تخبرون لي محل يغير جلد البلوف بدون فك رأس المكينة ؟؟

[شاص]

السلام عليكم

عندي فورد جراند ماركيز وأبغى أغير له جلد بوف .. وذكر بعض الشباب أن بعض الورش ممكن تغير بدون فك رأس المكينة .. تعرفون حدى هالورش بالرياض؟؟

[Tech1]

اخوي شاص

على حد علمي من الصعب تغيير جلد البلوووف من غير فك الراس.لا بد من فك الراس عشان الزاركينه تمسك بلبلف من تحت وتضغط على السبرنغ من فوق وتسحب الغفل عشان تطلع الجلد من تحت السبرنغ.

ونصيحة اذا احد من الورش قال انا اقدر اغير الجلد من غير فك الراس انصحك انك توقف على راسه لين ما يغير القديم بالجديد قدام عيونك. وسلامتك

[سهم قيادي]

مين يعرف ورشة تصلح جلد بلوف بالرياض (http://www.mekshat.com/vb/showthread.php?t=277606)

سبق اني غيرت جلد البلوف عند فلبيني جيد جدا

[عقيل2009]

مااتوقع تكون عمليه ناجحه 100%

تغير جلد بلوف لازم فك الراس

[بواردي الدلم]

ماهوب لازم فك راس بالنسبه لبعض المواتر مثل الكوابرس والجموس القديمه ويمكن فيه غيرها لكن ما ادري

عموما من عند الثلاجه يفكونها ولهم حركه ذكيه فيها وأعتقد ان فيه ورشه في الدلم قديمه ولا ادري عن راعيها هو لين الحين يسويها ولا لا ورشة الدريهم

لكن صدقني في الرياض بتلقى ناس تضبطها

[شبح الموت]

ورشة نوفا باخر صناعية الشفاء قبل الاشارة بس غالين شوي

[ابوراكان تبوك]

من يقول لازم فك الرأس

أنا مغيرها بدون فك رأس المكينة قبل 5 شهور وكلفتني 900 ريال مع شغل اليد

شف لك اي محل متخصص بالفوردات بالرياض أكيد عندهم تركيب جلد بلوف بدون فك رأس المكينة

[slj1416]

اذا لقيت ورشه تغيره بدون فك الراس خلك واقف على راسه

[شاص]

مشكوووووووووورن على التجاوب جميعاً

[على رمشي تمشي]

ورشة نوفا باخر صناعية الشفاء قبل الاشارة بس غالين شوي

انا اتفق مع اخوي شبح وشغلهم جداً ممتاز وحتى لو هم غالين تحط سيارتك وانت مطمئن

[محمد العوني]

يفكونها بالزرقينه الخاصه فيها وهي الي تمسك بالبلف ويسحبون الجلد..

تروح مع طريق خريص متجه شرق كأنك تبي معارض النسيم تلف مع اول شارع للمعارض الي بعد نقليات البسامي ..ويصير وجهك جنوب..

تتعداء اول اشاره وتجيك الاشاره الثانيه ديور فوق تحت تجيك محطه على يدك اليمين فيها ورشه مديرها شايب مصري بالماريه مكرش واسمر شوي يغيرها لك بدون مايفك الراس بــ400 ريال...

ومع المكاسر 350 ويركب لك جلد امريكي ويضمنها 6 اشهر..

الحمدلله ركبتها عنده ولها الحين سنتين عال العال

وماتشوف شر

[محمد العوني]

نسيت لااقول سيارتي فورد ماركيز

[شاص]

أخوي محمد العوني .. مشكوووووور يالغالي وما قصرت .. كم تاخذ من الوقت؟

[شاص]

على رمشي تمشي .. شاكر مرورك وإفادتك عمالتهم وش جنسياتهم؟

[ابو عود]

فيه فلبيني في طريق خريص فنان فورد

كان يشتغل في الوكاله وبعدين طلع

كانك تبي رقمه عطيتك اياه وبتدعيلي

[محمد العوني]

أخوي محمد العوني .. مشكوووووور يالغالي وما قصرت .. كم تاخذ من الوقت؟



وقفتها عنده العشاء وجيته من بكره العصر جاهزه ..

العفو ماسوينا الا الواجب..

[الساهر222]

يغيرون جلد البلوف بدون فك الراس ولها مكبس خاص عند بعض الورش ويضبط دايم على السيارات الامريكيه وانا فيه واحد من خوياني غير لفرد قراند مركيز موديل 97 والان السياره مايحتاج وهي كانت تدخن بسيط والله يوفقك ..

[شاص]

أبوعود .. أرسل رقم الرجال ووصفه .. جزاك الله خير

[شاص]

الساهر 222 .. شاكر مرورك وإضافتك .. وين صلحه وكم التكلفة ؟؟

[gx 94]

يأخوان اذا انتوا قريبين من الزلفي روحوا لسعود العضيب او اسالوا عنه يغير جلد البلوف بدون مايفك الراس

[سياااف]

اخوي شاص ولا يهونون الباقين

انا معي سفاري غيرت له جلد بلوف بدون فك الراس

وكانوا ينصحوني الشباب ويقولون انه ماتنفع والرجال ضمنها لي اقصد الميكانيكي

وبعد سبع شهور رجع الموتر يدخن مثل اول

وسألت فلبيني خبير وقال انها ماتضبط الا بفك الراس لان فيه قطع داخل الراس لازم تغيرها والا ماتستفيد


اتمنى ان اكون اضفت شيء للموضوع


ولك تحيتي