرون طعس ام دباب جيناه وقت ويكند وكان فيه اجتماع اهل التطعيس وطعست بالربع لين طاح اللي بالراس ورجعنا للرياض
4 سيارات 2 جيب شاص وجيب ربع لمحاكيكم وهايلكس وعددنا 8 كل موتر فيه ثنين من افضل رحلاتي اللي رحت لها
وكل ماطلعنا من منطقه وقفنا بمحطه وتروشنا وتنظفنا ومشينا معنا ملابس غيار والامور من احسن مايكون
وكل مكان جلسنا فيه يومين المجموع 10 ايام كانت رحله ماتكرر وكانت سنه ربيع عام 1424 وبعد ذا السنه
صرت اطلع كشتات بس ماتعدى 3 ايام بالكثير الزبده النوم بالبر شي خرافي تحس انك تشبع نوم لو تنام ٣ ساعات فقط

[ابـو ولـيـد الـحـربـي]

مع احترامي لا كنك مخطى في هذي متعة نشعر به نحن الهواه

[جدة يونايتد]

البر راحه وسجه

[لامبالي]

بعض ردود الاخوان
فيها جلافة
يعني ماجات المرجله الا بطلعات البرية وعلوم الرجال الا بطلعات والجلسه يوم ولا يومين او اكثر
.
قصص كثيرة حصلت لكشاته قانصين مافيها من المرجله شي شفتها في المنتدى سرقات لسيارة
شخص مقتول مهاوشه على صيد
اشياء قرئتها في المنتدى
المرجلة تربية واخلاق ماهي طلعة بر ودلة وبرادي وبندقية صار رجال ونعم فيه المرجلة اكبر من كذا
........................................
ولله الحمد انا كنت تعجب من الشباب في العمل يقنصون اسبوعين الى شهر في الطبيق
ايلين طلعت معاهم والله انها وناسه وسعة راحة نفس لكن اشتطرت عليهم يوم ونرجع والحمد لله الشيبان اللي معايا وافقوني الرائ ولا فيه اثنين من الشباب يبغون يجلسون ثلاث ايام على الاقل
والحمد لله تونسنا ورجعنا سالمين

[مطر وسم]

سالفة البر والجلوس فيه يومين او ثلاثه او اسبوع هذا اسمه عشق وحب ماترتاح النفس الا فيه وناسه وسعة صدر ومافيه احلى من النوم في البر

تحياتي لكم

[بن مانع التميمي]

عاد انا راسي ما يهدا ويركد و اروق الا بعد يوم او يوم ونص من الطلعه هههههههه

ماقصرو الشباب

[بربنجي]

شف اقولك حاجه قد يكون كلامك صحيح وفيه منه
لكن لكل شي مميزات وسلبيات
انت نظرت الى السلبيات فقط
وانت كذلك تعبت نفسك بالخروج من الصباح بدري ودقيت مشوار و طقيت خيمتك وعزبتك وشبيت الضو وطبخت ووو
ولما غابت الشمس واحلوت الجلسة والسمره والسواليف مشيت

طبعا فيه ناس كثير و هذا حقهم يحب يطلع للبر طلعات خفافية وهذا شي طبيعي وهو حر ويدور الي يبسطه
وبعدين البر له وقته وانا اخوك يعني ما يكون الجو مشمس مره ولا حر
ويكون امطار وربيع وارض خضراء وتكونوا مجموعه طيبه عشان يتقسم الشغل على الجميع ولا يصير متعب للبعض
او يكون معكم خادم لا يمنع ما فيها شي

[ابوصالح3]

طلعتك الفجر وعودتك المغرب هي التعب والشقا,,حلات الطلعه 4 او5 ايام

وجهة نظرك محل احترام وتقدير

[طلال مكشاتي]

البر راحه لاتوصف.

لاحول ولا قوه الا بالله