طيور مسروقة

[طيرحوران]

السلام عليكم ورحمة الله وبركاته
كل وعام وأخواني الكرام بخير . ولهين على منتدى مكشات وأهله . وأقبلة نقلة الطيور وبرد الوقت وأقفى الصيف وكلن دلى يغني على ليلاه .
الصراحة المفروض أني أكتب موضوع جيد وشيق بس الصراحة . حصل أمر من ضعاف النفوس مما جعلني أكتب عنه وأعلن عنه ؟؟؟؟
وهو سرقة عدد8 طيور من أستراحه في الرياض
والطيور هي 1- بيتي تصاغر جرمه
2- قرناس وحش
والبقية فروخ واحد منهن مقاسه 18*18 ومارية الفروخ الوسرة الطيبة وكلهن حمر مجاهيم وعاديات وطيور صقارة مافيهن كلام
الرجاء من يشوف أية فروخ تنزل السوق أنه يبلغنا بأسرع وقت حتى يمكننا التحقق منهن .
على الجوال رقم 0505121547ابو سعد
أو 0505808286ابو عبدالرحمن
وجزى الله خير كل من ساهم في البحث عن تلك الطيور ولا نريد لأي واحد من أخواننا في الله الخساره .
المعذره من المشرفين كان خالفنا القوانين

[الاصفر]

الله يعوضك

[أخو المري]

أخوي
طيرحوران

الله يعوض راعيها


طيب

الفروخ شئ منها تفريخ
ولا
ويش ديرتها


وعسى الله يعقـلها إنشاء الله


تحياتي

[اعقاب]

ابشركم ان الطيور حصلوها الا واحد ورجل ذاك اتجيبه
وباقي النشره بعد مايصفى الصافي

[طيرحوران]

السلام عليكم ورحمة الله وبركاته
ابشركم ياأخوان الطيور تم العثور عليها فيها حائل وحتى الحين لم تسلم الطيور لصاحبها بسبب اجراءات الشرطة والحمدلله على عقلة الطيور لراعيها .
تسلم اخوي عقاب على التوضيح وأنا الصراحة تأخرت في تنزيل الموضوع .
والسلام

[تواق]

السلام عليكم


الله يبشركم بالخير يعلم الله عند علمي بخبرهم عند الشباب في الرياض تضايقت كنه طيوري لكن الحمدالله على عقلانها



اخوكم / تواق

[نهر العطاء]

عليك بالدعاء ياخوووووووووي
من رجا الله بحياته ما يخيب
الله يردهن لكم ,,,

[عبدالله بن فرحا ن]

الله يبشركم بالخير يعلم الله عند علمي بخبرهم عند الشباب في الحدود الشمالية رفحاء لكن الحمدالله على عقلانها

[سرهيد1]

بسم الله الرحمن الرحيم

بشكرم الله بالخير ............ الحمد لله على رجعت الحلال لاهله وأبو عبد الرحمن (زياد الحربي ) ما يستاهل غير كل خير .

رجال صادق ناصح كريم راعي وجه بشوش وعلومه طيبه مع كل الناس اللي يعرفهم واللى ما يعرفهم وكل أهل السوق لا أخذو علم منه يعدونه مثل شوف عيونهم .

ويعلم الله أني كل ما علمت أحد عن الطيور أنها أنسرقت يضيق صدره ويقول والله دامها لذاك الرجل ما قعد الين أحصلها في كل المناطق الحجاز الشمال الوسطى الشرقية حتى خارج الحدود أهل قطر يعرفونه زين وفزعو وأهل الامارات والكويت واليمن .

لو ما جا أبو عبد الرحمن من الحادثه هذي غير ما تبين من محبة الناس له لكان كافي تعويض في طيوره .... سبحان الذي كتب أن يتم نعمته عليه .

اللهم أجعلنا من المتحابين فيك وأجعلنا من المحبوبين لدى عبادك الصالحين.... وأجعلنا من العابدين المخلصين لك أنك ولى ذلك والقادر عليه سبحانك


امين........ امين .......... امين

[ولد حايل]

السلام عليكم
لقد تم بحمد الله وتوفيقه - العثور على جميع الطيور العشرة وهي تحتاج الى رعاية واهتمام كبير
والحصول عليها على دفعات على مدار يوم كامل لدى شخص واحد
احضر منها اربعة في الصباح للبيع
وعند ملاحظ احد الصقارين البارعين حجم الصقور وصغر سن الشخص الذي يعرضها شك في الامر
واجرى اتصالاته بصقارين المنطقة ومنها تم الاتصال باحد اصحاب الصقور المسروقة
ووصف طيره وكان من ضمنها - فقال ابشر بطيرك هو معروض عندي الحين
وما عليك الا الحضور لاكمال اللزم
وفعلا حضر وتعرف على طيره وبقيت الطيور
وحالا تم اقامت دعوى جنائية لدى شرطة حائل
وبدهاء وذكاء من قبل صاحب المحل منعا لعدم تخويف الاطفال والنساء الابرياء الذين ليس لهم ذنب ابتدع خطة لعلها تنجح - وفعلا نجحت
حيث اتصل به بان هناك اشخاص من طرف احد الامراء يريدون شراء الطيور جملة بسعر مغري جدا جد
وعليك تحديد السعر اللي يناسبك
واذا كان لديك طيور اخرى احضرها
فرد الحرامي نعم لدي خمسة طيور فروخ
واحضرها وتم القبض عليه
واصبح المجموع تسعة طيور
واعترف بانه شرها من اشخاص بالرياض بعشرين الف
وعددها عشرة والطير العاشر في البيت لديه
فتم احضار الطير وتم التعرف عليها جميعا وتم حجزها
حتى انتهاء القضية
وتم التعرف على الاشخاص والجهات المختصة بصدد القبض عليهم
ونبارك لاخونا الفاضل - زياد الحربي ابو عبدالرحمن والاخ عبدالله العقيل ابو خلف والبقيت وفقهم الله على العقلان

وفق الله الجميع

[مريقب العيفار]

هناكم العقلان

والحمد لله اللي جت على خير

[اعقاب]

الحمد لله على العقلان ويستاهل زياد كل خير

وياأخوان ترى فيه فرخ فلت بالبرقع والجرير من استراحته وماعنه الطير خبر
الطير مغتر اللي يحصل عنه خبر يتصل على ابو عبد الرحمن او احد الارقام هذي:
0555996650
0500996650
0505996650
0505906650
ولكم جزيل الشكر

توقيع محاكيكم :D

[طيرحوران]

السلام عليكم ورحمة الله وبركاته
نشكر جميع الأخوه الذين شاركو وتفاعلو مع هذا الموضوع والحمدلله على العقلان .والله لايوري أحد مكروه .وعسى الله يعقل الطير إلي أنفلت .والسلام عليكم

[نهر العطاء]

اعقاب انت تبينا ندور طيورك ولا تبي تعرض الارقام للبيع هههههه

الله يردهن ويعقلهن لكم عاجلا غير آجل

[المري]

الحمد لله على العقلان..

[فهد الميموني]

الحمدلله على العقلان يابوعبدالرحمن وبوخلف والله يسود وجه هالحرامي ولو اعرف اسمه والله ثم والله لا اذكره لكم حتى تحذرون منه ومن التعامل معه ؟؟؟؟!!!!!!لاكني سمعت انهم اكثر من واحد اللي سرقوا الاستراحه والله اعلم .

[bin7eyey]

الله يبشركم بالخير

[saad7770]

الحمد لله على العقلان..

[طيرحوران]

الله يحي كل بإسمه
وتسلمون على التفاعل والتجاوب والله لا يوري احد مكروه
تحياتي