مشكلة لم نتطرق لها وهي مشكلة

[ويلومني]

كما في العنوان


السلام عليكم ورحمة الله وبركاته
حياالله أخوتي في مكشات








مشكلة لم نتطرق لها وهي مشكلة الملل من السيارة بحيث نشتري سيارة ثم تبقى سنه الا سنه ونصف ثم يبدأ التفكير ببيع السيارة
أنا أتكلم عن نفسي من هالمشكلة وهي الملل بحيث أنني أشتري السيارة وهي مليئة بالخربات ثم أقوم بتصليحها فإذا لم يوجد خراب بالسيارة أفكر بالبيع أو أمل من شكل السيارة وأبحث عن التجديد بسيارة ثانيه وعلى هالموال

بقيمة هالسيارات اللي شريتها كان شريت أرض
وليته فيه مكاسب بالبيع كله خسائر

أريد منكم الحل

[اااااابو يوسف]

حياك الله اخوي

على كذا انت شريطي ههههههههه



الملل طبيعي واعتقد عند الكثيرين لكن ما الحل ؟

البيع ليس حلا لان البيع غالبا بخسارة ثم تشتري اخرى من شريطي الله يعلم ما بها من اعطال

لذلك ارى ان الحل تحديد وقت لا تسمح لنفسك التفكير بالبيع مثل سنة اوسنة ونصف بالاضافة الى توفر الميزانية لشراء سيارة اخرى

لك وللجميع مودتي واحترامي
ل

[ملقاط بن جمر]

والله ياخوك كلن وده يغير سيارته بعد فتره من استخدامها ..

لكن وين الدراهم اللي تجيب السيارة الجديدة ..

أنا معك التغير لابد منه بس بعد سنوات من الإستخدام أما الواحد يغير سيارته من ثاني شهر فهذا ممكن يبي يتربح منها .. شريطي يعني ..

[ابومعزي]

عزالله انك جيت على الجرح انا عجزت امسك لي سيارة وكل ما شريت سيارة صلحتها لين تغدي وردة ثم بعتها بخسارة واحيانا تكون خسارة فادحة خاصة لاطابت نفسي منها

[عود رمثه]

من كلامك يوحي لي بانك ممكن تصير مكانيكيا او راعي تشليح وشكل عندك فراغ
تريد اشغال باي عمل اصلح دكتور بس الثانوية اخذته بالواسطة مشكلتهم مايقدرون ههههههههه

[كاشت وحداني]

بكل صراحه انا جلست فتره على هالحال
وعام 2005 شريت لي كامري
صحيح ان اكثر الناس يعتبرونها سيارة سياحيه
بس على الرغم من زحمة الرياض وكثرة مشاويري
ما عاد افكر ابيعها
خدمة - كرف - اقتصاديه - قوة تكييف - قوة تحمل
ممشاها فوق 400 الف
فيها تنقيص زيت حاليا على السرعات العاليه
دخلت فيها اوديه وطلعت فيها جبال وعقاب في الجنوب وفيفا وجبال الحشر والريث
ولله الحمد حاليا قررت استخدمها الى ان يشاءالله واي شئ تطلبه ماني مقصر معاها
مع ان التخطيط على تاهو z71 لكن باقي اشاور . والله ييسرلنا ولكم اخواني المكشاتيين

[ويلومني]

أشكر الأخوه على التفاعل
بس البيع علشان أني شريطي أو غيره ولست بشريطي المشكلة من الملل
والفراغ له دور مثل ماذكر أحد الأخوه

أرجو منكم إيجاد الحل

[ابودعسان]

انت مالك اللا تشتريسياره وتسجلها باسم احد اخوانك برا الديره عشان ماتقدر تبيع ههههههههههههه

[ابوزياد12]

نفس الطينه أنا وياك
في أربع سنوات ونصف
1. كابرس 86
2. كورلا 91
3. كابرس 90
4.كرسيدا 91
5.كورولا 2006
6.جيب شيروكي 2001
7.فرخ شبح 91
8.فورد اكسبلور 2008
اربع سنوات ونصف فقط

[شاحط اليوكن]

الله يكون في العون هاذالعالم كله يشوف الناس تغير والفلوس واجد كنه اذشترا سياره شاري ببسي وانا طايح
في القارابع

[راعي المقانيص]

الله يكون بعونك ياغالي

لكن حاول انك تقنع نفسك ان السيارة وسيلة وليست غاية

وربي يرزقنا وياك من فضلة