GX-R 1997 عــــــاجـــــل

[KFC]

مساكم الله بالخير يا اخوان
كم يسوى جي اكس ار ابيض ماشي 250 الف بأسم راعيه وكاله الي خطوطه رماديه .. ماطب بر ولا تشغل دبله ولا فيه سمكره ولا رش ابداً واحد البيبان الي ورا فيه ضربه من ريوس على عمود وبسيطه ماتسمكرت ولا تعدلت ولا تأثر على تقفيل الباب وباقي البدي مافيه ولا مخش ومواصفاته كالآتي :


ابواب .. ثلاجه .. مكيفين .. سبير علاقي


طبعا اسئل وانا رجال ابغى استخدم .. وثاني شي كيف استخدامه ؟؟ هل يناسب للديره وللسفر وللبر على خفيف!! ولكم جزيل الشكر

[KFC]

معقوله محد يدري ؟

تكفون استعجلو علي

[عاشق الزيته]

هلا بك يالغااالي

اذا نظيييييف نظيييف

يسوى له 65 الف

هذا والله اعلم

تحياتي لك

[KFC]

هو من ناحية الرغبه اقل من الهدد في اكس او الجي اكس صح ؟

[برق البطين]

من الخمس والخمسين الى خمس وستين وترى قولتك الدبل مااشتغل ولاطب بر كلمة ماتدل على النظافة با العكس الدبل لازم تشبكة من فترة لفترة تتزيت التروس اما اذا ماانشبك يجي له خربات مع الأستعمال

[RPM..5800]

ترى المكينة كبليتر .. ما يتعدى52

[محمد الشمروخي]

انا مجرب الباترول الاولات والفتك والاند الجدد هذا افضل جيب للبر والديره وقوة التحمل وقوي عزم وحلو والبخاخ افضل طبعاً لاكن الكلبليتر ممتاز
ويبدا السعر من 50000الى 65000 والله يوفقك

[KFC]

جزاكم الله خير على المرور .. لكن موب فرق كبير بين 50 و 65 ؟ يعني ماهي الف ولا الفين .. مقصدي انه وش المقياس لتحديد سعره بوسط هالفارق الكبير

[العنابي 616]

القياس اللون و النظافة و المكان
و أنت و حظك يمكن تلقطه بسعر زين
عموما الأسعار تتفاوت بشكل كبير من مكان إلى مكان
إذا تبغى أرخص دور المديلات اللي قبله 95 و 96 و 94 تلقى نظيف و سعره أقل

عموما السيارة منوة راعي البر و تنفع للخطوط و الديرة
و سعره حول ال 58 يزود أو ينقص شوي

[KFC]

يعني ب 55 اتوكل على الله ؟

[وارد منصور]

ملاحظه تاكد من حراره الموتر لان الجو بارد هذه الفتره ولا يبين اذا فيه شي راس المكينه لانها فترت غش وخداع والله يوفقك

[RPM..5800]

يعني ب 55 اتوكل على الله ؟



غالي شوي

مبيوع 97 جي اكس ار بخاخ
قير عادي فتحه شنطه اللون الداخلي بيج .. والخارجي أبيض
بــ 53