اهداء للصقارين الجدد

[الاصفر]

السلام عليكم
انا والله اليوم صار موقف قدامي من صقار جديد وشايل بيده ريش من الذنيبه وداخل الديوانيه ويقول ابشركم طيري حذف الامواس..؟؟؟؟؟ وصراحه الموقف كثر ماهو يضحك يزعل لما وصلت له الصقاره من الجيل الجديد وفز شجود احد الاشخاص الموجودين وقال هلقصيده وانا اعتذر اني ما راح اكتب القصيده كامله لذكر اكثر من اسم فيها وعدم التجريح في الشخص نفسه..مع الشكر


يا عزتي لهل القنص والصقاقير....ريش الذنيبا يا فهد صار الامواس
حرام ماعاد انقل بكفي الطيــــر .....مدام صار الطير مع كل الاجناس


وانا اتمنى من كل شخص يبي يدخل المجال هذا انه يخالط صقارين ويعرف العلوم كلها بعدين يشتري طير

مع الشكر للجميع

[حرباش]

صح لسانك وصح لسان قايلها


والضعيف مسكين فهموه واشرحوله ولا ياخذ بخاطره لأن والله قل في هاليومين من يدور علوم المرجله والمقانيص :(

بالعكس صار اللي يدور عليها انسان شاذ ومتخلف والعالم قدام وهو ورى للأسف الشديد

وهذه المفاهيم جميعها باطله وما قول الى الحمد لله والله لا يغير علينا :)



تحياتي لك ;)

[الاصفر]

الله لايهينك يا حرباش على المشاركه

[ابو طنب]

مشكور يا بعدي على هذه النصيحة


هذا ازين من اللي شاري له فرخ بـ 16000 ريال وهو ما يعرف للطير

وآخرتها يعلفه بسيخين كباب لحم ني؟؟ نص ساعه وهو مصور جنب الفرخ .. مات الله يخلف

ولكن ارجو من اللي يبغى ينقل الطبر معه ان يعرف له ولطبايعه قبل ان بنقله ويخلي العرب يضحكون عليه