ماطور رحلات

[ديبو]

السلام عليكم ورحمه الله وبركاته

اخواني اعزائي

اين اجد الماطور الصغير خفيف الوزن حق الرحلات والكشتات الخفيفه

[حمدبوحسان]

عند ساكو تلقى انواع وأشكال

[راعي الرائد]

عند بنده ماطور لاباس به انا مجربه منذ ثلاث سنوات وهو شغال ولايزال حتى الان وقيمته 260 ريال اذا كان ماتغير السعر

[جيبي جايزلي]

شف وانا اخوك لا تشتري الصيني ولا تقربه ابد

اذكر فيه نوع ياباني كاتم صوت قوته 1000 واط ويجي منه 650 واط ممتاز جدا وياباني الصنع وبالتوفيق

[ديبو]

مشكورين اصحابي على مروركم
والله يوفقكم

[ملقاط بن جمر]

لا تستعجل


مر على ساكو وشف وش عندهم
ومر على العليان وشف إذا عندهم << ترا ماني متأكد من العليان عندهم وإلا لا


وبعدين مر على شارع الريل وشف وش عندهم وبتلقى عندهم أشكال وألوان وقتها خذ اللي يناسبك


موفق للخير يالغالي ..

[ديبو]

شكراً ملقاط بن جمر
بروح للشار الريل قريبا
وسوف اوافيكم بالمفيد

[مزاجي فوق]

شوووف انا عندي الصيني له سنتين

وانا اشهد انه وافي وماقصر بس بشرط اذا بتحافظ عليه وتنتبه له من الغبار والتراب وانتم بكرامه

صدقني يخدمك عشر سنين قدام اسئل مجرب

دمتم بود

[خشم العرمة]

العليان عندهم في حدود 300 او اقل

[فويرط]

شكراً ملقاط بن جمر
بروح للشار الريل قريبا
وسوف اوافيكم بالمفيد


في انتظارك

[hamo0o0ody]

شف عندك ماطور هوندا 650 واط حجمه صغير ووزنه خفيف
وكاتم صوت تحطه وراء السيارة ولا تسمع له صوت
يعطيك خط 220 فولت فقط
والميزه انه ما يجيك خلط الزيت مع البنزين
الزيت لحال والبنزين لحال
مهوب مثل هالصينيه اللي في بندة
البنزين خلط مع الزيت
هذي فك نفسك منها
وبتلقا ماطور هوندا في شارع الريل
انصحك فيه انا استخدمه من ثلاث سنوات تقريباً
ولله الحمد ما شفت منه شي

[doom4444]

الصيني اللي عند بندة سعره 299 ريال واسمه mr.t مستر تي ويخلط البنزين مع الزيت شريته قبل اسبوعين واشتغل لمدة 6 دقايق وجيم ولا عاد يتحرك فيه شي وفيه واحد اشوف عنده زيه محلوت بالخيمة يقول يبي تصليح فنصيحة الصيني حظك يانصيب احيانا يشتغل سنين واحيانا مايشتغل ابد خذ ياباني ولو بزود دراهم واشتر راحتك وزي ماقال الأخوان فكرة خلط الزيت مع البنزين غير عملية دور على المفصول